{"id":103569,"date":"2019-08-26T13:15:26","date_gmt":"2019-08-26T11:15:26","guid":{"rendered":"https:\/\/zjarr.tv\/?p=103569"},"modified":"2019-08-26T13:15:26","modified_gmt":"2019-08-26T11:15:26","slug":"rrefimi-i-myslim-pashes-si-e-zbulova-va-rrin-te-statuja-e-enverit","status":"publish","type":"post","link":"https:\/\/zjarr.tv\/en\/rrefimi-i-myslim-pashes-si-e-zbulova-va-rrin-te-statuja-e-enverit\/","title":{"rendered":"Rr\u00ebfimi i Myslim Pash\u00ebs: Si e zbulova va.rrin te statuja e Enverit"},"content":{"rendered":"

Protagonizmi i bujsh\u00ebm n\u00eb debatin p\u00ebr kund\u00ebrshtimin e paktit detar me Greqin\u00eb, e pag\u00ebzoi me cil\u00ebsimin Koloneli i Detit.<\/em><\/p>\n

N\u00eb k\u00ebt\u00eb shfaqje t\u00eb jasht\u00ebzakonshme, Myslim Pasha kumtonte patjet\u00ebr me profesionalizmin e spikatur si inxhinier gjeodet e hartograf, por jo vet\u00ebm. Se t\u00eb till\u00eb ka jo pak, por preferuan t\u00eb vegjetojn\u00eb pa e prishur qet\u00ebsin\u00eb vetjake. Diferenc\u00ebn n\u00eb k\u00ebt\u00eb rast e b\u00ebnte ai aspekt i spikatur, q\u00eb Myslim Pash\u00ebn e ve\u00e7onte jo vet\u00ebm nga koleg\u00ebt e profesionit. Si njeri me shpirt t\u00eb lart\u00eb atdhedashurie dhe p\u00ebrgjegj\u00ebsi qytetare, q\u00eb rrezaton te t\u00eb tjer\u00ebt sakaq si mjesht\u00ebr i letrave, poet, prozator e s\u00eb fundi dhe si romancier.<\/p>\n

Dhe nj\u00eb krijues i talentuar si ai, nuk kishte si t\u2019i rrinte p\u00ebrskaj atij debati t\u00eb ndezur, q\u00eb vinte n\u00eb diskutim nj\u00eb \u00e7\u00ebshtje kapitale. Ky \u00ebsht\u00eb Myslim Pasha, i cili na vjen m\u00eb s\u00eb fundi me \u201cStatuj\u00ebn\u201d, vepr\u00ebn e tij t\u00eb re, nj\u00eb rr\u00ebfim rr\u00ebqeth\u00ebs p\u00ebr kujtes\u00ebn dhe shfigurimin e njeriut n\u00eb diktatur\u00eb. Jan\u00eb ngjarje q\u00eb shfaqen n\u00eb nj\u00eb sfond trondit\u00ebs, me zanafill\u00ebn dometh\u00ebn\u00ebse t\u00eb zbulimit t\u00eb nj\u00eb varri t\u00eb vetmuar te vendi i statuj\u00ebs s\u00eb Enverit, kur kund\u00ebrshtar\u00ebt e tij nuk kishin as grop\u00eb, as shenj\u00eb e gur varri.<\/p>\n

P\u00ebrtej fabul\u00ebs intriguese, Koloneli i Detit rr\u00ebfen p\u00ebr \u201cPanorama\u201d se gjith\u00e7ka te \u201cStatuja\u201d e merr shtys\u00ebn nga nj\u00eb ngjarje reale, kur p\u00ebrgatitej harta e Ult\u00ebsir\u00ebs Per\u00ebndimore t\u00eb Shqip\u00ebris\u00eb, n\u00eb Myzeqe.<\/p>\n

