{"id":111467,"date":"2019-10-24T13:06:49","date_gmt":"2019-10-24T11:06:49","guid":{"rendered":"https:\/\/zjarr.tv\/?p=111467"},"modified":"2019-10-24T13:06:49","modified_gmt":"2019-10-24T11:06:49","slug":"reforma-zgjedhore-astrit-patozi-zbardh-propozimet-e-bindjes-demokratike","status":"publish","type":"post","link":"https:\/\/zjarr.tv\/en\/reforma-zgjedhore-astrit-patozi-zbardh-propozimet-e-bindjes-demokratike\/","title":{"rendered":"Reforma zgjedhore, Astrit Patozi zbardh propozimet e Bindjes Demokratike"},"content":{"rendered":"

Kreu i Partis\u00eb Bindja Demokratike, Astrit Patozi, ka zbardhur n\u00eb nj\u00eb postim t\u00eb gjat\u00eb n\u00eb facebook, propozimet e partis\u00eb q\u00eb drejton p\u00ebr reform\u00ebn zgjedhore.<\/p>\n

\u201cNe mendojm\u00eb se sistemi aktual politik e ka goditur fort demokracin\u00eb, n\u00eb radh\u00eb t\u00eb par\u00eb brenda partive politike, dhe kjo ka shkaktuar pasoja t\u00eb r\u00ebnda n\u00eb gjith\u00eb shoq\u00ebrin\u00eb shqiptare. \u00cbsht\u00eb nj\u00eb qark i mbyllur, q\u00eb ka nxitur degradimin intelektual, servilizmin dhe klientelizmin, duke vrar\u00eb konkurrenc\u00ebn dhe qarkullimin e elitave politike n\u00eb vend. P\u00ebr t\u00eb gjitha k\u00ebto arsye \u00ebsht\u00eb e domosdoshme q\u00eb t\u00eb rikthehet pesha e vot\u00ebs s\u00eb qytetarit n\u00eb vendimarrjen politike, si brenda partive, ashtu edhe n\u00eb institucionet e shtetit. Shqip\u00ebria ka nevoj\u00eb sot p\u00ebr nj\u00eb kontat\u00eb t\u00eb re sociale, p\u00ebr nj\u00eb pakt komb\u00ebtar mes pal\u00ebve, q\u00eb do t\u00eb ishte parakushti elementar p\u00ebr daljen nga kjo spirale e rrezikshme krizash, t\u00eb cilat mund t\u00eb jen\u00eb t\u00eb paparashikueshme, n\u00eb rast se gjendja nuk do t\u00eb ndryshoj\u00eb.<\/p>\n

N\u00eb k\u00ebt\u00eb atmosfer\u00eb t\u00eb zymt\u00eb, ne jemi t\u00eb bindur se zgjedhjet jan\u00eb e vetmja rrug\u00eb p\u00ebr t\u00eb zgjidhur krizat n\u00eb nj\u00eb vend demokratik.\u201d shkruan Patozi nd\u00ebrsa liston propozimet p\u00ebr nj\u00eb reform\u00eb t\u00eb thell\u00eb zgjedhore sipas tij.<\/p>\n

PROPOZIMET E BINDJES DEMOKRATIKE P\u00cbR NJ\u00cb REFORM\u00cb T\u00cb THELL\u00cb ZGJEDHORE<\/strong><\/p>\n

Shqip\u00ebria po vuan prej koh\u00ebsh pasojat e nj\u00eb qeverisje t\u00eb pap\u00ebrgjegjshme dhe t\u00eb korruptuar, t\u00eb cil\u00ebs i \u00ebsht\u00eb mbivendosur nj\u00eb kriz\u00eb e thell\u00eb politike p\u00ebrfaq\u00ebsimi, p\u00ebr shkak t\u00eb daljes s\u00eb pjes\u00ebs kryesore t\u00eb opozit\u00ebs nga sistemi.
\nPas p\u00ebrfundimit t\u00eb zgjedhjeve problematike t\u00eb 30 qershorit, \u201cRilindja\u201d e Edi Ram\u00ebs kontrollon tashm\u00eb edhe t\u00eb gjith\u00eb pushtetin lokal t\u00eb vendit, duke e \u00e7uar n\u00eb ekstrem raportin mes kampeve politike t\u00eb mazhoranc\u00ebs dhe opozit\u00ebs.
\nPartia Socialiste ka fituar n\u00eb m\u00ebnyr\u00eb t\u00eb pamerituar n\u00eb 61 bashkit\u00eb e Shqip\u00ebris\u00eb, nj\u00eb rezultat q\u00eb bie ndesh me performanc\u00ebn e qeverisjes s\u00eb saj, t\u00eb rr\u00ebnuar moralisht dhe politikisht n\u00eb vitet e fundit. Shoq\u00ebria shqiptare gjendet sot e ndar\u00eb si kurr\u00eb ndonj\u00ebher\u00eb m\u00eb par\u00eb, p\u00ebr shkak t\u00eb humbjes s\u00eb \u00e7do ekuilibri n\u00eb administrimin e pushtetit, i cili ka kaluar padrejt\u00ebsisht dhe paradoksalisht n\u00eb nj\u00ebrin krah.
\nNe mendojm\u00eb se rrethanat dhe p\u00ebrgjegj\u00ebsit\u00eb specifike, q\u00eb \u00e7uan n\u00eb mbajtjen dhe n\u00eb realizimin e zgjedheve anormale t\u00eb 30 qershorit jan\u00eb m\u00eb pak t\u00eb r\u00ebnd\u00ebsishme, se sa konteksti m\u00eb i gj\u00ebr\u00eb, q\u00eb duhet par\u00eb n\u00eb drit\u00ebn e r\u00ebnies s\u00eb sistemit ton\u00eb politik.
\nFakti q\u00eb nj\u00ebra pal\u00eb nuk po di si t\u00eb adminstroj\u00eb mbipushtetin e vet, nd\u00ebrsa pala tjet\u00ebr nuk po di si t\u00eb sillet me munges\u00ebn e plot\u00eb t\u00eb tij, \u00ebsht\u00eb tregues i qart\u00eb se aplikimi n\u00eb m\u00ebnyr\u00eb krijuese i rendit demokratik gjat\u00eb k\u00ebtyre 30 vjet\u00ebve n\u00eb Shqip\u00ebri mund t\u00eb konsiderohet i falimentuar. Ai ka prodhuar tashm\u00eb me tepric\u00eb arroganc\u00eb, padrejt\u00ebsi, korrupsion, padrejt\u00ebsi dhe arbitrariritet dhe nuk besojm\u00eb se duhen me shum\u00eb prova p\u00ebr t\u00eb treguar se kemi mb\u00ebrritur fundin e nj\u00eb aventure t\u00eb pashembullt.
\nShenjat e degradimit u dhan\u00eb t\u00eb qarta n\u00eb dy vjet\u00ebt e fundit, n\u00eb fillim me zgjedhjet politike t\u00eb 2017-\u00ebs, t\u00eb cilat u duk sikur u shp\u00ebtuan nga nj\u00eb marr\u00ebveshje-pazar e minut\u00ebs s\u00eb fundit, gj\u00eb q\u00eb n\u00eb fakt vet\u00ebm se e shtyu p\u00ebr pak koh\u00eb r\u00ebnien. P\u00ebr t\u00eb shkuar pastaj shum\u00eb shpejt n\u00eb zgjedhjet e 30 qershorit, e vetmja fitore e t\u00eb cilave mund t\u00eb konsiderohet fakti q\u00eb nuk pati p\u00ebrplasje civile
\nNe mendojm\u00eb se sistemi aktual politik e ka goditur fort demokracin\u00eb, n\u00eb radh\u00eb t\u00eb par\u00eb brenda partive politike, dhe kjo ka shkaktuar pasoja t\u00eb r\u00ebnda n\u00eb gjith\u00eb shoq\u00ebrin\u00eb shqiptare. \u00cbsht\u00eb nj\u00eb qark i mbyllur, q\u00eb ka nxitur degradimin intelektual, servilizmin dhe klientelizmin, duke vrar\u00eb konkurrenc\u00ebn dhe qarkullimin e elitave politike n\u00eb vend. P\u00ebr t\u00eb gjitha k\u00ebto arsye \u00ebsht\u00eb e domosdoshme q\u00eb t\u00eb rikthehet pesha e vot\u00ebs s\u00eb qytetarit n\u00eb vendimarrjen politike, si brenda partive, ashtu edhe n\u00eb institucionet e shtetit.
\nShqip\u00ebria ka nevoj\u00eb sot p\u00ebr nj\u00eb kontat\u00eb t\u00eb re sociale, p\u00ebr nj\u00eb pakt komb\u00ebtar mes pal\u00ebve, q\u00eb do t\u00eb ishte parakushti elementar p\u00ebr daljen nga kjo spirale e rrezikshme krizash, t\u00eb cilat mund t\u00eb jen\u00eb t\u00eb paparashikueshme, n\u00eb rast se gjendja nuk do t\u00eb ndryshoj\u00eb.<\/p>\n

