{"id":107954,"date":"2019-09-20T13:27:30","date_gmt":"2019-09-20T11:27:30","guid":{"rendered":"https:\/\/zjarr.tv\/?p=107954"},"modified":"2019-09-20T13:27:30","modified_gmt":"2019-09-20T11:27:30","slug":"si-i-varrosi-prokuroria-provat-e-lidhjes-se-tahirit-me-trafikantet-e-droges","status":"publish","type":"post","link":"https:\/\/zjarr.tv\/en\/si-i-varrosi-prokuroria-provat-e-lidhjes-se-tahirit-me-trafikantet-e-droges\/","title":{"rendered":"Si i varrosi prokuroria provat e lidhjes s\u00eb Tahirit me trafikant\u00ebt e drog\u00ebs"},"content":{"rendered":"

N\u00eb ver\u00ebn e vitit 2014, kur autoritetet italiane kishin konstatuar kulmin e aktivitetit kriminal t\u00eb klanit narko-trafikant \u201cHabilaj\u201d, drejtuesit e tij, Artan e Moisi Habilaj forcuan ndjesh\u00ebm raportet e tyre familjare e personale me ministrin e Brendsh\u00ebm t\u00eb asaj kohe, Saimir Tahiri dhe me njer\u00ebzit e tij t\u00eb af\u00ebrt.<\/p>\n

\u201cBoldnews.al\u201d ka siguruar, nj\u00eb p\u00ebrgjim ekskluziv t\u00eb regjistruar nga autoritetet italiane, si edhe dokumenta t\u00eb tjer\u00eb zyrtar\u00eb, t\u00eb cil\u00ebt provojn\u00eb se, n\u00eb Korrik 2014, kreu i grupit kriminal, Moisi Habilaj ka shoq\u00ebruar gjat\u00eb nj\u00eb udh\u00ebtimi n\u00eb Itali shtetasit Bashkim Tahiri dhe Fatlinda Tahiri, p\u00ebrkat\u00ebsisht babai dhe bashk\u00ebshortja e Saimir Tahirit.<\/p>\n

<\/div>\n

K\u00ebto dokumenta jan\u00eb pjes\u00eb e dosjes hetimore t\u00eb Prokuroris\u00eb p\u00ebr Krime t\u00eb R\u00ebnda, por q\u00eb nuk gjendet n\u00eb dokumentin \u201ckonkluzione p\u00ebrfundimtare\u201d, n\u00eb baz\u00eb t\u00eb t\u00eb cilit u k\u00ebrkua d\u00ebnimi me 12 vjet burgim p\u00ebr Saimir Tahirin.<\/p>\n

\n
<\/div>\n<\/div>\n

P\u00ebrgjimi
\nN\u00eb p\u00ebrgjimet e Prokuroris\u00eb s\u00eb Katanias, e cila po hetonte prej vitit 2013 aktivitetin kriminal t\u00eb Habilajve, gjendet e regjistruar edhe nj\u00eb bised\u00eb e dat\u00ebs 10 Korrik 2014. N\u00eb at\u00eb telefonat\u00eb, Moisi Habilaj, i cili gjendej n\u00eb Itali, komunikon me nj\u00eb num\u00ebr shqiptar (069 53 92 XXX),i paidentifikuar n\u00eb at\u00eb koh\u00eb nga prokuroria e Katanias.<\/p>\n

N\u00eb k\u00ebt\u00eb bised\u00eb, nd\u00ebr t\u00eb tjera, Moisiu Habilaj i thot\u00eb bashk\u00ebbiseduesit t\u00eb tij: \u201cJam k\u00ebtu me Gjigandin Bashkim\u201d dhe m\u00eb pas i kalon telefonin Bashkimit p\u00ebr t\u00eb komunikuar me personin n\u00eb an\u00ebn tjet\u00ebr t\u00eb telefonit, i cili gjendej n\u00eb Shqip\u00ebri.<\/p>\n

\"Image\"<\/p>\n

Mes dy burrave vijon komunikimi, ku shtetasi Bashkim e informon bashk\u00ebbiseduesin se do t\u00eb kthehej n\u00eb Tiran\u00eb at\u00eb dit\u00eb (dt.10 Korrik 2014), me avionin e or\u00ebs 21.30 dhe do t\u00eb mb\u00ebrrinin n\u00eb Shqip\u00ebri n\u00eb 23.00.<\/p>\n

Ky p\u00ebrgjim \u00ebsht\u00eb investiguar m\u00eb tej nga Prokuroria p\u00ebr Krime t\u00eb R\u00ebnda, pasi mori n\u00eb dor\u00eb p\u00ebrgjimet e autoriteteve italiane.<\/p>\n

