Ish-kryeministri Italian Silvio Berlusconi ka prekur një nga temat më të nxehta të ditëve të fundit në vend, atë të emigrantëve, Lideri i Forza Italia u shpreh se enigrantët në Itali jetojnë nëpërmjet krimit dhe 600 mijë prej tyre nuk kanë të drejtë të qëndrojnë. Emigracioni është një çështje emergjente, pasi në Itali aktualisht numërohen 650 mijë emigrant nga të cilët vetëm 5 për qind kanë të drejtë të qëndrojnë pasi janë refugjatë. Të tjerët përfaqësojnë një bombë sociale gati për të shpërthyer dhe jetojnë nëpërmjet krimit. Deklarata është bërë nga lideri i Forza Italia, Silvio Berlusconi, i cili thekson se të paktën 600 mijë emigrantë nuk kanë të drejtë të qëndorjnë në Itali. Sipas tij vendi po përballet me problemin e sigurisë dhe prioriteti numër një është marrja në kontroll e situatës. Duke iu referuar zgjedhjeve të përgjithshme të muajit mars në vend, ish kryeministri premtoi se kur të ishte në pushtet do të investonte shumë burime për sigurinë e italianëve. Berluskoni kujtoi se në 2011-ën kur ishte në drejtimin e qeverisë, në vend erdhën 4400 emigrantë, ndërsa me katër qeveritë e së majtës nga 2013 deti në 2017, në vend kanë mbërritur të paktën 630 mijë emigrant, nga të cilët vetëm 30 mijë kanë të drejtë të qëndrojnë pasi janë refugjatë. 600 mijë të tjerët janë një bombë sociale gati për të shpërthyer, sepse janë të gatshëm të kryejnë krime. BeRlusconi prezantoi tre pikat për zgjidhjen e problemit, ku e para ishte presioni ndaj Europës për të bërë marrëveshje me vendet e Afrikës së Veriut për të ndaluar nisjet, marrëveshjet me vendet e origjinës që të rimarrin emigrantët e parregullt, si dhe një plan i madh Marshall për vendet afrikane duke përfshirë edhe Shtetet e Bashkuara të Amerikës, Çadin dhe vendet e Gjirit.