\u201cN\u00eb koh\u00ebn kur nisa t\u00eb kontrolloj si ishte hartografuar dhe vizatuar qendra e Fierit, \u2013 shpjegon ai, \u2013 syri m\u00eb shkoi atje ku gravitacioni k\u00ebrkonte, tek ajo d\u00ebrges\u00eb q\u00eb l\u00ebshonte nj\u00eb fluks vdekjeprur\u00ebs: N\u00eb mes t\u00eb lulishtes s\u00eb qytetit, kundruall Teatrit \u2018Bylis\u2019, sapo ishte inauguruar nj\u00eb statuj\u00eb e Enver Hoxh\u00ebs. Kur m\u00eb shkoi maja e rapidografit aty, n\u00eb vend q\u00eb t\u00eb shihja simbolin e statuj\u00ebs s\u00eb udh\u00ebheq\u00ebsit, pash\u00eb simbolin e nj\u00eb varri t\u00eb vetmuar, pra Enver Hoxha ishte vizatuar si nj\u00eb varr i vetmuar\u201d. Po \u00e7far\u00eb tregon tjet\u00ebr mjeshtri Pasha p\u00ebr motivet q\u00eb e kan\u00eb shtyr\u00eb p\u00ebr nd\u00ebrtimin e arkitektur\u00ebs s\u00eb romanit \u201cStatuja\u201d\u2026<\/p>\n

Zoti Myslim, fabula e romanit \u201cStatuja\u201d q\u00eb \u00ebsht\u00eb botuar k\u00ebto dit\u00eb, \u00ebsht\u00eb thjesht nj\u00eb trill artistik, apo ka t\u00eb b\u00ebj\u00eb me ndonj\u00eb p\u00ebrjetim personal?<\/strong><\/p>\n

Alber Kamy pat th\u00ebn\u00eb se, \u201ct\u00eb krijosh, do t\u00eb thot\u00eb q\u00eb t\u00eb jetosh dy her\u00eb\u2026Vepra \u00ebsht\u00eb i vetmi shans p\u00ebr t\u00eb ruajtur nd\u00ebrgjegjen e tij, p\u00ebr t\u00eb ngulitur aventurat e veta\u2026\u201d Kjo \u00ebsht\u00eb kuptimplote, sigurisht. S\u2019mund t\u00eb flas p\u00ebr vlerat artistike t\u00eb \u201cStatuj\u00ebs\u201d, kjo i takon lexuesit dhe kritik\u00ebs. Por ajo q\u00eb pyesni ju lidhet me p\u00ebrvojat jet\u00ebsore, p\u00ebr t\u00eb cilat mund t\u00eb flitet natyrsh\u00ebm. Pra, ka nj\u00eb rrjedh\u00eb si ajo e uj\u00ebmbledh\u00ebsve q\u00eb formohen nga pema ujore, e cila form\u00ebson lumenjt\u00eb p\u00ebr t\u2019u derdhur n\u00eb ujan\u00ebn e madhe. \u00cbsht\u00eb e padiskutueshme q\u00eb \u00e7do krijues p\u00ebrpiqet q\u00eb t\u00eb p\u00ebrs\u00ebris\u00eb realitetin e jet\u00ebs s\u00eb tij. \u201cKonkretja \u00ebsht\u00eb vetvetja!\u201d \u201cStatuja\u201d lidhet me buronj\u00ebn e p\u00ebrvoj\u00ebs s\u00eb koh\u00ebs s\u00eb jasht\u00ebzakonshme, q\u00eb rrodhi pas Luft\u00ebs s\u00eb Dyt\u00eb Bot\u00ebrore, kur filloi t\u00eb nd\u00ebrtohet shoq\u00ebria socialiste sipas modelit sovjetik. Ishin p\u00ebrmbysur Klasat, po kjo s\u2019kish qen\u00eb e mjaftueshme, ishte mbjell\u00eb nj\u00eb urrejtje n\u00eb shoq\u00ebri dhe lufta e klasave ishte erupsioni vdekjeprur\u00ebs dhe shtysa e p\u00ebrfytyruar e fitoreve q\u00eb do t\u00eb kish kjo shoq\u00ebri n\u00eb t\u00eb ardhmen. Kjo shoq\u00ebri, n\u00eb nj\u00eb Shqip\u00ebri aq t\u00eb varf\u00ebr, u fut n\u00eb kuadrate t\u00eb m\u00ebdha rreshtore pune dhe edukimi ideologjik. N\u00eb k\u00ebto kushte filloi q\u00eb t\u00eb flitej p\u00ebr Njeriun e Ri\u2026p\u00ebr Lej Fenin kinez. Shkurte Pal Vat\u00ebn, Hekluran Zenunn etj. Po skicohej Njeriu i Ri\u2026mir\u00ebpo eshtrat e t\u00eb p\u00ebrmbysurve dhe varret e mohuara kishin sizmik\u00ebn e tyre t\u00ebrmetore.<\/p>\n