Hetimi i k\u00ebtij detaji zbuloi t\u00eb dh\u00ebna shum\u00eb t\u00eb r\u00ebnd\u00ebsishme p\u00ebr lidhjet e Saimir Tahirit me drejtuesit e klanit \u201cHabilaj\u201d.<\/p>\n

Moisiu, udh\u00ebtim me babain dhe bashk\u00ebshorten e Tahirit<\/p>\n

S\u00eb pari, Krimet e R\u00ebnda verifikuan numrin shqiptar, me t\u00eb cilin komunikoi Moisi Habilaj n\u00eb 10 Korrik 2014. Rezultoi q\u00eb numri 069 53 92 XXX ishte n\u00eb p\u00ebrdorim t\u00eb shtetasit Kujtim Tahiri, xhaxhai i Saimir Tahirit. \u201cBoldnews.al\u201d verifikoi edhe vet\u00eb k\u00ebt\u00eb num\u00ebr, n\u00ebp\u00ebrmjet programit t\u00eb thjesht\u00eb \u201ctruecaller\u201d, n\u00eb t\u00eb cilin ky num\u00ebr vijon t\u00eb rezultoj\u00eb me emrin \u201cKujtim Tahiri\u201d.<\/p>\n

\"Image\"<\/p>\n

Numri i telefonit t\u00eb shtetasit Kujtim Tahiri, me t\u00eb cilin komunikoi Mois Habilaj n\u00eb dt.10.07.2014 (verifikim me programin truecaller)<\/p>\n

Pas k\u00ebsaj t\u00eb dh\u00ebne, Prokuroria Shqiptare dyshoi se personi \u201cBashkim\u201d, i cili ishte n\u00eb shoq\u00ebrin\u00eb e Moisi Habilajt n\u00eb udh\u00ebtimin n\u00eb Rom\u00eb ishte Bashkim Tahiri, babai i ministrit t\u00eb Brendsh\u00ebm t\u00eb asaj kohe, Saimir Tahiri.<\/p>\n

Nga verifikimet n\u00eb sistemin TIMS, rezultoi se Bashkim Tahiri nuk kishte dalje nga Shqip\u00ebria n\u00eb drejtim t\u00eb Italis\u00eb, n\u00eb Korrik 2014. T\u00eb dh\u00ebnat e TIMS-it ishin t\u00eb ndryshme nga dyshimet e krijuara prej Prokuroris\u00eb.<\/p>\n

P\u00ebr t\u00eb krijuar nj\u00eb situat\u00eb m\u00eb t\u00eb qart\u00eb, Prokuroria p\u00ebr Krime t\u00eb R\u00ebnda i mori shtetasit Bashkim Tahiri pashaport\u00ebn.<\/p>\n

Nga kqyrja e pasaport\u00ebs, nj\u00eb kopje t\u00eb t\u00eb cilave i ka edhe \u201cBoldnews.al\u201d, rezulton se shtetasi Bashkim Tahiri ka vula dal\u00ebse nga Shqip\u00ebria dhe dal\u00ebse nga aeroporti Fiumicino, n\u00eb Rom\u00eb, n\u00eb datat 8 Korrik 2014 (dalje nga Shqip\u00ebria) dhe 10 Korrik 2014 (dalje nga Italia). Por, nd\u00ebrkoh\u00eb q\u00eb punonj\u00ebsit e Policis\u00eb s\u00eb Rinasit kan\u00eb vulosur pasaport\u00ebn e Bashkimit Tahirit, nuk e kan\u00eb regjistruar daljen e tij n\u00eb sistemin TIMS.<\/p>\n

\"Image\"\"Image\"\"Image\"<\/p>\n

Pasaporta e Bashkim Tahiri, me vul\u00ebn dal\u00ebse nga Shqip\u00ebria n\u00eb dat\u00eb 08.07.2014<\/p>\n

Pasaporta e Bashkim Tahiri, me vul\u00ebn dal\u00ebse nga Italia n\u00eb dat\u00eb 10.07.2014<\/p>\n

N\u00eb baz\u00eb t\u00eb k\u00ebtyre t\u00eb dh\u00ebnave, Prokuroria Shqiptare forcoi dyshimet se Moisi Habilaj ka qen\u00eb n\u00ebn shoq\u00ebrin\u00eb e Bashkim Tahirit gjat\u00eb udh\u00ebtimit n\u00eb Itali, n\u00eb Korrik 2014.<\/p>\n

