Pasi e kanë bërë pothuajse për një vit, ku mjekë nga Tiranë shkonin të ofronin shërbim për disa ditë në maternitetin e Burrelit pr lindjet e planifikuara, ekipet e mjekeve gjinekologë obstetër thonë se shërbimi nuk mund të mbulohet në këtë formë.
Pas dështimit të mbulimit të shërbimit shëndetësor me mjekë me bonus në zona të largëta ku ka mungesa të theksuara mjekësh specialiste edhe mbulimi nëpërmjet patronazhimit nuk funksionon.
Ata i janë drejtuar këto dite me një letër ministres së Shëndetësisë Ogerta Manastirliu ku i thonë se do të formojnë atje vetëm shërbim ambulator dhe nuk do të presin më lindje.
Përveç kësaj ekipi i mjekëve që ka firmosur këtë letër i bën me dije ministres së Shëndetësisë se kushtet në maternitetin e Burrelit janë përtej normales.
Salla e operacionit nuk ofron siguri pasi mungojnë instrumentet e nevojshme për lindje.
Mungon gjaku për t’i ardhur në ndihmë nënës në rast nevoje.
Mungon ngrohja e në maternitete çka rrezikon jetën e bebes dhe të nënës.
Për të gjitha këto, raste fataliteti mjekët janë të riskuar nga Kodi Penal.
Ndaj duke i parashtruar të gjitha mangësitë mjeket i bëjnë me dije ministres Manastirliu se shërbimi shëndetësor nuk mund të mbulohet më nëpërmjet patronazhimit, por paralelisht me krijimin kushteve në maternitetin e Burrelit të gjejë mënyrat dhe të punësojë mjekë obsteter gjinekolog atje.
