Socialistët do të mblidhen sot në Tiranë në ditën e Kongresit të PS-së. Pritet të ketë ndryshime të rëndësishme në strukturat e Partisë, organizimin dhe në atë që mund të quhet “kushtetuta” e Partisë Socialiste. Një draft-Statut i ri është përgatitur dhe do të votohet sot.
Kryeministri Edi Rama e ka nisur herët këtë ditë. Ai ka ndarë një foto në rrjetin social Facebook, ndoshta nga selia e PS dhe pas tij qëndron foto e ish-kryetarit dhe ish-kryeministrit Fatos Nano. Ndoshta, Nano do të marrë pjesë në punimet e sotme të Kongresit?!!! Mbetet për t’u parë…
“Mirëmëngjes, dhe me ndjesën që po ju zgjoj si gogol në këtë ditë pushimi, teksa PS e ka ditë kongresi, uroj për të gjithë ju një fundjavë të qetë”, shkruan kryeministri dhe ndan foton e mëposhtme. Këtë herë në Kongres pritet të marrin pjesë dhe grupe të ndryshme interesi, jashtë politikës.
