Aktivistja shumë zeshme e Aleances për Teatrit ka bërë publik qëdnrimin e plotë të Profesir Mihal Luarasit për problemin e Teatrit Kombëtar, publikimi i saj nxjerr sërish bllof kreun e qeverisë Rama i cili nuk po lë aktor apo artist pa e bashkuar me çorbën e tij, dhe të cilët e pergenjështrojnë direkt pas postimeve te tij të njëpasnjëshme.
Pse po e vrisni Teatrin Kombëtar të Shqipërisë?!
Nga Elona Casllli
Duke qenë se Kryeministri në detyrë ka cituar një segment të mendimit të Prof. Mihal Luarasit lidhur me Teatrin Kombëtar është krejt e udhës t’I risjellim në vëmendje një fragment të shkëputur nga pjesa “ Pse po e vrisni Teatrin Kombëtar’ nga libri “ Kujtesa që nuk fle”
Fragmenti në fjalë dëshmon kthjellët qëndrimin e Prof. Luarasit kundrejt çështjes së Teatrit Kombëtar…..
Pas një heshtjeje disavjeçare, rifilloi nga puna mekanizmi okult që synon likuidimin e Teatrit Kombëtar të Shqipërisë me qëllimin e mbrapshtë, akaparimin e atyre 11 a 12 mijë metrave katrorë që përbëjnë truallin e tij të patjetërsueshëm.
Në ndërkohën e heshtjes, kur njerëzit e Teatrit prisnin hapa konstruktivë për nxjerrjen e këtij institucioni nga kriza e gjatë, ku e futi dhjetëvjeçari i tranzicionit të pafrytshëm, Ministria e Kulturës përgatitej për të kundërtën, duke përpunuar të ashtuquajturit “ akte nënligjore” në zbatim të ligjit nr.8578.dt.10.02.2002. Ligj i kontestuar fuqishëm nga njerëzit e këtij arti.
Të njohësh gabimet e tua është një tregues kulture dhe emancipimi. Aq më tepër është i çmuar ky virtyt për institucionet e një vendi demokratik, siç synon të bëhet vendi ynë.
Në morinë e ligjeve të vlefshme që miraton një parlament, mund të qëllojë që kalon edhe një ligj i gabuar. Por, çfarë bëhet?! Çfarë duhet bërë në këto raste?
Mos ndoshta për të mbrojtur “ nderin” dhe “ autoritetin” e ligjvënësit duhet të ngulet këmbë në zbatimin e një ligji të gabuar?!
A ka të drejtë një institucion i shtetit, cilido qoftë ai, të dëmtojë atë sferë të shoqërisë, mbi të cilën ai ligj i keq do të zbatohet?!
Arsyeja e shëndoshë thotë: Jo!
Shkëputur nga pjesa- Pse po e vrisni Teatrin Kombëtar të Shqipërisë- Faqe 182
Libri “ Kujtesa që nuk fle”
Post Scriptum- Sa më shpesh e lexoj dhe e shkoqis ligjin mbi Teatrin Kombëtar, aq më shumë bindem se ai që e ka udhëhequr grupin ( nëse ka patur një grup) duhet të jetë njeri tepër i dashuruar me veten dhe them: Si dreqin nuk qëlloi të vinin në krye të ligjvënësve një njeri të dashuruar me Teatrin.
Shkëputur nga – Teatri Kombëtar në Udhëkryq
Mihal Luarasi
Elona Caslli
