Është zbardhur dëshmia e pastrueses Rozeta Dovi, e arrestuar për vjedhjen e parave në shtëpinë e ish zyrtares Alda Klosi. Gazetarja Xhensila Kodra ka siguruar dëshminë e pastrueses, e cila çoi në arrestimin e ish-zyrtares mbrëmjen e djeshme nën akuzën për pastrim parash.
Sipas asaj që ka dëshmuar pastruesja në polici, Klosi donte të bënte përgjegjës burrin me të cilin kishte probleme së fundmi ndaj dhe bashkëpunuan për të inskenuan vjedhjen. Mësohet se Alda Klosi është shoqëruar në polici dje pas dëshmisë së pastrueses dhe është arrestuar në 22:30.
“Paratë vinin që nga viti 2021. Unë nuk kam dijeni kush i sillte por paratë vinin në çantë. Në dhjetor 2022 Alda ngaqë kishte konflikte me burrin më kërkoi t’i ruaja. Atë ditë që i mora nuk ishte në shtëpi. Më tha merri në kasafortë. Vjedhjen e inskenova pasi ajo donte të ngarkonte me përgjegjësi burrin.
Atë ditë nuk kam marrë lekë”, ka thënë pastruesja. Ish-zyrtarja akuzohet për fshehje pasurie, pastrim parash dhe deklarim të rremë para oficerit të policisë./abcnews.al
Pastruesja Rozeta Dobi, e akuzuar për vjedhjen e qindra mijëra euro në banesën e ish-zyrtares Alda Klosi, është “zbërthyer” para hetuesve.
Gjatë ditës së premte (3 shkurt) ajo ka qëndruar nga ora 10:00 deri në orën 17:00 në ambientet policisë së Tiranës.
Ajo ka deklaruar se ka pastruar rreth tetë banesa të ndryshme të mbushura me para. Ndësa sipas saj, eurot e vjedhura në shtëpinë e Alda Klosit, ish-zyrtarja ia kishte lënë për t’i ruajtur për shkak se kishte konflikte me ish-burrin.
“Kam pastruar 8 shtëpi me shumë të mëdha parash. Emrat do ia jap vetëm Prokurorisë sepse kam frikë, por kanë qenë shtëpi zyrtarësh të lartë dhe njerëz me pushtet: ka thënë pastruesja sipas burimeve tona”
Ajo ka shtuar se Alda Klosi paratë m’i la t’i shikoja dhe fshihja. Shpesh i shikoja nëpër disa kuti”, ka deklaruar Rozeta Dobi.
Pasi ka dhënë dëshminë para hetuesve është transferuar sërish në burgun 325, ku ndodhet në paraburgim që prej datës 7 janar.
Ndërsa ish-zyrtarja e Kryeministrisë u shoqërua në polici rreth një orë pas dëshminë së Rozeta Dobit.
Ajo u shoqërua në orën 18:00 dhe u arrestua në 22:30 nën akuzën e fshehje së pasurisë, pastrimit të parave dhe deklarimit të rremë para oficerit të policisë.
Ish-zyrtarja ka dhënë dëshmi kontradiktore para hetuesve. Fillimisht ajo ka pretenduar se i kishin humbur disa sende me vlerë dhe një shumë parash për përdorim vetjak.
Por pas arrestimin të pastrueses Rozeta Dobi, ka treguar për shumën e madhe të eurove të grabitura nga banesa e saj.
