Kryebashkiaku Erion Veliaj teksa po dëshmonte në Komisionin hetimor të inceneratorëve tha se anëtarët e opozitës marrin pyetje në telefona për ta penguar atë gjatë dëshmisë së tij. Janë zbardhur edhe mesazhe që mediat kanë arritur të fotografojnë gjatë një bisedë të anëtares së Autoritetit të Medias Audiovizive, Desada Metaj me kryetaren e komisionit Jorida Tabaku.
Në mesazhe shihet se Tabaku merr udhëzime prej tyre se çfarë pyetjesh duhet t’i drejtojë kryebashkiakut Veliaj. Në foto e mëposhtme shihen biseda të Desada Metajt me dy gazetarë, Andi Tela dhe Andi Bushati, nga të cilët merr udhëzime se çfarë duhet t’i thotë Tabakut, që kjo e fundit të marrë në pyetje më pas Veliajn.
Me poshtë bisedat e zbardhura:
Biseda Andi Tela-Desada Metaj
Andi Tela: Thuaji t’i bëjë pyetjet me argument, nuk i intereson të bëjë zhurmë
Desada Meta: E acaron ky legeni
Andi Tela: Dhe t’i kërkoi vetëm përgjigje për pyetjet, mos e lërë atë të bëjë retorikë
Vetëm m’u përgjigj pyetjes mos devijo me retorikë. Nuk dua retorikë… përgjigju pyetjes, unë pyes t’i duhet të përgjigjes kur merr makinerinë e kamerave e regjisë me vete
Desada Meta: Sapo më mori Taulant Balla dhe më kërkoi që të mos rri pasi nuk lejohet
Andi Tela: Po, po thuaji
Desada Metaj: Po. po. Atë i thashë
Andi Tela: Ti ke shkuar për të parë se si transmetojnë mediat sepse është problemi madh cilësia e transmetimit aty
Biseda Andi Bushati-Desada Metaj
DesadaMetaj: Se s’ka faj është lodh
Andi Bushati: S’po e kuptoj këtë firmën e tij, ka firmos këshilli bashkiak për buxhetin por jo për… ???
Desada Metaj: Sepse nuk përgjigjet. Ja ta thotë tani
Andi Bushati: Dhe thuaj mos i kthejë asnjë përgjigje personale…. Se ai po mundohet ta nxehë dhe ta ngatërrojë.
