Kreu i KQZ-së Ilirjan Celibashi ka dhënë një deklaratë për mediat mbi të dhënat e deritanishme të procesit të numërimit të votave. Në llogaritjet e deritanishme, rezulton se pjesëmarrja ka qenë 45.72%, ndërkohë që vijon numërimi në qarkun e Tiranës dhe Durrësit.
Sipas Celibashi në rang kombëtar , teksa pritet që të mbyllet numërimi në Tiranë dhe Durrës PS ka marrë 74 mandate, PD 59 mandate, LSI 4 mandate dhe PSD 3 mandate.
Celibashi kërkoi nga komisionerët që të kenë kujdes dhe në numërimin e votave të kandidatëve, dhe nuk duhet të ketë asnjë tjetërsim të tyre.
Celibashi:
Pjesëmarrja në zgjedhje pas përfundimit të numërimit të votave në 4922 qendra votimi është 45.72%.
PSD 2.24% të votave, 3 mandate
LSI 6.85% të votave, 4 mandate
Nisma Thurje 0.64 % të votave, 0 mandate
PD-AN 39.40% të votave, 59 mandate
PS 48.67% të votave,74 mandate
