Në një konferencë shtypi të përbashkët në Ankara me homologun e tij venezuelian, Ministri i Jashtëm turk Mevlüt Cavusoglu nënvizoi gatishmërinë e Turqisë ndaj Greqisë në Mesdheun lindor, duke thënë se “ne po marrim masa kundër çdo përpjekjeje për të shkelur kufirin kontinental”.
Në lidhje me tensionet në ‘Mesdheun Lindor’, Cavusoglu bëri deklarata të reja provokuese, duke paralajmëruar se vendi i tij kishte marrë të gjitha masat e nevojshme kundër Greqisë nëse gjykonte se të drejtat e saj po shkeleshin në rajon.
Cavusoglu theksoi: “Ne po marrim masat tona kundër çdo përpjekjeje për të shkelur kufirin tonë kontinental. Herën e fundit që Greqia hyri në kufirin tonë kontinental 1 km (në verilindje të Kretës), ne shpallëm një NAVTEX dhe lëshuam paralajmërimet e nevojshme. Kur i dëbuam nga atje ata donin të hynin përsëri, këtë herë nga Qipro, por ne reaguam në të njëjtën mënyrë. Ata vazhdimisht protestojnë kundër Turqisë në bashkësinë ndërkombëtare. Unë nuk e di se çfarë përfitimi ka kjo. Ndoshta politika e brendshme ”.
Ai gjithashtu sulmoi SHBA dhe Presidentin Joe Biden duke thënë Shtetet e Bashkuara po gënjejnë Kongresin, duke mbështetur terrorizmin dhe ky është një krim kundër Uashingtonit.
“Në vend që të fajësojnë Turqinë, Shtetet e Bashkuara duhet të braktisin politikat e tyre të gabuara. Ata gjithashtu duhet të jenë më të sinqertë me popullin amerikan dhe Kongresin, “tha ai.
