Deputeti Evin Salianji flet nga selia e partisë pas protestës së thirrur nga ish-kryeministri Sali Berisha. Ai dhe një grup i madh deputetësh dhe deputetesh ndodheshin në ambientet e brendshme të PD kur mbështetësit e Berishës tentuan të futen brenda me forcë.
Në fjalën e tij Salianji tha se ish-kryeministri po përdor demokratët, por theksoi se gazi dhe dhuna nuk janë zgjidhje.
“Nga selia e PD ku për fat të keq një grup ish zyrtarësh përdorën cdo mjet dhune ndaj PD dhe përfaqësuesve të saj, ndaj burrave dhe grave që kanë punuar për PD dhe nuk e mendojnë se zgjidhja vijnë nga gurët dhe nga përplasjet. Asnjë milimetër gjak asnjë centimetër i kësaj godine, nuk vlejnë më shumë se jetët njerëzore të çdo demokrati të thjeshtë.
Vendosja e demokrateve ne ketë situatë tregon sesi janë ata për fat te keq që kanë dalë para demokratë duke shfrytëzuar elementët padiskutim të një dëshpërimi që ka sjellë mos-fitorja e zgjedhjeve, apo cdo element tjetër që ka të bëjë me vendimmarrjet e lidershipit.
Kjo nuk është zgjidhja që të jetë i mbytur nga gazi lotsjellës . Sic duket në cdo centimeter te kësaj godina. Nëse është kjo protestë paqësore imagjino çfarë mund të thuhet. Në cdo cep sheh shenja të dhunës” tha ai ndër të tjera.
