Në Ditën Ndërkombëtare të Tokës, një grup nxënësish të gjimnazit “Qemal Stafa” së bashku me bashkëmoshatarët e tyre nga Prishtina, kanë ndërmarrë sot një aksion për pastrim të mbeturinave në malin e Dajtit.
Ministria e Turizmit dhe Mjedisit ndërkohë ka bërë apel për qytetarët, që të tregohen më vigjilentë dhe të kujdesen për mbrojtjen e natyrës dhe të edukojnë brezat e ri për rolin dhe dobitë e natyrës.
Statusi i ministrisë së Mjedisit:
“Me shembullin e shkëlqyer të nxënësve të gjimnazeve “Qemal Stafa” në Tiranë dhe “Xhevdet Doda” Prishtinë, të cilët në kuadër të shkëmbimit kulturor midis 2 vendeve, pastrojnë vullnetarisht mbeturinat që qytetarët kanë lënë në malin e Dajtit pasi kanë bërë piknik, ju ftojmë t’i bashkoheni Ditës së TOKES 🌎 .
Janë disa veprime të thjeshta me të cilat ju mund t’ia kushtoni këtë ditë të rëndësishme planetit.
Mbani pastër mjedisin!
Edukoni brezin e ri me sjellje miqësore ndaj mjedisit!
Mos përdorni qeset plastike!
Ruani faunën dhe florën!
Mbillni një pemë!
Mos përdorni kimikate!
Ricikloni
Shmangni përdorimin e makinës
Duajeni natyrën!
#cleanandgreen2020 #krijoO2tend
#ditaetokes
#smilealbania😀🇦🇱