Deputetja socialiste Etilda Gjonaj ka qenë e pranishme në Forumin Parlamentar të Inteligjencës dhe Sigurisë në Washington DC.
Ish ministrja e Drejtësisë ka treguar edhe disa nga pikat kryesore të takimit. Ajo tha se “Forumi shërbeu jo vetëm për shkëmbimin e eksperiencave të delegacioneve parlamentare të vendeve të ndryshme pjesëmarrëse, por edhe për forcimin e bashkëpunimit ndërkombëtar për sfidat e përbashkëta të sigurisë”.
Postimi i plotë
“Kënaqësi të merrja pjesë në Forumin Parlamentar të Inteligjencës dhe Sigurisë në Washington DC. Çështjet e sigurisë që u diskutuan përgjatë këtij forumi si: Sfida kundër financimeve dhe tregtisë së paligjshme, si dhe pastrimit të parave; Politikat rregullatore për asetet dixhitale;
Trafikimi i qënieve njerëzore; janë sfida me të cilat po përballen të gjitha shtetet. Forumi shërbeu jo vetëm për shkëmbimin e eksperiencave të delegacioneve parlamentare të vendeve të ndryshme pjesëmarrëse, por edhe për forcimin e bashkëpunimit ndërkombëtar për sfidat e përbashkëta të sigurisë”