Kryeministri i vendit Edi Rama, i është kundërvënë liderit demokrat Lulzim Bashës, lidhur me për grumbullimin e mbështetësve në çeljen zyrtare të fushatës zgjedhore, në një kohë kur vendi është nën masa anti-kovid.
Gjithashtu, Rama tha se PD është përçarëse për qytetarët shqiptarë, teksa shtoi se Partia Socialiste, është e vetmja forcë politike që punon për vendin. Ndër të tjera, gjatë fjalës së tij, Rama u ka kërkuar votën qytetarëve, në zgjedhjet e 25 Prillit, duke thënë se me Partinë Demokratike në qeveri, ata do të taksohen më shumë.
“A e patë cfarë rrëmuje u krijua dje? Ashtu është mënyra si janë ata, ADN-ja e tyre, uuu, oooo, yyyy, krijo një situatë e padurueshme, ata janë përçarës sepse kanë qenë gjithmonë minorancë pas 1992, e para dhe e fundit herë që kanë fituar. S’e do Edi Ramën? Po pune e madhe fort, po pagën tënde e do? Do të çosh më shumë apo më pak? Nëse s’e do Edi Ramën, kaloje te sporti apo te ato telenovelat turke, ose shko te ajo “Për’puthemi”, përputhu edhe vetë atje. Por ti mos rreziko pagën tënde nëse nuk do Edi Ramën “Zgjedhjet në këtë qark janë për të mos humbur trenin e ri të kohës. Kur unë marrë përsipër diçka, asnjëherë nuk e lë në mes të rrugës, pavarësisht se mund të marrë më shumë kohë, por jo për shkak se unë fle gjumë. Kush e parashikonte pandeminë? Raste të caktuara bëjnë të që mos e arrij ta mbaj fjalën, por kurrë të mos dorëzohem”, kështu është shprehur Kryeministri Rama.