\u00cbsht\u00eb fjala p\u00ebr fabul\u00ebn e romanit, p\u00ebr l\u00ebnd\u00ebn vetjake t\u00eb autorit te \u201cStatuja\u201d\u2026<\/strong><\/p>\n

Ju m\u00eb pyesni p\u00ebr fabul dhe un\u00eb ju rr\u00ebfej se ajo ka lindur n\u00eb nj\u00eb realitet t\u00eb njohur n\u00eb Detashmentin Topografik t\u00eb Shtabit t\u00eb P\u00ebrgjithsh\u00ebm, ku kam sh\u00ebrbyer p\u00ebr shum\u00eb vite. Fiksioni pas fabul\u00ebs ka b\u00ebr\u00eb pun\u00ebn e tij n\u00eb gatimin e p\u00ebrvoj\u00ebs q\u00eb lidhej me k\u00ebt\u00eb fabul, p\u00ebr t\u00eb krijuar nj\u00eb unitet artisti. N\u00ebse autori e ka arritur apo jo, kjo \u00ebsht\u00eb tjet\u00ebr gj\u00eb.<\/p>\n

Di\u00e7ka m\u00eb konkrete p\u00ebr hartografin, i cili zbuloi varrin e vetmuar te vendi i statuj\u00ebs s\u00eb Enverit\u2026<\/strong><\/p>\n

\u00cbsht\u00eb nj\u00eb histori e hershme, nj\u00eb befasi e jasht\u00ebzakonshme hartografike, nj\u00eb gremin\u00eb e hapur\u2026 simbolike. Po p\u00ebrgatitej harta e Ult\u00ebsir\u00ebs Per\u00ebndimore t\u00eb Shqip\u00ebris\u00eb, n\u00eb Myzeqe. Kur i erdhi radha q\u00eb t\u00eb kontrolloja se si ishte hartografuar dhe vizatuar qendra e Fierit, syri m\u00eb shkoi atje ku gravitacioni k\u00ebrkonte, tek ajo d\u00ebrges\u00eb q\u00eb l\u00ebshonte nj\u00eb fluks vdekjeprur\u00ebs. N\u00eb mes t\u00eb lulishtes s\u00eb qytetit kundruall Teatrit \u2018Bylis, sapo ishte inauguruar nj\u00eb statuj\u00eb e Enver Hoxh\u00ebs. Kur m\u00eb shkoi maja e rapidografit aty, n\u00eb vend q\u00eb t\u00eb shihja simbolin e statuj\u00ebs s\u00eb udh\u00ebheq\u00ebsit, pash\u00eb simbolin e nj\u00eb varri t\u00eb vetmuar, pra Enver Hoxha ishte vizatuar si nj\u00eb varr i vetmuar.<\/p>\n

Ja, kjo ishte zbulesa e vdekjes, kur Enver Hoxha ishte idhulli dhe kreu okult i Shqip\u00ebris\u00eb s\u00eb izoluar komuniste. Informacioni q\u00eb shkoi tin\u00ebz deri n\u00eb disa figura ideologjike t\u00eb koh\u00ebs, ishte tep\u00ebr sekret se mos i afrohej udh\u00ebheq\u00ebsit.<\/p>\n

