Deputeti Petrit Vasili, ka reaguar në lidhje me njoftimin e AKSHI-t se shërbimet online do të mbyllen sërish deri në mesnatë me qëllim përmirësimin e dhënieve të shërbimeve online.
Me anë të një postimi në Facebook, Vasili u shpreh se qindra milion euro të dhëna për shërbimet online janë vjedhur dhe rezultati është zero.
Ai ka shtuar se SPAK duhet të bënte të pamundurën për të hetuar grabitje e qindra milion euro me tendera.
Postimi i plotë:
“Korrupsioni i Qeverise se Rames ka vjedhur qindra milion euro per sherbimet on line, rezultati zero!
Sot njoftohet nga Qeveria perseri bllokimi i sherbimeve publike on-line.
Ku shkuan qindra milion euro investime, inaugurime dhe fjalime idiote kilometrike te Edi Rames.
Ku vajti revolucioni digital i Edi Rames, qe perfundoi ne revolucionin e hajdutllekut.
Jane vjedhur dhe shperdoruar para pa fund dhe rezultati ka qene nje krim i vertete:
Miliona karta identiteti,
Qindra mijra numra telefoni,
Qindra mijra targa makinash,
Qindra mijra lista rrogash jane ne duar te krimit dhe te mafias.
Siguria kombetare e tronditur ne themel
Siguria personale e qytetare te mes te kater rrugeve
Siguria e bisnesit e shkaterruar katerciperisht.
Siguria e cdo niveli ne rruge te madhe
SPAK duhet te bente naten e dite per te hetuar grabitje e qindra milion euro me tendera per gjoja sherbimet on line te qeverise, qe kane bere te kunderten dhe kane tronditur kryq e themel çdo siguri te ketij vendi.”-shkruan Vasili.
