Dikur diku (Nga Flutura Açka)

0
29
Zjarr Televizion Ad This is a sample article. ...

Po çelin lulet,
e mbret’ i luleve po fle,
dehur nga aroma e farmaktë tretur n’polen,
ngashnjyer n’ngjyra që toka kurrë s’ka me njoftë.
Iris ngjyrëzi i burrit prej uji,
me t’marramenthën hijeshi,
pas endjesh nëndhesave skaj me skaj,
n’tropikun e kujtesës ke ndalë.
Lulim që çelesh e fikesh n’maj,
tani përvit,
moshën e vetvetes tuj përsrit.
Pranvera erdh’, por ah,
n’andrrat e mia asht kah bjen borë.
Në ç’zgrip të dal,
në ç’lerth të eci,
kujt mali t’i varem,
e t’vetmoj cilit mol,
të të pikas, të t’kqyri,
të të prek me dorë?
Se malli, cianur që përbij përditë,
s’po e ndryshoka fatin tonë.
Ajmé, Bir,
n’ato lëndina t’nalta ku veç fryma mbrrin,
n’at log tanin ku përtrit hirin,
do t’gjej dikur diku,
sepse dikur diku më pret,
me pahiri.

 

 

Zjarr Tv Ad