Deputeti i PS Toni Gogu ka çuditur pasi ka folur mbi patronazhistët e përdorur nga partia socialiste gjatë fushatës së 25 prillit.I ftuar në emisionin ‘Të vaksinuarit’ me moderator Aulon Kalaja,Gogu nuk e quajti një fenomen të ri patronazhimin, pasi edhe ai vetë ka qënë patronazhist kur ka qënë në shkollë dhe patronazhonte shokët dhe shoqet.
Gogu: Nuk dua që informacioni të keqpërdoret por ajo që mund të them për patronazhistët, çdo forcë politike ka anëtarët, patronazhistët, por nuk i quajnë njësoj.
Kalaja: Anëtarë i kemi dëgjuar, por jo patronazhistë
Gogu: Po ta them në një formë tjetër, kur kam qënë në shkollë me shokët dhe shoqet e klasës të cilët i patronazhoja për mësimet. E njëja llogjikë është dhe në parti, pasi këta patronazhistë kujdesen për familjet gjatë pandemisë, që të kenë për të ngrënë, patjetër që është një patronazhist.
Kalaja: U marin dhe votën në fund.
