Drejtori i Policisë, Ardian Veliu, në një konferencë për mediat, njoftoi se pas denoncimit që një administratore e një biznesi në Kavajë kishte bërë tek kryeministri Edi Rama, janë arrestuar 3 punonjës të tatimeve të Tiranës.
Ata akuzohen se kanë marrë 400 mijë lekë të vjetra.
Janë arrestuar:
Ermal Harizaj, 37 vjeç, lindur në Vlorë dhe banues në Tiranë, me detyrë specialist në Drejtorinë e Hetimit Tatimor Tiranë.
Ervin Pupuleku, 29 vjeç, lindur në Berat dhe banues në Tiranë, me detyrë inspektor i zbatimit të hetimit tatimor në Drejtorinë Rajonale Tiranë.
Arben Disha, 49 vjeç, lindur dhe banues në Tiranë, me detyrë inspektor i zbatimit të hetimit tatimor në Drejtorinë Rajonale Tiranë.
Arrestimi i këtyre personave u bë, pasi, më datë 21.07.2017, ora 17.00, të tre këta punonjës kanë shkuar për kontroll, pranë një subjekti privat në Spille Kavajë, me administratore shtetasen A. M., duke shpërdoruar detyrën i kanë marrë administratores shumën prej 40 mijë lekë (të rinj).