Fiksioni letrar i m\u00ebtutjesh\u00ebm \u00ebsht\u00eb munduar q\u00eb t\u00eb shfryt\u00ebzoj\u00eb k\u00ebt\u00eb fabul konkrete, po nuk e di se a e ka plot\u00ebsuar dot unitetin artistik apo jo. Rr\u00ebfimet q\u00eb vijn\u00eb m\u00eb posht\u00eb jan\u00eb prurje t\u00eb panoram\u00ebs ideologjike t\u00eb koh\u00ebs q\u00eb kan\u00eb z\u00ebn\u00eb vend, n\u00eb nj\u00eb shoq\u00ebri t\u00eb kuadratuar, me personazhe n\u00eb trushp\u00eblarje, me tipare fanatike, kur vetvetja dal\u00ebngadal\u00eb s\u2019ishte m\u00eb vetvetja.<\/p>\n

N\u00eb roman p\u00ebrshkruani n\u00eb m\u00ebnyr\u00eb perfekte gjendjen paranojake t\u00eb Enver Hoxh\u00ebs gjat\u00eb ushtrimit t\u00eb pushtetit, a keni pasur rastin ta takonit dhe \u00e7far\u00eb p\u00ebrshtypjeje kishit at\u00ebher\u00eb?<\/strong><\/p>\n

Para s\u00eb gjithash, duhet kuptuar koha historike e breznis\u00eb sime. Ne p\u00ebrfaq\u00ebsojm\u00eb at\u00eb brezni, q\u00eb lindi pas Luft\u00ebs s\u00eb Dyt\u00eb Bot\u00ebrore. Baballar\u00ebt tan\u00eb ishin pjes\u00eb e nj\u00eb shoq\u00ebrie dhe sistemi shoq\u00ebror aq t\u00eb prapambetur e n\u00eb vuajtje, sa e kam t\u00eb v\u00ebshtir\u00eb ta p\u00ebrqas. Ne hap\u00ebm syt\u00eb pas zjarrit, gjakut, urrejtjes dhe kuj\u00ebs shoq\u00ebrore t\u00eb asaj p\u00ebrmbysjeje dhe atij \u00e7lirimi real prej dy zgjedhave. Epidemia komuniste ishte utopia nanurit\u00ebse e jona\u2026 Ajo kishte pushtuar mendjen njer\u00ebzore n\u00eb nj\u00eb pjes\u00eb t\u00eb madhe t\u00eb bot\u00ebs. Ish koha kur pas fjal\u00ebs buk\u00eb vinte pushka, liria dhe drita e dijes. Ne kemi folur fjal\u00ebt e para n\u00eb k\u00ebt\u00eb ting\u00ebllim\u00eb. Kushtet historike, mund\u00ebsit\u00eb e nj\u00eb drite t\u00eb re q\u00eb u hap\u00ebn, m\u00eb mor\u00ebn prej nj\u00eb strehe t\u00eb varf\u00ebr, n\u00eb nj\u00eb mjedis shkollimi ushtarak e rritjeje, q\u00eb kish model shoq\u00ebrin\u00eb sovjetike. Tani jemi n\u00eb gjendje q\u00eb t\u00eb gjykojm\u00eb se n\u00eb cil\u00ebn placent\u00eb kemi frymuar. Ata q\u00eb e b\u00ebn\u00eb k\u00ebt\u00eb luft\u00eb ishin shqiptar\u00eb, q\u00eb s\u2019dinin se \u00e7\u2019ish komunizmi, por u lidh\u00ebn me t\u00eb si pjesa m\u00eb e madhe e bot\u00ebs. Qenia njer\u00ebzore, n\u00eb secilin kusht t\u00eb ndodhet, k\u00ebrkon t\u00eb jetoj\u00eb, t\u00eb luftoj\u00eb p\u00ebr ekzistenc\u00ebn e tij. Ne ishim brenda nj\u00eb shoq\u00ebrie parafabrikate dhe u mjedisuam brenda diktatur\u00ebs s\u00eb proletariatit dhe luft\u00ebs s\u00eb klasave, t\u00eb cilat i kan\u00eb l\u00ebn\u00eb shum\u00eb plag\u00eb Shqip\u00ebris\u00eb dhe shqiptar\u00ebve.<\/p>\n

