Qindra qytetarë u mblodhën sot në një protestë të thirrur nga shoqata për mbrojtjen e Luginës së Drinit të Zi. Protesta u zhvillua në bulevardin Elez Isufi, ku thirrjeve kundër ndë rtimit të Skavicës, të shoqatës iu bashkuan intelektualë, drejtues të shoqatave të tjera dhe qindra qytetarë. Ato firmosën edhe një pedicion që do ti dërgohet Qeverisë dhe Ambasadës së SHBA në Tiranë.
Me pankarta në duar qytetarët protestuan për rreth në orë , ku shpalosën argumentet e tyre pse janë kundër këtij HEC-i që mbyt përgjithmonë, 32 fshatra, me rreth 12 mijë banorë dhe më shumë se 13 mijë hektarë tokë.
Kryetari i shoqatës për Mbrojtjen e Luginës së Drinit të Zi, Nazmi Drizi thotë se nuk pranohet një vepër që do të mbysë Dibrën, të bëhet “pazar” në Kukës. Në protestë mori fjalën edhe Kryetari i Dhomës Britanike të Tregtisë, z. Zenel Hoxha, i cili tha se asnjë Amerikan, qoftë ky tregëtar, kompani apo çfarëdo tjetër nuk mund të mbysë një trevë të tërë pa u marrë vesh dhe pa qenë dakort populli.
“Ne do ta kundërshtojmë me qetësi, dhe me zgjuarsinë që karakterizon Dibrën, por nuk do ta lejojmë mbytjen përgjithmonë të Dibrës“, tha ai.
Fjalën e morën edhe të tjerë intelektualë, historianë, ekspertë mjedisi të cilët theksuan problematikat që shkakton një rezervuar kaq i madh, jo vetëm për ato që do të zhvendosen, por edhe ato që do të mbetet të jetojnë aty. Ndërtimi i një rezervuari kaq të madh do të sillte pasoja të rënda në mjedis dhe në ekosistem, ndërsa popullata e zhvendosur do të vuajë pasojat sociale.
