“Dy ditë pas zgjedhjeve drekoi me Lindita Nikollën”, Evi Kokalari akuzon Ilir Metën për lojë të dyfishtë

0
153
Zjarr Televizion Ad This is a sample article. ...

Evi Kokalari këmbëngul se e keqja e madhe e PD-së, i vjen nga Ilir Meta, ajo ka reaguar pas sulmeve të partisë së Metës ndaj saj, ndërsa ka akuzuar kreun e Partisë së Lirisë se bën lojë të dyfishtë.

Sipas saj, ai është takuar me kryeparlamentare Lindita Nikolla dhe ka drekuar me të, vetëm dy ditë pas humbjes së zgjedhjeve.

Reagimi i Kokalarit:

“I sygjeroj të gjithë demokratëve të rithemelimit, por dhe të anës tjetër, të mos tolerojnë më sulme të degjeneratave të Ilir Metës ndaj asnjërit nga ne, madje të reagojnë ndaj këtyre, që pa pikën e turpit kanë sulmuar çdo demokrat që ka cënuar koalicionin Meta- Berisha.

Mos kini asnjë dyshim që nesër këta do ti kthehen dhe Berishës, me po të njëjtin vulgaritet. Në fakt, këta janë arsyeja pse PD humbi kaq thellë, dhe si minimum duhet të mbyllin gojën, jo ti shtojnë kripë plagës.

Detyra e të gjithëve ne, të PD-se, të rithemelimit dhe të levizjes konservatore, është në mënyrë absolute të pastrojmë veglat e LSI nga kjo parti.

Detyra e secilit është t’ja jeqim atë oksigjen që Berisha i dha LSI dhe Metës.

E keni menduar ndonjëherë që heqja e vulës Berishës i interesonte më shumë Ilir Metës se sa Ramës? Rama mund të fitonte dhe vetëm duke blerë vota. Meta ishte i mbaruar dhe vetëm PD mund ta shpëtonte.

Ne të gjithë duhet të jemi larg këtij niveli vullgar dhe të degjeneruar. Dhe këtu fus dhe deputin e tyre Vasili, i cili gjithë kohën ka shpifur se jam paguar nga Veliaj, dhe pse këta të Berishës thonin JO.

Ah, dhe mos harroni Kalanë dhe disa te tjere që seriozisht i kanë ulur vlerat PD-se dhe duhen nxjerrë urgjentisht nga Partia.

Mos kini asnjë mëshirë ndaj këtyre të LSI. Detyra dhe qëllimi i tyre është vetmja shkrirja dhe shkatërrimi i PD-së.

Sa për Like Floririn, ta kuptoj që sa herë të lexojë një nga sulmet e tij, do postoj diçka të re mbi të.

P.sh dy burime më kanë konfirmuar që dy ditë më parë Ilir Meta ishte për drekë me Lindita Nikollen tek ‘Peshku i egër” afër stadiumit Dinamo.

Nuk e postova më parë sepse preferoja të kisha një foto, por në mungesë të saj, le të dalë Ilir Meta dhe ta mohojë.

Ndryshe, të na thotë çfarë u diskutua në këtë takim dy ditë mbas 14 majit“, shkruan ajo.

Zjarr Tv Ad