N\u00eb k\u00ebt\u00eb atmosfer\u00eb t\u00eb zymt\u00eb, ne jemi t\u00eb bindur se zgjedhjet jan\u00eb e vetmja rrug\u00eb p\u00ebr t\u00eb zgjidhur krizat n\u00eb nj\u00eb vend demokratik. Por natyrisht q\u00eb kjo nuk mund t\u00eb arrihet p\u00ebrmes nj\u00eb procesi t\u00eb deformuar dhe t\u00eb kontestuar. Shqip\u00ebria ka nevoj\u00eb q\u00eb t\u00eb b\u00ebj\u00eb sa m\u00eb par\u00eb zgjedhje normale, por ajo nuk do ta arrij\u00eb ndonj\u00ebher\u00eb at\u00eb objektiv, n\u00eb rast se nj\u00eb gj\u00eb t\u00eb till\u00eb nuk e shkruan p\u00ebrpara n\u00eb ligj.<\/p>\n

N\u00cb K\u00cbRKIM T\u00cb VULLNETIT POLITIK<\/strong><\/p>\n

N\u00eb k\u00ebt\u00eb kontekst, ne e konsiderojm\u00eb t\u00eb panevojsh\u00ebm dhe joproduktiv debatin, q\u00eb e cil\u00ebson reform\u00ebn zgjedhore t\u00eb par\u00ebnd\u00ebsishme, duke u ankuar vazhdimisht p\u00ebr munges\u00ebn e vullnetit politik. Ne mendojm\u00eb se p\u00ebr k\u00ebt\u00eb shkak i kemi humbur shanset n\u00eb kat\u00ebr pal\u00eb zgjedhje radhazi, t\u00eb cilat jan\u00eb zhvilluar pa u kryer reforma zgjedhore, sepse ndryshimet e fundit n\u00eb Kodin Elektoral jan\u00eb b\u00ebr\u00eb n\u00eb vitin 2012.
\nSabotimi i vazhduesh\u00ebm i reform\u00ebs zgjedhore p\u00ebr vite me radh\u00eb, sipas nesh, ka ndodhur p\u00ebr dy arsye. S\u00eb pari, p\u00ebr ta pasur m\u00eb t\u00eb leht\u00eb kontenstimin e zgjedhjeve, dhe kjo tashm\u00eb \u00ebsht\u00eb e provuar. Por m\u00eb kryesorja, p\u00ebr t\u00eb evituar diskutimin e ndryshimit t\u00eb sistemit politik, q\u00eb do t\u00eb hapej n\u00eb \u00e7do rast n\u00eb tryez\u00ebn e reform\u00ebs zgjedhore.
\nDuhet ta kemi t\u00eb qart\u00eb se vullneti politik nuk \u00ebsht\u00eb nj\u00eb mrekulli, q\u00eb zbret nga qielli dit\u00ebn e zgjedhjeve dhe q\u00ebndron aty pastaj p\u00ebrgjithmon\u00eb, por \u00ebsht\u00eb nj\u00eb proces i gjat\u00eb debati dhe p\u00ebrplasjesh p\u00ebr t\u00eb arritur tek rezultati. Dhe n\u00eb t\u00eb gjitha rastet, ai nis me reform\u00ebn zgjedhore, ku p\u00ebrcaktohen rregullat e loj\u00ebs p\u00ebr barazi mes pal\u00ebve n\u00eb gar\u00eb. Nga ana tjet\u00ebr, t\u00eb thuash q\u00eb reforma nuk ka vler\u00eb \u00ebsht\u00eb q\u00eb t\u2019i l\u00ebshosh qeveris\u00eb avantazhet e tanishme edhe n\u00eb zgjedhjet e radh\u00ebs, nd\u00ebrkoh\u00eb q\u00eb duhet t\u00eb luftosh p\u00ebr t\u00eb kund\u00ebrt\u00ebn. Dhe t\u00eb shtysh apo t\u00eb d\u00ebshtosh refom\u00ebn zgjedhore, \u00ebshte nj\u00ebsoj si t\u00eb pretendosh te nd\u00ebrtosh nj\u00eb vep\u00ebr t\u00eb madhe pa projekt, gj\u00eb q\u00eb \u00ebsht\u00eb e pamundur.
\nSi forc\u00eb politike opozitare e djatht\u00eb mendojm\u00eb se ruajtja e statuskuos\u00eb dhe mosp\u00ebrmbushja e refom\u00ebs zgjedhore \u00ebsht\u00eb n\u00eb avantazh t\u00eb s\u00eb majt\u00ebs n\u00eb p\u00ebrgjith\u00ebsi, dhe t\u00eb qeveris\u00eb n\u00eb ve\u00e7anti, q\u00eb do t\u00eb thot\u00eb se n\u00eb kushtet tona PS \u00ebsht\u00eb n\u00eb avantazh t\u00eb dyfisht\u00eb. Ndaj edhe i takon opozit\u00ebs, si pala m\u00eb e interesuar, p\u00ebr ta udh\u00ebhequr dhe p\u00ebr ta p\u00ebrmbyllur me sukses dhe n\u00eb favorin e saj reform\u00ebn zgjedhore.
\nBINDJA DEMOKRATIKE angazhohet se do t\u00eb shfryt\u00ebzoj\u00eb t\u00eb gjitha kapacitetet dhe mund\u00ebsit\u00eb e saj n\u00eb funksion t\u00eb k\u00ebtij q\u00ebllimi.<\/p>\n

