Trembëdhjetë çifte të të njëjtit seks në të gjithë Japoninë do ndërmarrin veprime ligjore të enjten kundër qeverisë, duke kërkuar të drejtën për t’u martuar. Ata thonë se ndalimi i martesës shkel të drejtat e tyre kushtetuese.
Nëse gjykatat pranojnë kërkesat e tyre, kjo do të thotë se sindikatat e të njëjtit seks mund të lejohen në të ardhmen. Japonia është i vetmi vend në G7 që nuk lejon martesën e homoseksualëve. 13 çiftet do të padisin qeverinë në Ditën e Shën Valentinit në qytete të ndryshme të vendit. Mes tyre janë Ai Nakajima, 40 vjeç, nga Japonia dhe 31-vjeçarja gjermane Tina Baumann. Ato janë lidhur në vitin 2011 dhe u takuan në Berlin. Pasi jetuan disa vite në Gjermani, u shpërngulën në Japoni. Por të jetuarit si një çift i së njëjtës gjini ishte shumë ndryshe në të dy vendet.
“Shoqëria japoneze është nga natyra shumë konservatore,”-tha Nakajima për BBC.
Shumë nga miqtë e tyre nuk guxojnë të dalin hapur si homoseksualë dhe i fshehin partnerët e tyre nga familjarët apo të afërmit. Ndonëse Japonia është një vend shumë tradicional, sondazhet tregojnë se shumica dërrmuese e japonezëve të rinj mbështesin martesën e të njëjtit seks.