Ne q\u00eb p\u00ebrfituam, duke qen\u00eb n\u00eb syprin\u00ebn e fitimtar\u00ebve klasor\u00eb, u b\u00ebm\u00eb pjes\u00eb e doktrin\u00ebs dhe nuk ishim dot n\u00eb gjendje q\u00eb t\u00eb vepronim ndryshe. Kishim brenda vetes dhe humbjen e madhe q\u00eb kish p\u00ebsuar Shqip\u00ebria n\u00eb plag\u00ebt q\u00eb mori. Enver Hoxha i ngritur n\u00eb kult, si\u00e7 ndodh edhe sot me d\u00ebshirat njer\u00ebzore dhe kultin e pushtetit, rritej n\u00eb mendjet tona gjer n\u00eb idhullim. Kjo duhet th\u00ebn\u00eb e duhet pranuar. K\u00ebt\u00eb nuk mund ta mohoj askush. Gjymtyr\u00ebt trupore dhe shpirt\u00ebrore t\u00eb miat shtrihen n\u00eb dy sisteme. E mira dhe e keqja v\u00ebrtiten te raca njer\u00ebzore, e cila nd\u00ebrton dhe prish sisteme, k\u00ebrkon luft\u00eb dhe p\u00ebrmbysje, padrejt\u00ebsi e konflikte, k\u00ebshtu dhe n\u00eb pafund, \u00e7ka \u00ebsht\u00eb n\u00eb natyr\u00eb t\u00eb Homo Sapiensit. Tundja pas rr\u00ebzimit e p\u00ebrmbysjes s\u00eb viteve \u201990 t\u00eb shekullit q\u00eb shkoi, n\u00eb pik\u00ebpamje emocionale nuk kan\u00eb qen\u00eb t\u00eb lehta, p\u00ebr secilin prej nesh.<\/p>\n

<\/div>\n

\u00c7\u2019ka ngelur tek un\u00eb prej Enver Hoxh\u00ebs? Figura me sharmin demoniak t\u00eb nj\u00eb diktatori, q\u00eb duhet pranuar, \u00ebsht\u00eb njer\u00ebzore, dhe qeniet tona n\u00eb kuadrate plot ngjyra, duke i k\u00ebnduar utopis\u00eb komuniste q\u00eb s\u2019vjen kurr\u00eb.<\/p>\n

Brenda meje ishte dhe mbetet Shqip\u00ebria, ideali komb\u00ebtar, i cili u p\u00ebrzje keqas me at\u00eb ideologjik. Dhe le t\u00eb citojm\u00eb Jose Saramango:<\/p>\n

\u201cPse u b\u00ebm\u00eb t\u00eb verb\u00ebr!? Nuk e di! Ndoshta do ta zbulojm\u00eb nj\u00eb dit\u00eb arsyen.<\/p>\n

U b\u00ebm\u00eb t\u00eb verb\u00ebr!
\nNe ishim t\u00eb verb\u00ebr!
\nT\u00eb verb\u00ebr q\u00eb shohin!
\nT\u00eb verb\u00ebr q\u00eb duke par\u00eb nuk shohin!\u201d<\/p>\n

Ju keni qen\u00eb ushtarak, \u00e7far\u00eb kujtoni nga periudha e kryq\u00ebzimit t\u00eb gjeneral\u00ebve, qe pasqyrohet aq bukur dhe te \u201cStatuja\u201d?<\/strong><\/p>\n