REFORMA ZGJEDHORE<\/strong><\/p>\n

Ne mendojm\u00eb se vendi ka nevoj\u00eb p\u00ebr nj\u00eb reform\u00eb t\u00eb thell\u00eb zgjedhore dhe, jo thjesht p\u00ebr ndryshime teknike n\u00eb Kodin Zgjedhor, qofshin k\u00ebto edhe zbatimi i p\u00ebrpikt\u00eb i rekomandimeve t\u00eb OSBE-ODIHR-it. Reforma zgjedhore nuk do t\u00eb kishte ndonj\u00eb efekt t\u00eb madh, n\u00ebse nuk nd\u00ebrhyhet fort n\u00eb disa rrafshe t\u00eb korniz\u00ebs ligjore t\u00eb Republik\u00ebs s\u00eb Shqip\u00ebris\u00eb. Ndaj edhe p\u00ebr k\u00ebt\u00eb propozojm\u00eb:
\nA-Ndryshime n\u00eb kushtetut\u00eb \u2013 p\u00ebr nd\u00ebrrimin e sistemit politik, nga propocional rajonal me lista t\u00eb mbyllura, n\u00eb proporcional komb\u00ebtar me lista preferenciale ose t\u00eb hapura. Dob\u00ebsimi i pushtetit t\u00eb kryeministrit si dhe aplikimi i votimit t\u00eb detyruar. Rikthimi i KQZ-s\u00eb n\u00eb organ kushtetues t\u00eb depolitizuar.
\nB-Ndryshime n\u00eb Kodin Zgjedhor \u2013 p\u00ebr t\u00eb p\u00ebrfshir\u00eb atje kryesisht, por jo vet\u00ebm, rekomandimet e OSBE-ODIHR-it, t\u00eb cilat jan\u00eb b\u00ebr\u00eb stiv\u00eb tashm\u00eb q\u00eb nga zgjedhjet e vitit 2013.
\nC-Ndryshime n\u00eb ligjin \u201cP\u00ebr partit\u00eb politike\u201d \u2013 p\u00ebr t\u00eb vendosur rregulla t\u00eb reja dhe t\u00eb forta lidhur me funksionimin, financimin, organizimin dhe zgjedhjet e brendshme t\u00eb tyre.
\nD-Ndryshime n\u00eb Kodin Penal \u2013 p\u00ebr t\u00eb vendosur masa m\u00eb t\u00eb r\u00ebnda nd\u00ebshkimore p\u00ebr t\u00eb gjitha krimet zgjedhore, q\u00eb nga votuesit e thjesht\u00eb, personat q\u00eb administrojn\u00eb zgjedhjet, e deri tek subjektet politike.
\nE-Ndryshime n\u00eb ligjin \u201cP\u00ebr administat\u00ebn publike\u201d \u2013 p\u00ebr t\u00eb garantuar paprekshm\u00ebrin\u00eb e administrat\u00ebs publike nga ndryshimet politike, duke p\u00ebrcaktuar qart\u00eb rolin dhe vendin e saj gjat\u00eb fushatave dhe proceseve zgjedhore.
\nF-Ndryshime n\u00eb ligjin \u201cP\u00ebr ndarjen administrative-territoriale t\u00eb nj\u00ebsive t\u00eb qeverisjes vendore n\u00eb Republik\u00ebn e Shqip\u00ebris\u00eb\u201d \u2013 t\u00eb cilat t\u00eb sigurojn\u00eb, jo vet\u00ebm konsensusin politik mes pozit\u00ebs dhe opozit\u00ebs, barazin\u00eb e pal\u00ebve n\u00eb zgjedhje, por edhe nj\u00eb administrim m\u00eb t\u00eb mir\u00eb t\u00eb pushtetit lokal n\u00eb Shqip\u00ebri.
\nG-Hartimi i nj\u00eb ligji t\u00eb posa\u00e7\u00ebm p\u00ebr referendumet \u2013 p\u00ebr t\u2019i dh\u00ebn\u00eb mund\u00ebsi qytetar\u00ebve t\u00eb ushtrojn\u00eb t\u00eb drejt\u00ebn e demokracis\u00eb direkte, duke \u00e7liruar pengesat e q\u00ebllimta n\u00eb Kodin Zgjedhor, q\u00eb e b\u00ebjn\u00eb praktikisht t\u00eb pamundur sot mbajtjen e referendumeve.<\/p>\n

SISTEMI POLITIK, PROPORCIONAL KOMB\u00cbTAR ME LISTA T\u00cb HAPURA<\/strong><\/p>\n

