Bashkia e Pukës ka vendosur ditën e sotme (10 gusht), mbylljen e institucioneve të arsimit parashkollor, për shkak të rasteve të reja me Covid-19 në këtë qytet.
Lajmin e ka bërë të ditur ky institucion përmes një postimi në Facbeook.
Është mbyllur çerdhja Nën Tereza dhe kopshti Erjola Lluka, si dhe do të kryhet dezinfektimi i tyre.
Postimi i Bashkisë Pukë në Facebook
Për shkak të rikthimit të rasteve me Covid në territorin e bashkisë Pukë, pas rekomandimeve të ekspertëve të shëndetësisë në Njësinë Vendore të Kujdesit Shëndetësor Pukë, kemi vendosur sot mbylljen e institucioneve të arsimit parashkollor, çerdhes ” Nën Tereza” dhe kopështit “Erjola Lluka” në qytetin e Pukës.
Mbyllja bëhet përshkak të dezinfektimeve që do bëhen në këto institucione, ndërsa rihapja e këtyre institucioneve do të bëhet pas një njoftimi të dytë.
Ju faleminderit!
