Covid-19 në Kosovë/Ndërrojnë jetë dy persona dhe 46 raste të reja

0
4

Gjatë 24-orëve të fundit në Kosovë kanë vdèkur dy shtetas të ínfektuar me virusin Covid-19,si dhe kanë rezultuar pozitiv 46 persona, ndërkohë që janë shëruar 77 të tjerë.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 560 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 46 raste pozitive. Brenda 24 orëve janë raportuar dy raste të vdèkjes me SARS CoV-2 pozitiv”.

Numri total i rasteve pozitive është 15.425 raste nga 65.454 persona të dyshimtë në vírusin SARS-CoV-2 dhe 619 raste të vdèkjes.

Gjatë 24 orëve të fundit, janë shëruar 77 pacientë derisa numri i përgjithshëm i të shëruarve deri më sot është gjithsej 13.165 raste, kurse numri i rasteve aktive është 1.641.

Rastet pozitive janë nga: komuna Prishtinë 21 raste, komuna Drenas 3 raste, komuna Ferizaj 3 raste, komuna Fushë Kosovë 3 raste, komuna Suharekë 3 raste, komuna Vushtrri 3 raste, komuna Gjilan 2 raste dhe me nga një rast komunat Deçan, Gjakovë, Kamenicë, Mitrovicë, Pejë, Prizren, Shtërpcë dhe Viti.