Shqip\u00ebria duhet t\u00eb ndahet nj\u00eb dit\u00eb e m\u00eb par\u00eb nga kryetarokracia, sepse ajo \u00ebsht\u00eb baza e rritjes s\u00eb autoritarizmit dhe shnd\u00ebrrimit t\u00eb pushtetit politik n\u00eb nj\u00eb p\u00ebrbind\u00ebsh n\u00eb duart e vet\u00ebm 3 apo kat\u00ebr personave, ku kryeministri kryeson n\u00eb distanc\u00eb t\u00eb madhe me t\u00eb tjer\u00ebt.
\n\u00cbsht\u00eb evidente se ky sistem favorizon qartazi dhe q\u00eb n\u00eb start dy partit\u00eb kryesore, dhe sikur kjo t\u00eb mos mjaftonte, brenda tyre rrit n\u00eb m\u00ebnyr\u00eb t\u00eb frikshme pushtetin e kryetar\u00ebve, t\u00eb cil\u00ebt e kan\u00eb keqp\u00ebrdorur at\u00eb. Kjo ka sjell\u00eb q\u00eb n\u00eb Shqip\u00ebri praktikisht t\u00eb mos ket\u00eb zgjedhje, por votime, pasi qytetar\u00ebt nuk kan\u00eb t\u00eb dor\u00eb t\u00eb zgjedhin, por thjesht\u00eb t\u00eb votojn\u00eb p\u00ebr t\u00eb em\u00ebruarit e kryetar\u00ebve.
\nKa nj\u00eb konsensus shum\u00eb t\u00eb madh n\u00eb shoq\u00ebrin\u00eb shqiptare, q\u00eb e konsideron sistemin politik si p\u00ebrgjegj\u00ebsin kryesor p\u00ebr kriz\u00ebn politike, p\u00ebr zgjedhjet problematike dhe p\u00ebr deformimet e r\u00ebnda n\u00eb jet\u00ebn institucionale t\u00eb vendit. Dhe natyrisht ka nj\u00eb rezistenc\u00eb t\u00eb fort\u00eb nga p\u00ebrfituesit kryesor\u00eb e tij, t\u00eb cil\u00ebt, n\u00eb rastin m\u00eb t\u00eb keq, do t\u00eb p\u00ebrlesheshin deri n\u00eb fund p\u00ebr ta d\u00ebshtuar prap\u00eb reform\u00ebn zgjedhore, nd\u00ebrsa, n\u00eb rastin m\u00eb t\u00eb mir\u00eb, do t\u00eb ishin t\u00eb prirur p\u00ebr t\u00eb votuar vet\u00ebm aspektet teknike, sipas rekomandimeve t\u00eb OSBE-ODIHR-it.
\nAktor\u00ebt politik\u00eb dhe publik\u00eb n\u00eb Shqip\u00ebri mund t\u00eb mos jen\u00eb n\u00eb nj\u00eb mendje dhe mund t\u00eb diskutojn\u00eb gjat\u00eb se cili mund t\u00eb jet\u00eb sistemi i duhur politik p\u00ebr ne, por nuk kan\u00eb pse harxhojn\u00eb koh\u00eb dhe energji fare p\u00ebr t\u00eb r\u00ebn\u00eb dakord se ky q\u00eb kemi nuk b\u00ebn. Sepse vendi sot \u00ebsht\u00eb n\u00eb kolaps t\u00eb plot\u00eb dhe n\u00eb nj\u00eb gjendje gati parapolitike, me qeverin\u00eb q\u00eb po zvarritet, me opozit\u00ebn q\u00eb ka braktisur gati t\u00eb gjitha institucionet, dhe me Presidentin e Republiks n\u00eb procedur\u00eb shkarkimi nga parlamenti. Nuk mendojm\u00eb se ka m\u00eb shum\u00eb nevoj\u00eb se kaq q\u00eb t\u00eb bindemi se sistemi yn\u00eb politik ka r\u00ebn\u00eb.<\/p>\n

Po pse proporcional komb\u00ebtar me lista preferenciale, si m\u00eb i p\u00ebrshtatshmi p\u00ebr Shqip\u00ebrin\u00eb?<\/p>\n

Sepse zgjidhen shum\u00eb problematika nj\u00ebher\u00ebsh, t\u00eb cilat do ta \u00e7lironin mjedisin politik shqiptar nga tendosja e fort\u00eb, q\u00eb ka shkaktuar kriza politike. Do t\u00eb prodhonte m\u00eb shum\u00eb demokraci dhe m\u00eb shum\u00eb stabilitet p\u00ebr vendin. Do t\u00eb zbuste n\u00eb m\u00ebnyr\u00eb drastike arroganc\u00ebn e pushtetit dhe do t\u2019i detyronte drejtuesit politike ta k\u00ebrkonin kompromisin si n\u00eb raport me partner\u00ebt apo me kund\u00ebrshtar\u00ebt, ashtu edhe brenda partive t\u00eb tyre. Do t\u00eb barazonte fuqin\u00eb e vot\u00ebs s\u00eb \u00e7do qytetari shqiptar dhe do t\u2019i jepte m\u00eb shum\u00eb vler\u00eb asaj, por do t\u2019i b\u00ebnte m\u00eb t\u00eb p\u00ebrgjegjsh\u00ebm dhe m\u00eb t\u00eb lir\u00eb t\u00eb zgjedhurit prej tyre.
\nShembulli m\u00eb i mir\u00eb q\u00eb kjo gj\u00eb funksionon ishte Kosova. Zgjedhjet atje u zhvilluan vet\u00ebm pak koh\u00eb pas 30 qershorit ton\u00eb. Diferencat me Shqip\u00ebrin\u00eb jan\u00eb spektakolare.<\/p>\n

RREGULLA DHE SANKSIONE T\u00cb FORTA P\u00cbR FUNKSIONIMIN, FINANCIMIN DHE ZGJEDHJET E PARTIVE POLITIKE<\/strong><\/p>\n

Sipas Institutit t\u00eb Studimeve Politike, pothuajse t\u00eb gjitha partit\u00eb n\u00eb Shqip\u00ebri jan\u00eb n\u00eb shkelje flagrante t\u00eb ligjit, sepse nuk raportojn\u00eb n\u00eb gjykat\u00eb, as dokumentacionin m\u00eb elementar p\u00ebr ndryshimet dhe zbatueshm\u00ebrin\u00eb e statutit t\u00eb organizat\u00ebs.
\nPraktikisht, n\u00eb partit\u00eb tona kryesore, por edhe n\u00eb ato m\u00eb t\u00eb voglat, ka humbur gati krejt\u00ebsisht koncepti i vot\u00ebs dhe i konkurrenc\u00ebs s\u00eb brendshme. Disa prej tyre nuk b\u00ebjn\u00eb zgjedhje fare, nd\u00ebrsa n\u00eb t\u00eb tjerat ato zhvillohen fiktivisht, p\u00ebrmes shkeljeve t\u00eb r\u00ebnda dhe flagrante, ngaq\u00eb fituesi \u00ebsht\u00eb i paracaktuar.
\n\u00cbsht\u00eb keqkuptim i madh q\u00eb deformimi i vot\u00ebs ose proceset e manipuluara t\u00eb zgjedhjeve n\u00eb partit\u00eb tona konsiderohen si \u00e7\u00ebshtje t\u00eb brendshme t\u00eb tyre, pa shum\u00eb r\u00ebnd\u00ebsi p\u00ebr publikun. Nd\u00ebrkoh\u00eb, jan\u00eb t\u00eb nj\u00ebjtat parti tundin q\u00eb gjith\u00eb dynjan\u00eb pastaj kur vijn\u00eb zgjedhjet politike, sepse pretendojn\u00eb se u vjedh votat kund\u00ebrshtari. Kjo vjen ngaq\u00eb patit\u00eb tona trajtohen si nd\u00ebrmarrje private, nd\u00ebrkoh\u00eb q\u00eb duhet t\u00eb jen\u00eb dhe t\u00eb sillen si si institucione publike.
\nLigji \u201cP\u00ebr partit\u00eb politike duhet t\u00eb vendos\u00eb rregulla t\u00eb qarta duke e forcuar kontrollin dhe sanksionet p\u00ebr funksionimin, financimin dhe zbatimin e rregullave t\u00eb brendshme n\u00eb tyre, sidomos p\u00ebr zgjedhjet. Duhet gjetur patjet\u00ebr nj\u00eb m\u00ebnyr\u00eb q\u00eb t\u2019i detyronte ato q\u00eb t\u00eb zbatonin ca rregulla elementare p\u00ebr nj\u00eb gar\u00eb t\u00eb pranueshme. Ndoshta nj\u00eb KQZ e depolitizuar mund t\u00eb ishte nj\u00eb zgjidhje.
\nKjo do t\u00eb rriste p\u00ebrgjegj\u00ebsin\u00eb dhe do t\u00eb zvog\u00eblonte arbitraritetin n\u00eb vendmarrje si dhe do t\u00eb krijonte nj\u00eb kultur\u00eb t\u00eb sh\u00ebndosh\u00eb publike p\u00ebr t\u00eb gjith\u00eb shoq\u00ebrin\u00eb, e cila do t\u00eb refektohej pa asnj\u00eb dyshim n\u00eb zgjedhjet parlamentare apo ato vendore, por edhe n\u00eb cil\u00ebsin\u00eb e institucioneve t\u00eb shtetit, q\u00eb furnizohen me drejtues dhe zyrtar\u00eb prej partive politike.
\nT\u00eb mos harrojm\u00eb se n\u00eb Shtetet e Bashkuara zgjedhjet preleminare brenda partive jan\u00eb po aq t\u00eb vlefshme dhe t\u00eb r\u00ebnd\u00ebsishme p\u00ebr t\u00eb gjith\u00eb amerikan\u00ebt sa edhe ato mes rival\u00ebve kund\u00ebrshtar\u00eb.<\/p>\n

