Serbia notë proteste ambasadës shqiptare, pas djegies së flamurit serb në Tiranë. Më 20 nëntor në rrjetet sociale u shfaq një video ku shiheshin tifozët e futbollit në Tiranë duke djegur flamurin e Serbisë në sheshin Skënderbej. Për këtë arsye Ministria e Punëve të Jashtme i dërgoi një notë Ambasadës së Shqipërisë në Beograd.
“Ne besojmë se ngjarje të tilla dëmtojnë marrëdhëniet dypalëshe të dy vendeve, të cilat në vitet e fundit kanë arritur pikën më të lartë gjatë historisë së tyre të përbashkët shekullore”, njoftoi Ministria e Punëve të Jashtme të Serbisë.
https://x.com/JoqAlbania/status/1726709403305607416?s=20
“Ne besojmë se ngjarje të tilla dëmtojnë marrëdhëniet dypalëshe të dy vendeve, të cilat në vitet e fundit kanë arritur pikën më të lartë gjatë historisë së tyre të përbashkët shekullore”, theksoi Ministria.
Më tej Ministria tha se pret që institucionet kompetente të Shqipërisë të bëjnë gjithçka që munden për të identifikuar dhe ndjekur penalisht autorët e këtij akti.
Në notë shprehet pritshmëria që Shqipëria të informojë institucionet e Serbisë për këtë nëpërmjet kanaleve diplomatike brenda një periudhe të arsyeshme kohore.
