Konkurrentja nga Lushnja, Kiara Tito, është bërë personazh në shtëpine Big Brother Vip 2. Jo më tepër për atë ç’ka përfaqëson, sesa për ngacmimet e Luiz Ejllit ndaj saj.
Mirëpo Kiara është përpjekur ta mbajë gjithmonë larg këngëtarin shkodran, shkruan ‘TiranaWeb’. Mjaftoi loja e këtij të fundit për ‘sëmundjen’ që Kiara t’i bënte daljen përfundimtare.
Por pavarësisht asaj që shohim në ekran në emër të lojës, ditën e enjte ka qenë gazetarja Desara Karaiskaj që ka reaguar për sjelljen e Kiara Titos.
Sipas Karaiskajt, “ajo e ka mendjen tek ai që ka përjashtë”.
Por kush është i dashuri i Kiara Titos, ai që ka përjashtë dhe që kanë një lidhje dashurore? Burime për ‘TiranaWeb’ bëjnë me dije se bëhet fjalë për Roni Kokën (Renald Koka), djalin e biznesmenit Leonard (Nari) Koka. Roni më parë ka punuar në Kabinetin e Kryeministrit Edi Rama, deri në momentin kur xhaxhai i tij Lefter Koka u arrestua.
Çifti ka një lidhje në harmoni të plotë dhe serioze, edhe pse i kanë shmangur postimet publike së bashku.
Po të njëjtat burime konfirmojnë se Kiara Tito ka lidhje familjare me eksponentë të rëndëndësishëm të Partisë Socialiste në Lushnje. Më saktë, burri i tezes së saj është deputeti Bujar Çela.