<\/div>\n
<\/div>\n

RR\u00cbZIMI I \u201cPATHYESHM\u00cbRIS\u00cb\u201d S\u00cb KRYEMINISTRIT N\u00cb PARLAMENT DHE QEVERI TEKNIKE PARA ZGJEDHJEVE<\/strong><\/p>\n

Ndryshimet kushtetuese t\u00eb vitit 2008 e forcuan shum\u00eb pozit\u00ebn e kryeministrit, duke e b\u00ebr\u00eb at\u00eb pothuajse t\u00eb parr\u00ebzuesh\u00ebm n\u00eb parlament. N\u00eb rastin mocioni mosbesimi ndaj shefit t\u00eb ekzekutivit, nism\u00ebtar\u00ebt jan\u00eb t\u00eb detyruar q\u00eb t\u00eb propozojn\u00eb nj\u00ebkoh\u00ebsisht nj\u00eb kryeminist\u00ebr t\u00eb ri, gj\u00eb q\u00eb e b\u00ebn praktikisht t\u00eb pamundur suksesin p\u00ebr ta rr\u00ebzuar n\u00eb parlament qeverin\u00eb. Po ashtu, n\u00eb rast mocioni besimi, kryeministri e \u00e7on vendin direkt n\u00eb zgjedhje, duke i dh\u00ebn\u00eb atij nj\u00eb pushtet shum\u00eb t\u00eb fort\u00eb n\u00eb raport me parlamentin. Argumenti q\u00eb k\u00ebto ndryshime do t\u2019i sh\u00ebrbenin stabilitetit politik t\u00eb vendit nuk q\u00ebndrojn\u00eb, sepse p\u00ebrvoja 11 vje\u00e7are ka treguar se ato u keqp\u00ebrdor\u00ebn.
\nPrivilegjet kushtetuese p\u00ebr shefin e qeveris\u00eb duhet t\u00eb hiqen, n\u00eb m\u00ebnyr\u00eb q\u00eb, n\u00eb rast se kryeministri rr\u00ebzohet me mocion, parlamenti t\u00eb ket\u00eb mund\u00ebsin\u00eb t\u00eb krijoj\u00eb nj\u00eb shumic\u00eb t\u00eb re, si\u00e7 e kan\u00eb pothuajse t\u00eb gjitha vendet demokratike t\u00eb bot\u00ebs.
\nNd\u00ebrkoh\u00eb, t\u00eb sanksionohet n\u00eb kushtetut\u00eb dhe n\u00eb Kodin Zgjedhor q\u00eb 100 dit\u00eb para zgjedhjeve kryeministri jep dor\u00ebheqjen dhe vendi drejtohet nga nj\u00eb qeveri teknike. Nj\u00eb gj\u00eb e till\u00eb do t\u00eb rris\u00eb besueshm\u00ebrin\u00eb procesit dhe do t\u2019i jap\u00eb fund debatit mes mazhoranc\u00ebs dhe opozit\u00ebs p\u00ebr rolin e kryeministrit n\u00eb manipulimin e zgjedhjeve.
\nN\u00eb m\u00ebnyr\u00eb q\u00eb t\u00eb shmangen kund\u00ebrshtit\u00eb mes pal\u00ebve p\u00ebr emrin e kryeministrit teknik, t\u00eb caktohet paraprakisht nj\u00eb funksionar i lart\u00eb, q\u00eb kryen p\u00ebrkoh\u00ebsisht funksionet e drejtimit t\u00eb qeveris\u00eb tranzitore, fjala vjen kryetari i Gjykat\u00ebs Kushtetuese.<\/p>\n

