Aeroporti i Vlorës, do të të mundësojë fluturime transoqeanike, kështu është shprehur Kryeministrit i vendit Edi Rama.
Gjatë fjalimit të mbajtur nga kantieri, ku sot nisi puna për ndërtimin e Tunelit të Llogorasë, Rama tha se, ” brenda pak javësh do të nisë puna dhe për aeroportin e Vlorës, që do të jetë i një kategorie të lartë”.
Pjesë nga fjala e Ramës:
“Për pak ditë, pas një kalvari të vërtetë, ne do të ngremë kantierin e aeroportit të ri të Vlorës. Do të jetë një aeroport ndërkombëtar, por jo vetëm kaq. Do të jetë një aeroport që do të sjellë vlerë të shtuar si një aeroport i një kategorie të lartë. Kategoria 4E, ndër më të lartat sipas standardeve europiane, që do të ofrojë fluturime kudo, edhe kapacitete fluturimesh transoqeanike dhe shërbime që sot, ende nuk i ka aviacioni civil shqiptar, që më pas do të jenë të mundura edhe për aeroportin “Nënë Tereza”, u shpreh Kryeministri.