Pa dyshim, kjo ka qen\u00eb kryq\u00ebzata m\u00eb e tmerrshme e asaj periudhe. Lind\u00ebn aq kontradikta, p\u00ebrzier\u00eb brenda bashk\u00ebsis\u00eb ushtarake, ideologjia e pushteti,vetizolimi i denatyroi karakteret njer\u00ebzore, drejtuese, q\u00eb nga ushtarak\u00ebt e thjesht\u00eb deri te gjeneral\u00ebt, se ideologjia e pushtoi doktrin\u00ebn ushtarake, krijoi nj\u00eb mend\u00ebsi dhe frym\u00eb izolimi e t\u00eb atill\u00eb q\u00ebndrese, sa rasti shqiptar ua kaloi edhe rasteve m\u00eb epike te t\u00eb gjitha koh\u00ebrave. Shqip\u00ebria ngriti nj\u00eb \u201cqytet\u00ebrim\u201d t\u00eb n\u00ebndhesh\u00ebm fortifikimi, sa edhe ai q\u00eb lul\u00ebzonte sip\u00ebr\u2026 p\u00ebr t\u2019u mbrojtur n\u00eb at\u00eb kala graniti. Doktrina ushtarake shihej n\u00eb nj\u00eb drit\u00eb tjet\u00ebr. Paranoja e konfliktit b\u00ebri t\u00eb saj\u00ebn n\u00eb historin\u00eb e Forcave t\u00eb Armatosura. Ashtu si gjith\u00eb shoq\u00ebria shqiptare h\u00ebngri vetveten, ashtu edhe Ushtria n\u00eb drejtimin e saj e h\u00ebngri vetveten, se kjo ishte logjika e k\u00ebrkimit t\u00eb s\u00eb keqes, dyshimit ndaj armiqve t\u00eb brendsh\u00ebm dhe t\u00eb jasht\u00ebm, t\u00eb armiqve t\u00eb klas\u00ebs. Mendimi sip\u00ebror ideologjik ushtarak i Enver Hoxh\u00ebs i vrau gjeneral\u00ebt me radh\u00eb, korri breznit\u00eb m\u00eb t\u00eb mira historike t\u00eb tij.<\/p>\n

Mendoni vet\u00ebm \u201cTezat e Zeza\u201d ushtarake, q\u00eb ishin pjell\u00eb e mendjes s\u00eb diktatorit e b\u00ebri bashk\u00ebsin\u00eb ushtarake t\u00eb dublikohej n\u00eb k\u00ebt\u00eb togfjal\u00ebsh, q\u00eb ishte nj\u00eb marr\u00ebzi tipike. Kryeura e shkeljes s\u00eb dheut, n\u00eb vij\u00eb t\u00eb kufirit apo n\u00eb buz\u00eb t\u00eb ujit, nga k\u00ebmba armike ishte guri i prov\u00ebs doktrinare ushtarake, q\u00eb i rr\u00ebnoi mendjet studimore dhe atyre udh\u00ebheq\u00ebse p\u00ebr t\u2019u dh\u00ebn\u00eb p\u00ebrgjigje n\u00ebse mund ta analizonin qoft\u00eb edhe nj\u00eb rast, kur kjo k\u00ebmba armike do t\u00eb shkelte apo jo\u2026 tok\u00ebn shqiptare.<\/p>\n

Kaq do t\u00eb mjaftonte p\u00ebr t\u00eb d\u00ebshmuar marr\u00ebzin\u00eb. Tani, p\u00ebrfytyroni kur Beqir Balluku thoshte n\u00eb gjyq: \u201cJan\u00eb dy vez\u00eb q\u00eb do t\u00eb p\u00ebrplasen dhe nj\u00ebra prej tyre do t\u00eb thyhet\u2026!\u201d Apo p\u00ebrfytyroni Beqir Ballukun q\u00eb, kur d\u00ebrgohej n\u00eb Roskovec para se t\u00eb pushkatohej, mbante n\u00eb dor\u00eb sip\u00ebr makin\u00ebs portretin e Enver Hoxh\u00ebs\u2026<\/p>\n