KUFIZIMI I MANDATEVE T\u00cb KRYEMINISTRIT (OPSIONALE)<\/strong><\/p>\n

P\u00ebrvoja gati 30 vje\u00e7are e tranzicionit n\u00eb Shqip\u00ebri na ka m\u00ebsuar se kufizimi \u00ebsht\u00eb i vetmi element frenues, q\u00eb mund ta zbus\u00eb ambicien e politik\u00ebs p\u00ebr t\u00eb zgjeruar pushtetin e vet. Dhe q\u00eb prej vitit 1998, kur u miratua n\u00eb m\u00ebnyr\u00eb t\u00eb nj\u00ebnashmme kushtetuta, ne e kemi t\u00eb identifikuar edhe me ligj kryeministrin si bart\u00ebsin m\u00eb t\u00eb madh t\u00eb pushtetit n\u00eb k\u00ebt\u00eb vend.
\nNuk do t\u00eb ishte ndonj\u00eb humbje e madhe p\u00ebr kombin, n\u00eb rast se mandatin e shefit t\u00eb qeveris\u00eb e kufizonim, n\u00eb jo m\u00eb shum\u00eb se dy her\u00eb. Shembulli i Amerik\u00ebs \u00ebsht\u00eb m\u00ebse i mjaftuesh\u00ebm p\u00ebr ta konsideruar si nj\u00eb histori bot\u00ebrore suksesi, q\u00eb praktikohet prej m\u00ebse 200 vjet\u00ebsh.
\nKjo do ta detyronte politikanin q\u00eb t\u00eb p\u00ebrgatitej edhe p\u00ebr t\u00eb l\u00ebn\u00eb detyr\u00ebn, madje duke projektuar edhe pasardh\u00ebsin e vet dhe duke e b\u00ebr\u00eb t\u00eb detyruesh\u00ebm qarkullimin e elitave n\u00eb partit\u00eb apo koalicionet qeveris\u00ebse. Nj\u00ebkoh\u00ebsisht, kufizimi i mandateve do ta zbehte n\u00eb nj\u00eb mas\u00eb t\u00eb konsiderueshme prirjen dhe bab\u00ebzin\u00eb e t\u00eb par\u00ebve n\u00eb Shqip\u00ebri p\u00ebr t\u00eb kontrolluar gjith\u00e7ka dhe mund\u00ebsisht p\u00ebrgjithmon\u00eb.
\nProblemi i k\u00ebtij propozimi do t\u00eb ishte fakti se \u00ebsht\u00eb nj\u00eb praktik\u00eb q\u00eb nuk ekziston n\u00eb asnj\u00eb vend t\u00eb Europ\u00ebs, ndaj do t\u00eb ishte e v\u00ebshtir\u00eb q\u00eb t\u00eb gjente p\u00ebrkrahje. Por ai ka parasysh kushtet shum\u00eb specifike t\u00eb Shqip\u00ebri dhe kriz\u00ebn e thell\u00eb politike t\u00eb saj.<\/p>\n

VOTIMI I DETYRUESH\u00cbM DO TA RRISTE PRESIONIN E QYTETARIT MBI QEVERIN\u00cb DHE MBI POLITIK\u00cbN N\u00cb PERGJITH\u00cbSI<\/strong><\/p>\n

N\u00eb kushtet e rritjes s\u00eb depresionit q\u00eb vjen nga pamund\u00ebsia e zgjedh\u00ebsve p\u00ebr t\u00eb ndikuar n\u00eb vendimmarrjen politike dhe sidomos nga pafuqia p\u00ebr t\u00eb ndryshuar systemin e mbyllur t\u00eb partitokracis\u00eb, votimi i detyruesh\u00ebm mund t\u00eb ishte leht\u00ebsues. Kjo do t\u2019i jepte fund debatit p\u00ebr qeverisje arrogante t\u00eb pakic\u00ebs, q\u00eb kulmoi sidomos pas zgjedhjeve t\u00eb fundit lokale. Por mbi t\u00eb gjitha do ta ulte shum\u00eb sigurin\u00eb e t\u00eb m\u00ebdhenjve se jan\u00eb t\u00eb pathyesh\u00ebm dhe t\u00eb pakonkurruesh\u00ebm, sepse logjika e do q\u00eb do t\u00eb futej n\u00eb fush\u00eb zgjedh\u00ebsi i fjetur, q\u00eb e ka b\u00ebre zakon t\u00eb mos votoj\u00eb, kryesisht p\u00ebr shkak t\u00eb zhg\u00ebnjimit t\u00eb p\u00ebsuar prej tyre.
\nPraktikisht, n\u00eb kushtet e munges\u00ebs s\u00eb t\u00eb m\u00ebrziturve nga politika n\u00eb zgjedhje, qeverisjen e p\u00ebrcaktojn\u00eb kryesisht militant\u00ebt e partive, t\u00eb cil\u00ebt jan\u00eb pjesa m\u00eb e infektuar e shoq\u00ebris\u00eb nga s\u00ebmundjet e tranzicionit. Natyrisht, nuk e kan\u00eb ata p\u00ebrgjegj\u00ebsin\u00eb p\u00ebr k\u00ebt\u00eb, por ata q\u00eb l\u00ebvizin fijet e k\u00ebtij sistemi t\u00eb kalbur.
\nNd\u00ebrkoh\u00eb, futja n\u00eb zgjedhje e t\u00eb gjith\u00eb korpusit elektoral t\u00eb vendit do t\u00eb inkurajonte shum\u00eb krijimin e formacioneve t\u00eb reja politike, t\u00eb cilat sistemi aktual i frenon apo i penalizon q\u00eb n\u00eb lindje. Kjo do t\u00eb shtonte ofertat politike n\u00eb treg dhe mbi t\u00eb gjitha do t\u00eb rriste shum\u00eb konkurrenc\u00ebn, duke i detyruar sulltan\u00ebt e sot\u00ebm t\u00eb partive t\u00eb m\u00ebdha q\u00eb t\u00eb nxisin dhe t\u00eb promovojn\u00eb m\u00eb t\u00eb aft\u00ebt brenda organizatave t\u00eb tyre politike. Por mbi t\u00eb gjitha, do t\u00eb minimizonte n\u00eb maksimum shitblerjen e vot\u00ebs, e cila n\u00eb nj\u00eb mas\u00eb t\u00eb madhe t\u00eb saj aplikohet n\u00eb form\u00ebn q\u00eb kund\u00ebrshtar\u00ebt politik\u00eb t\u00eb mos shkojn\u00eb p\u00ebr t\u00eb votuar kundrejt pages\u00ebs.
\nAplikimi i tij duhet t\u00eb shkoj\u00eb paralelisht me votimin e emigrant\u00ebve, nj\u00eb \u00e7\u00ebshtje sensitive dhe e pazgjidhur, e cila rikthehet dhe premtohet sa her\u00eb ka zgjedhje n\u00eb Shqip\u00ebri.
\nKjo natyrisht q\u00eb do t\u00eb ndizte debatin, n\u00ebse kjo mas\u00eb do t\u00eb ishte demokratike ose jo, por fakti q\u00eb e kan\u00eb disa vende te BE, nd\u00ebrkoh\u00eb q\u00eb Shqip\u00ebria ka shum\u00eb m\u00eb tep\u00ebr nevoj\u00eb se ato, besojm\u00eb q\u00eb \u00ebsht\u00eb argument i mjaftuesh\u00ebm p\u00ebr ta kap\u00ebrcyer. T\u00eb mos harrojm\u00eb, se jemi vendi i vet\u00ebm n\u00eb kontinent, q\u00eb ka nj\u00eb ligj p\u00ebr dekriminalizimin e politik\u00ebs dhe jo ndonj\u00eb kampion i lirive dhe i demokracis\u00eb, q\u00eb t\u2019i trembemi nj\u00eb debati p\u00ebr votimin e detyruar.
\nKy propozim nuk ka lidhje me bojkotin e zgjedhjeve t\u00eb 30 qershorit prej partive kryesore t\u00eb opozit\u00ebs, sepse mendojm\u00eb se ai ishte nj\u00eb rast unikal, q\u00eb nuk do t\u00eb p\u00ebrs\u00ebritet m\u00eb kurr\u00eb.<\/p>\n

