Një ngjarje e rëndë ka ndodhur në Përmet, ku një grua është kërcënuar me thikë dhe përplasur me makinë nga vëllai i të shoqit.
I dyshuari është Pandeli Nika, 31 vjeç, banues në fshatin Tabor të Përmetit.
38- vjeçarja Dh.Nika, me banim në Përmet, gjatë ditës së djeshme, ka bërë kallëzim se në fshatin Tabor, kunati i saj, Pandeli Nika ka ushtruar dhunë fizike dhe psikologjike ndaj saj.
Ajo ka thënë para uniformave blu se vëllai i të shoqit e ka kërcënuar me thikë si dhe e ka përplasur me automjetin tip “Benz”, me targa AA577MG, i cili është në pronësi të të dyshuarit.
Për shkak të marrëdhënieve familjare mes të dëmtuarës dhe të dyshuarit, rrethanat e ngjarjes nuk bëhet me dije, ndërsa policia konfirmon për noa.al, se gjithçka ka ndodhur pas një debati me fjalë mes tyre. E dëmtuara thotë se nuk e ka parë kush ka qenë në drejtimin e makinës për shkak se përplasja i ka ardhur e papritur, por ngre akuza ndaj 31- vjeçarit, duke thënë se gjithçka ndodhi pas kërcënimit me thikë.
Pas denoncimit të së dëmtuarës, 31- vjeçari u vu në pranga, ndërsa në cilësinë e provës materiale u sekuestrua automjeti me të cilin gruaja pretendon se është përplasur.
Për ndjekje të mëtejshme lidhur me këtë rast, materialet i’u referuan Prokurorisë së Përmetit për ndjekje të mëtejshme.