N\u00eb shum\u00eb takime historike, q\u00eb shpesh kthehen n\u00eb nostalgjike, d\u00ebshmitar\u00ebt e koh\u00ebs nuk jan\u00eb n\u00eb gjendje q\u00eb t\u00eb d\u00ebshmoj\u00eb se k\u00eb duhet t\u00eb mbrojn\u00eb e pse ta mbrojn\u00eb dhe ideologjia diktatoriale dhe e luft\u00ebs s\u00eb klasave ka l\u00ebn\u00eb mbresa q\u00eb s\u2019shuhen.<\/p>\n

A keni nj\u00eb qasje tuaj\u00ebn p\u00ebr debatin e sot\u00ebm p\u00ebr Luft\u00ebn dhe a mendoni se Hoxha e b\u00ebri dikur mit at\u00eb p\u00ebr t\u00eb p\u00ebrligjur pushtetin?<\/strong><\/p>\n

Debati p\u00ebr Luft\u00ebn Antifashiste Nacional \u00c7lirimtare \u00ebsht\u00eb debat p\u00ebr historin\u00eb. Dhe historia \u00ebsht\u00eb \u00e7el\u00ebsi i vet\u00ebm i t\u00eb gjitha t\u00eb panjohurave dhe t\u00eb fshehtave t\u00eb jet\u00ebs, thot\u00eb Borghes. Lufta ishte e pashembullt, jo vet\u00ebm nj\u00eb zgjim, sakrific\u00eb, nj\u00eb drit\u00eb komb\u00ebtare, q\u00eb na ngriti Shqip\u00ebrin\u00eb n\u00eb koh\u00ebn e duhur, n\u00eb luft\u00ebn e duhur, me aleat\u00ebt e me fitimtar\u00ebt. Kjo \u00ebsht\u00eb kryefjala. Nuk mund t\u00eb k\u00ebrkohet past\u00ebrti dhe virgj\u00ebri n\u00eb at\u00eb koh\u00eb t\u00eb mjegullt, kur luhej me vdekjen, ku nd\u00ebrthureshin interesa t\u00eb m\u00ebdha komb\u00ebtare dhe nd\u00ebrkomb\u00ebtare. Q\u00eb aty ka pasur faje, gabime \u2026dhe krime n\u00eb luft\u00eb e sip\u00ebr, kjo \u00ebsht\u00eb e pranueshme dhe e padiskutueshme, por aureola e zgjimit t\u00eb madh \u00e7lirimtar nuk mund t\u00eb ngat\u00ebrrohet me ardhjen e epidemis\u00eb komuniste, e cila ishte m\u00eb shum\u00eb se n\u00eb gjysm\u00ebn e bot\u00ebs. Synimet, d\u00ebshirat dhe udha e Enver Hoxh\u00ebs p\u00ebr t\u00eb rrokur pushtetin jan\u00eb t\u00eb natyrshme, brenda t\u00eb cilave ka pasur krim dhe makiaveliz\u00ebm. S\u2019mund t\u00eb p\u00ebrmbyset kontributi i Enver Hoxh\u00ebs me nj\u00eb t\u00eb r\u00ebn\u00eb t\u00eb lapsit, por figura e tij duhet t\u00eb pasqyrohet me drit\u00ebhijet e saj. Jepi \u00c7ezarit at\u00eb q\u00eb i takon\u2026<\/p>\n

Dikur jeni nd\u00ebshkuar, n\u00eb \u00e7far\u00eb rrethanash dhe si rrodhi jeta juaj m\u00eb von\u00eb?<\/strong><\/p>\n