TRANSPARENCA E FINANCIMEVE DHE ULJA E KOSTOS S\u00cb FUSHATAVE<\/strong><\/p>\n

Marr\u00ebveshja e famshme e 17 majit 2017 \u00ebsht\u00eb e gjitha p\u00ebr t\u2019u harruar, p\u00ebr shkak t\u00eb vendimeve q\u00eb mori dhe m\u00ebnyr\u00ebs se si u arrit. Madje me k\u00ebt\u00eb p\u00ebrfundim jan\u00eb dakord edhe dy protagonist\u00ebt, t\u00eb cil\u00ebt e kan\u00eb pranuar publikisht q\u00eb ajo ishte nj\u00eb gabim. Por e vetmja pik\u00eb pozitive e saj mund t\u00eb konsiderohet kufizimi i shpenzimeve p\u00ebr fushat\u00ebn zgjedhore, nj\u00eb vendim q\u00eb n\u00eb fakt u motivua nga probleme specifike t\u00eb atyre zgjedhjeve.
\nN\u00ebse ajo frym\u00eb reduktimi do t\u00eb ruhej p\u00ebr t\u00eb gjitha zgjedhjet, jo domosdoshm\u00ebrisht n\u00eb termat e marr\u00ebveshjes s\u00eb dikurshme, do t\u00eb ishte nj\u00eb gj\u00eb pozitive. Sepse, mbi t\u00eb gjitha do t\u00eb zbuste diferencat e st\u00ebrm\u00ebdha mes qeveris\u00eb dhe opozit\u00ebs n\u00eb start t\u00eb procesit dhe do ta \u00e7lironte apo pengonte politik\u00ebn nga borxhet paradh\u00ebnie me biznesin dhe me bot\u00ebn e err\u00ebt t\u00eb krimit apo t\u00eb informalitetit n\u00eb proceset tona zgjedhore.
\nFushatat tona jan\u00eb shum\u00eb t\u00eb kushtueshme, sepse mobilizojn\u00eb fonde t\u00eb m\u00ebdha, nga t\u00eb cilat vet\u00ebm nj\u00eb pjes\u00eb e vog\u00ebl deklarohet. N\u00ebse kontrolli forcohet nd\u00ebrkoh\u00eb q\u00eb shpenzimet kufizohen, mund\u00ebsia e qarkullimit t\u00eb parave t\u00eb zeza n\u00eb fushatat e zgjedhjeve tona do t\u00eb zvog\u00eblohej shum\u00eb. \u00cbsht\u00eb i nj\u00ebjti parim, sipas t\u00eb cilit ulja e taksave sjell m\u00eb pak informalitet.
\nNd\u00ebrkoh\u00eb, ligji duhet t\u00eb ket\u00eb p\u00ebrcaktime t\u00eb qarta p\u00ebr shpenzimet elektorale t\u00eb deputet\u00ebve, kryetar\u00ebve t\u00eb bashkive dhe k\u00ebshilltar\u00ebve, q\u00eb duhet t\u00eb kontrollohen nga nj\u00eb organ kompetent dhe i pavarur dhe duhet t\u00eb shoq\u00ebrohen me masa t\u00eb ashpra, t\u00eb cilat shkojn\u00eb nga gjoba t\u00eb r\u00ebnda, deri n\u00eb heqje mandati.<\/p>\n

DEPOLITIZIMI I ADMINISTRIMIT T\u00cb ZGJEDHJEVE DHE RIKTHIMI I KQZ-s\u00eb N\u00cb ORGAN KUSHTETUES<\/strong><\/p>\n

Shqip\u00ebria do t\u00eb jet\u00eb shum\u00eb larg zgjedhjeve t\u00eb lira, q\u00eb pretendon, n\u00ebse proceset zgjedhore do t\u00eb vijojn\u00eb t\u00eb administrohen nga militant\u00ebt e partive. \u00cbsht\u00eb tashm\u00eb fakt i njohur bot\u00ebrisht se k\u00ebta t\u00eb fundit jan\u00eb shnd\u00ebrruar n\u00eb grabit\u00ebs profesionist\u00eb dhe k\u00ebt\u00eb \u201caft\u00ebsi\u201d e kan\u00eb demonstruar n\u00eb shum\u00eb zgjedhje radhazi. Roli i tyre ka ardhur duke u rritur pas ndryshimeve kushtetuese t\u00eb vitit 2008, pasi ata u p\u00ebrshtat\u00ebn me shum\u00eb \u201cprofesionaliz\u00ebm\u201d me regjimin e kryetarokracis\u00eb.
\nNga ana tjet\u00ebr, \u00ebsht\u00eb e padrejt\u00eb q\u00eb p\u00ebrfaq\u00ebsuesit e 3 apo 4 partive t\u00eb num\u00ebrojn\u00eb votat e gjith\u00eb t\u00eb tjerave. N\u00eb disa procese radhazi \u00ebsht\u00eb provuar qart\u00eb se ata i cop\u00ebtojn\u00eb votat e m\u00eb vegj\u00eblve, t\u00eb cilat i ndajn\u00eb midis tyre, mjafton q\u00eb t\u00eb mos prishen rreshtimet e koalicioneve.
\nKjo armat\u00eb e kompromentuar komisioner\u00ebsh dhe numuruesish jan\u00eb shnd\u00ebrruar n\u00eb nj\u00eb problem t\u00eb madh edhe p\u00ebr vet\u00eb partit\u00eb q\u00eb p\u00ebrfaq\u00ebsojn\u00eb. Q\u00eb do t\u00eb thot\u00eb n\u00eb nj\u00eb kosto t\u00eb madhe edhe p\u00ebr vet\u00eb fituesit dhe humb\u00ebsit e m\u00ebdhenj t\u00eb zgjedhjeve, q\u00eb jan\u00eb partit\u00eb kryesore n\u00eb Shqip\u00ebri. Duke filluar q\u00eb nga pagesa n\u00eb dor\u00eb p\u00ebr nj\u00eb sh\u00ebrbim publik t\u00eb shp\u00ebrblyer sipas ligjit nga shteti, i cili konsiderohet fare i pamjaftuesh\u00ebm, e deri tek privilegjet apo detyrimet politike ndaj tyre deri sa t\u00eb vijn\u00eb zgjedhjet e radh\u00ebs. Ka disa formula p\u00ebr kompozimin e komisioneve, por n\u00eb t\u00eb gjitha rastet ata q\u00eb do t\u00eb administrojn\u00eb zgjedhjet duhet t\u00eb caktohen me short nga nj\u00eb korpus i gj\u00ebr\u00eb me zyrtar\u00eb shtet\u00ebror\u00eb apo punonj\u00ebs publik\u00eb. Depolitizimi do ta \u00e7lironte procesin nga kriza dhe konflikte t\u00eb zakonshme politike dhe do t\u2019i jepte atij besueshm\u00ebri m\u00eb t\u00eb madhe.<\/p>\n

