Ditën e sotme Bledi Çuçi ishte në Tepelenë ku ka zhvilluar nje takim me banorët e zonës atje.Në një postim në rrjete sociale ai shprehet se në Tepelenë ,socialistët shkojnë me kokën lartë pasi janë të kënaqur me punën që është bërë në këtë qytet .Ai është shprehur I sigurt se do të fitojnë zgjedhjet e 25 prillit.
Postimi i plotë
Në ka një vend sot ku ne socialistët shkojmë me kokën lart për punën që kemi bërë dhe ku shohim një shembull kuptimplotë të transformimit nga qyteti deri në fshatrat më të largët, përmes investimeve dhe bashkëpunimit të shkëlqyer mes qeverisë dhe bashkisë, është pa asnjë diskutim Tepelena.
Asnjë qeveri në këto 30 vite nuk ka bërë për Tepelenën sa kemi bërë ne gjatë këtyre 8 viteve. Kush vallë i mendonte para disa vitesh rrugët rurale në Kurvelesh, Salari, Sinanaj, Nivicë… dhe përmbushjen e ëndrrës shekullore për të dalë në det?! Kemi ende shumë punë për të bërë prandaj na duhet një mandat i tretë. As nuk diskutohet që do të fitojmë dhe që Tepelena do t’i japë Partisë Socialiste mbështetje të jashtëzakonshme sikundër ka bërë për vite me radhë. Fitore “publiçitare” do të thoshte Tërmeti, por që në fakt kjo e 25 prillit ka për të qenë realisht fitore plebishitare. 😉 Ka nisur numërimi mbrapsht!
