Portieri shqiptar që këtë sezon po shkëlqen me Atalantën ndoshta do të ishte një garanci më shumë për sfidën e Palermos por për numrin 1 është e pamundur që të sfidojë Kombëtaren e vendit ku po luan që prej disa sezonesh.
Berisha e pranon se ai moment ka qenë shumë i vështirë. Pavarësisht mungesës, gardiani i lindur në Prishtinë nuk do ta kursejë mbështetjen për Kombëtaren Kuqezi.
Ndoshta momente të caktuara nga fati. Cana mungoi në ndeshjen më të rëndësishme të karrierës së tij, atë në Marseille kundër Francës, ndërsa Berisha në Palermo.
Gjithsesi, porta shqiptare edhe pa të në kuadrat, mbetet e sigurt.
Kombëtarja shoqërohet përherë nga një numëri i madh tifozësh që e bëjnë skuadrën të ndihet si në shtëpi dhe nuk ka si të ndodhë ndryshe as këtë herë. Berisha e ndjen mbështetjen e tyre edhe në Palermo.
Gjithsesi, në këndvështrimin e Berishës, Italia është një kundërshtar shumë i fortë dhe për të besuarit e De Biasit sonte në mbrëmje do të jetë një mision shumë i vështirë.