NUMURIMI I NJ\u00cbKOHSH\u00cbM DHE NXJERRJA E SHPEJT\u00cb E REZULTATIT (VOTIMI ELEKTRONIK, M\u00cb I PREFERUARI)<\/strong><\/p>\n

Num\u00ebrimi i nj\u00ebkohsh\u00ebm i votave duhet t\u00eb jet\u00eb kushti i par\u00eb p\u00ebr t\u00eb pasur zgjedhje normale edhe n\u00eb Shqip\u00ebri, ashtu si n\u00eb t\u00eb gjith\u00eb rajonin. Ka dy m\u00ebnyra p\u00ebr ta zgjidhur k\u00ebt\u00eb, me num\u00ebrim elektronik ose me numurim n\u00eb qendrat e votimit. Ne do t\u00eb preferonim votimin elektronik me identifikim biometrik t\u00eb zgjedh\u00ebsit, si m\u00eb i sigurt dhe m\u00eb i pamanipuluesh\u00ebm, por edhe kthimi, si\u00e7 ka qen\u00eb p\u00ebrpara vitit 2000, do t\u00eb ishte gjith\u00ebsesi nj\u00eb zgjidhje m\u00eb e mir\u00eb.
\nVotimi dhe numurimi elektronik do t\u00eb reduktonte shum\u00eb edhe debatin p\u00ebr depolitizimin e komisioneve zgjedhore, pasi do t\u00eb zvog\u00eblonte interesin e partive p\u00ebr t\u00eb pasur njer\u00ebzit e tyre atje.
\nNumurimi i zgjatur dhe jo i nj\u00ebkohsh\u00ebm i demotivon humb\u00ebsit, t\u00eb cil\u00ebt e l\u00ebshojn\u00eb kontrollin mbi pjes\u00ebn e mbetur t\u00eb procesit dhe inkurajon ata q\u00eb kan\u00eb fituar, t\u00eb cil\u00ebt e zmadhojn\u00eb thesin e votave t\u00eb tyre, duke e deformuar shum\u00eb rezultatin.
\nRasti m\u00eb i fresk\u00ebt dhe m\u00eb af\u00ebr nesh ishin zgjedhjet e Kosov\u00ebs, ku rezultati pothuajse final doli vet\u00ebm pak or\u00eb pas mbylljes s\u00eb kutive t\u00eb votimit. Nd\u00ebrkoh\u00eb q\u00eb n\u00eb zgjedhjet tona dalja e rezultatit kalon n\u00ebp\u00ebr nj\u00eb kalvari t\u00eb gjat\u00eb dhe cfilit\u00ebs p\u00ebr t\u00eb gjith\u00eb protagonist\u00ebt e procesit.<\/p>\n

SI P\u00cbRFUNDIM<\/strong><\/p>\n

Ky dokument \u00ebsht\u00eb thjesht nj\u00eb koncept, i cili mund t\u00eb plot\u00ebsohet dhe t\u00eb konkretizohet n\u00eb terma juridik\u00eb, p\u00ebr t\u00eb qen\u00eb m\u00eb i plot\u00eb dhe i detajuar. Ne ftojm\u00eb t\u00eb gjith\u00eb forcat politike dhe aktor\u00ebt e tjer\u00eb t\u00eb interesuar q\u00eb t\u00eb marrin pjes\u00eb n\u00eb debatin p\u00ebr reform\u00ebn zgjedhore, si nj\u00eb kontribut real p\u00ebr zgjidhjen e kriz\u00ebs politike n\u00eb Shqip\u00ebri.
\nNj\u00eb kopje e k\u00ebtij propozimi u dor\u00ebzua n\u00eb Komisionin e Posa\u00e7\u00ebm Parlamentar t\u00eb Reform\u00ebs Zgjedhore.<\/p>","protected":false},"excerpt":{"rendered":"

Kreu i Partis\u00eb Bindja Demokratike, Astrit Patozi, ka zbardhur n\u00eb nj\u00eb postim t\u00eb gjat\u00eb n\u00eb facebook, propozimet e partis\u00eb q\u00eb drejton p\u00ebr reform\u00ebn zgjedhore. \u201cNe mendojm\u00eb se sistemi aktual politik e ka goditur fort demokracin\u00eb, n\u00eb radh\u00eb t\u00eb par\u00eb brenda partive politike, dhe kjo ka shkaktuar pasoja t\u00eb r\u00ebnda n\u00eb gjith\u00eb shoq\u00ebrin\u00eb shqiptare. \u00cbsht\u00eb nj\u00eb […]<\/p>\n","protected":false},"author":2013,"featured_media":111468,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[241,235],"tags":[],"class_list":{"0":"post-111467","1":"post","2":"type-post","3":"status-publish","4":"format-standard","5":"has-post-thumbnail","7":"category-aktualitet","8":"category-vendi"},"_links":{"self":[{"href":"https:\/\/zjarr.tv\/en\/wp-json\/wp\/v2\/posts\/111467","targetHints":{"allow":["GET"]}}],"collection":[{"href":"https:\/\/zjarr.tv\/en\/wp-json\/wp\/v2\/posts"}],"about":[{"href":"https:\/\/zjarr.tv\/en\/wp-json\/wp\/v2\/types\/post"}],"author":[{"embeddable":true,"href":"https:\/\/zjarr.tv\/en\/wp-json\/wp\/v2\/users\/2013"}],"replies":[{"embeddable":true,"href":"https:\/\/zjarr.tv\/en\/wp-json\/wp\/v2\/comments?post=111467"}],"version-history":[{"count":0,"href":"https:\/\/zjarr.tv\/en\/wp-json\/wp\/v2\/posts\/111467\/revisions"}],"wp:featuredmedia":[{"embeddable":true,"href":"https:\/\/zjarr.tv\/en\/wp-json\/wp\/v2\/media\/111468"}],"wp:attachment":[{"href":"https:\/\/zjarr.tv\/en\/wp-json\/wp\/v2\/media?parent=111467"}],"wp:term":[{"taxonomy":"category","embeddable":true,"href":"https:\/\/zjarr.tv\/en\/wp-json\/wp\/v2\/categories?post=111467"},{"taxonomy":"post_tag","embeddable":true,"href":"https:\/\/zjarr.tv\/en\/wp-json\/wp\/v2\/tags?post=111467"}],"curies":[{"name":"wp","href":"https:\/\/api.w.org\/{rel}","templated":true}]}}