K\u00ebto element\u00eb ishte biseda telefonike ku p\u00ebrmendej \u201cgjigandi Bashkim\u201d; konfirmimi i shtetasit Bashkim se do t\u00eb kthehej n\u00eb Tiran\u00eb at\u00eb dit\u00eb (dt.10 Korrik 2014) me avionin e or\u00ebs 21.30; si edhe vulat n\u00eb pasaport\u00ebn e Bashkimit Tahirit, dal\u00ebse nga Shqip\u00ebria dhe dal\u00ebse nga aeroporti i Fiumicion-s, Rom\u00eb.<\/p>\n

Kishte mbetur edhe nj\u00eb veprim tjet\u00ebr, p\u00ebr t\u00eb hequr \u00e7do dyshim. Prokuror\u00ebt mor\u00ebn list\u00ebn e pasagjer\u00ebve t\u00eb linj\u00ebs ajrore q\u00eb kishte kryer fluturimet Tiran\u00eb-Rom\u00eb n\u00eb 8 Korrik 2014 dhe Rom\u00eb-Tiran\u00eb n\u00eb 10 Korrik 2014.<\/p>\n

Nga kqyrja e list\u00ebs s\u00eb pasagjer\u00ebve u sigurua nj\u00eb e dh\u00ebn\u00eb akoma m\u00eb interesante. N\u00eb list\u00ebn e pasagjer\u00ebve n\u00eb dalje drejt Rom\u00ebs, krahas emrit t\u00eb Moisi Habilajt dhe Bashkim Tahirit, ishte edhe emri i Fatlinda Tahirit, bashk\u00ebshortja e ministrit t\u00eb Brendsh\u00ebm t\u00eb asaj kohe.<\/p>\n

N\u00eb list\u00ebn e udh\u00ebtar\u00ebve n\u00eb kthim nga Roma drejt Tiran\u00ebs, nj\u00eb kopje t\u00eb siguruar edhe nga \u201cBoldnews.al\u201d, rezulton se tre udh\u00ebtar\u00ebt, Moisi Habilaj, Bashkim Tahiri dhe Fatlinda Tahiri kan\u00eb jo vet\u00ebm n\u00eb nj\u00eb avion, por edhe n\u00eb t\u00eb nj\u00ebjt\u00ebn sedilje.<\/p>\n

\"Image\"<\/p>\n

Gjithashtu, Prokuroria verifikoi n\u00eb sistemin TIMS udh\u00ebtimet e shtetases Fatlinda Tahiri, n\u00eb t\u00eb cilin, si n\u00eb rastin e vjehrrit t\u00eb saj, Bashkim Tahiri, nuk rezultonte dalje dhe hyrje t\u00eb saj n\u00eb Korrik 2014.<\/p>\n

Nj\u00eblloj si n\u00eb rastin e Bashkim Tahirit, Prokuroria sekuestroi pasaport\u00ebn e bashk\u00ebshortes s\u00eb Tahirit, n\u00eb t\u00eb cil\u00ebn gjendeshin vulat hyr\u00ebse dhe dal\u00ebse nga Italia t\u00eb Fatlinda Tahirit, konkretisht n\u00eb datat 8 Korrik 2014 dhe 10 Korrik 2014.<\/p>\n

\"Image\"\"Image\"\"Image\"<\/p>\n

Pasaporta e Fatlinda Tahiri, me vul\u00ebn hyr\u00ebs n\u00eb Itali n\u00eb dat\u00eb 08.07.2014<\/p>\n

Pasaporta e Fatlinda Tahiri, me vul\u00ebn dal\u00ebse nga Italia n\u00eb dat\u00eb 10.07.2014<\/p>\n

N\u00eb baz\u00eb t\u00eb k\u00ebtyre t\u00eb dh\u00ebnave, Prokuroria Shqiptare konfirmoi lidhjet e forta nd\u00ebrmjet Moisi Habilaj dhe familjar\u00ebve t\u00eb ngusht\u00eb t\u00eb ministrit t\u00eb Brendsh\u00ebm t\u00eb asaj kohe.<\/p>\n

Gjithashtu, nga ky verifikim, prokuror\u00ebt e Krimeve t\u00eb R\u00ebnda konstatuan se Bashkim dhe Fatlinda Tahiri jan\u00eb munduar t\u00eb fshehin udh\u00ebtimin e tyre drejt Italis\u00eb me Moisi Habilaj, duke shmangur regjistrimin n\u00eb sistemin TIMS.<\/p>\n

Sistemi TIMS regjistron \u00e7do hyrje-dalje t\u00eb qytetar\u00ebve shqiptar\u00ebve apo t\u00eb huaj n\u00eb hyrje dhe n\u00eb dalje nga Republika e Shqip\u00ebris\u00eb. Por, duket se punonj\u00ebsit e Policis\u00eb s\u00eb pik\u00ebs kufitare t\u00eb Aeroportit kan\u00eb zgjedhur q\u00eb t\u00eb mos regjistrojn\u00eb udh\u00ebtimin e Bashkim dhe Fatlinda Tahirit drejt Italis\u00eb, n\u00eb shoq\u00ebrin\u00eb e Moisi Habilajt.<\/p>\n