Po, ky ishte nj\u00eb nd\u00ebshkim tipik epidemie, si p\u00ebr analogji, grupazhe n\u00eb t\u00eb gjith\u00eb sektor\u00ebt e jet\u00ebs. N\u00eb Institutin Topografik, un\u00eb diskutoja p\u00ebr probleme t\u00eb ndryshme teknike se kjo ishte fusha e teknologjive hartografike. Shoq\u00ebria brenda Institutit, kolektivi k\u00ebrkonte q\u00eb t\u00eb gjente brenda saj kund\u00ebrshtar\u00ebt, ata q\u00eb synonin p\u00ebr t\u2019i goditur si t\u00eb ishin manifestime ideologjike kur ato ishin teknike dhe pastaj fillonte grotesku i dhimbsh\u00ebm, ku sipas matematik\u00ebs kineze, p\u00ebr\u00e7ahej kolektivi dhe \u201c2 bashkohet me 3\u201d, kurse \u201c1 bashkohet 1,5\u201d p\u00ebr t\u2019i d\u00ebnuar e q\u00ebruar kuadrot. Vuajtja ime dhe e familjes sime nuk mund t\u00eb krahasohen me korrjen e pashembullt t\u00eb gjeneral\u00ebve. Mua m\u00eb kan\u00eb shp\u00ebtuar hartat se aty ishte shpirti im atdhetar deri tash. Brenda hart\u00ebs se Shqip\u00ebris\u00eb, ku kan\u00eb kontribuar hartograf\u00ebt ushtarak\u00eb t\u00eb Shqip\u00ebris\u00eb, jan\u00eb edhe disa d\u00ebshmi q\u00eb trajtohen edhe te romani \u201cStatuja\u201d.<\/p>","protected":false},"excerpt":{"rendered":"

Protagonizmi i bujsh\u00ebm n\u00eb debatin p\u00ebr kund\u00ebrshtimin e paktit detar me Greqin\u00eb, e pag\u00ebzoi me cil\u00ebsimin Koloneli i Detit. N\u00eb k\u00ebt\u00eb shfaqje t\u00eb jasht\u00ebzakonshme, Myslim Pasha kumtonte patjet\u00ebr me profesionalizmin e spikatur si inxhinier gjeodet e hartograf, por jo vet\u00ebm. Se t\u00eb till\u00eb ka jo pak, por preferuan t\u00eb vegjetojn\u00eb pa e prishur qet\u00ebsin\u00eb vetjake. […]<\/p>\n","protected":false},"author":2013,"featured_media":103574,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[241,235],"tags":[],"class_list":{"0":"post-103569","1":"post","2":"type-post","3":"status-publish","4":"format-standard","5":"has-post-thumbnail","7":"category-aktualitet","8":"category-vendi"},"_links":{"self":[{"href":"https:\/\/zjarr.tv\/en\/wp-json\/wp\/v2\/posts\/103569","targetHints":{"allow":["GET"]}}],"collection":[{"href":"https:\/\/zjarr.tv\/en\/wp-json\/wp\/v2\/posts"}],"about":[{"href":"https:\/\/zjarr.tv\/en\/wp-json\/wp\/v2\/types\/post"}],"author":[{"embeddable":true,"href":"https:\/\/zjarr.tv\/en\/wp-json\/wp\/v2\/users\/2013"}],"replies":[{"embeddable":true,"href":"https:\/\/zjarr.tv\/en\/wp-json\/wp\/v2\/comments?post=103569"}],"version-history":[{"count":0,"href":"https:\/\/zjarr.tv\/en\/wp-json\/wp\/v2\/posts\/103569\/revisions"}],"wp:featuredmedia":[{"embeddable":true,"href":"https:\/\/zjarr.tv\/en\/wp-json\/wp\/v2\/media\/103574"}],"wp:attachment":[{"href":"https:\/\/zjarr.tv\/en\/wp-json\/wp\/v2\/media?parent=103569"}],"wp:term":[{"taxonomy":"category","embeddable":true,"href":"https:\/\/zjarr.tv\/en\/wp-json\/wp\/v2\/categories?post=103569"},{"taxonomy":"post_tag","embeddable":true,"href":"https:\/\/zjarr.tv\/en\/wp-json\/wp\/v2\/tags?post=103569"}],"curies":[{"name":"wp","href":"https:\/\/api.w.org\/{rel}","templated":true}]}}