Ish-kryeministri Sali Berisha ka prezantuar sot gjashtë kandidatët e dalë nga primaret e organizuara nga Komisioni i Rithemelimit të PD-së, për zgjedhjet e pjesshme të 6 marsit.
Berisha ka vlerësuar procesin e primareve, ndërsa ka thënë se do të bëjë gjithçka në mbështetje të tyre, që në 6 mars të shpallen qytetarët e parë në këto qytete.
“Falenderoj kandidatët që janë sot këtu para jush, për punën e tyre të shkëlqyer. Do të bëjmë gjithçka në mbështetje të tyre, që ata në datën 6 mars të jenë qytetarë të parë të bashkive në të cilat garojnë. Dua të falenderoj të gjithë ekipin, komisionin e rithemelimit, komisionin e procedurave zgjedhore”, u shpreh Berisha.
Kandidatët e Berishës janë:
Dibër – Premtim Kryemadhi
Durrës – Ardian Muka
Vorë – Lulzim Vrana
Rogozhinë – Hekuran Xhani
Lushnjë – Elton Bano
Shkodër – Bardh Spahia