Ky i fundit \u00ebsht\u00eb regjistruar rregullisht n\u00eb sistemin TIMS, n\u00eb udh\u00ebtimin drejt Rom\u00ebs n\u00eb datat 8-10 Korrik 2014.<\/p>\n

\"Image\"\"Image\"\"Image\"<\/p>\n

Dokument nga sistemi TIMS p\u00ebr gjeneralitetet e Moisi Habilaj<\/p>\n

Dokument nga sistemi TIMS, dalje e Moisi Habilajt nga Shqip\u00ebria n\u00eb dt. 08.07.2014<\/p>\n

Dokument nga sistemi TIMS, hyrje e Moisi Habilajt n\u00eb Shqip\u00ebri n\u00eb dt. 10.07.2014<\/p>\n

Saimir Tahiri iu shmang p\u00ebrballjes me k\u00ebto dokumenta, kur gazetari Basir \u00c7ollaku i deklaroi n\u00eb studion e \u201cOpinion\u201d n\u00eb Mars 2019 se babai dhe bashk\u00ebshortja e ish-ministrit t\u00eb Brendsh\u00ebm kishin udh\u00ebtuar drejt Rom\u00ebs n\u00eb shoq\u00ebrin\u00eb e Moisi Habilajt.<\/p>\n

Rreth nj\u00eb muaj pas k\u00ebtij udh\u00ebtimi n\u00eb Itali, n\u00eb Gusht 2014, thuajse t\u00eb nj\u00ebjt\u00ebt personazhe, por k\u00ebsaj radhe n\u00ebn shoq\u00ebrin\u00eb e Saimir Tahirit, Artan Habilaj, Elona Gjebreas dhe familjar\u00ebve t\u00eb tyre, bashkohen n\u00eb Greqi, ku gjendeshin p\u00ebr pushime dhe u ndodhi incidenti me skafin, p\u00ebr t\u00eb cilin \u201cBoldnews.al\u201d ka raportuar m\u00eb par\u00eb.<\/p>\n

N\u00eb pritje t\u00eb vendimit<\/p>\n

Ish-ministri i Brendsh\u00ebm, Saimir Tahiri, aktualisht i pandehur p\u00ebr bashk\u00ebpunim me klanin kriminal \u201cHabilaj\u201d, ka mohuar q\u00eb t\u00eb ket\u00eb njohje dhe lidhje me Artan e Moisi Habilaj, si edhe me bashk\u00ebpun\u00ebtor\u00ebt e tyre.<\/p>\n

Por, nj\u00eb seri t\u00eb dh\u00ebnash t\u00eb dosjes hetimore, si edhe k\u00ebto m\u00eb sip\u00ebr, provojn\u00eb se Saimir Tahiri ka pasur jo vet\u00ebm njohje, por edhe komunikim t\u00eb ngusht\u00eb me Artan e Moisi Habilajn, sidomos gjat\u00eb vitit 2014, kur klani Habilaj ka trafikuar, me ndihm\u00ebn e zyrtar\u00ebve policor\u00eb, tonelata kanavis sattiva drejt Italis\u00eb.<\/p>\n

N\u00eb seanc\u00ebn e dat\u00ebs 10 Shtator 2019, Prokuroria p\u00ebr Krime t\u00eb R\u00ebnda k\u00ebrkoi d\u00ebnimin me 12 vjet burgim p\u00ebr Tahirin, i akuzuar p\u00ebr \u201ctrafik narkotik\u00ebsh\u201d dhe \u201cpjes\u00ebmarrje n\u00eb organizat\u00eb kriminale\u201d.<\/p>\n

Saimir Tahiri i ka mohuar n\u00eb vijim\u00ebsi akuzat, duke argumentuar se procesi ndaj tij \u00ebsht\u00eb i montuar. Tashm\u00eb Gjykata p\u00ebr Krime t\u00eb R\u00ebnda do t\u00eb d\u00ebgjoj\u00eb mbrojtjen e t\u00eb pandehurit tjet\u00ebr, Jaeld \u00c7ela, ish-drejtori i Policis\u00eb s\u00eb Vlor\u00ebs dhe m\u00eb pas do t\u00eb jap\u00eb vendimin p\u00ebr nj\u00eb prej \u00e7\u00ebshtjeve m\u00eb t\u00eb r\u00ebnd\u00ebsishme penale t\u00eb tranzicionit shqiptar.\/ Nga Boldnews.al\/<\/p>\n

\n
\n
\n