{"id":112183,"date":"2019-11-04T14:30:44","date_gmt":"2019-11-04T13:30:44","guid":{"rendered":"https:\/\/zjarr.tv\/?p=112183"},"modified":"2019-11-04T14:30:44","modified_gmt":"2019-11-04T13:30:44","slug":"erion-veliaj-e-ben-fakt-te-kryer-ne-janar-prishet-teatri-dhe-nisin-ndertimet-protesta-ishte-argetuese","status":"publish","type":"post","link":"https:\/\/zjarr.tv\/en\/erion-veliaj-e-ben-fakt-te-kryer-ne-janar-prishet-teatri-dhe-nisin-ndertimet-protesta-ishte-argetuese\/","title":{"rendered":"Erion Veliaj e b\u00ebn fakt t\u00eb kryer: N\u00eb janar prishet Teatri dhe nisin nd\u00ebrtimet, protesta ishte arg\u00ebtuese!"},"content":{"rendered":"

Kryebashkiaku Erion Veliaj ka deklaruar se nd\u00ebrtimi i Teatrit t\u00eb ri Komb\u00ebtar do t\u00eb filloj\u00eb n\u00eb fillim t\u00eb 2020-\u00ebs. N\u00eb nj\u00eb\u00a0intervist\u00eb\u00a0p\u00ebr gazetarin Daniel McLaughlin nga Irish Times, Veliaj tha:<\/p>\n

\u201cI dua shum\u00eb debatet. Por gjithashtu e kuptoj se ka nj\u00eb moment p\u00ebr t\u00eb marr\u00eb nj\u00eb vendim dhe p\u00ebr t\u00eb ecur m\u00eb tej \u2026 Mendoj se me shum\u00eb mund\u00ebsi do t\u00eb fillojm\u00eb nd\u00ebrtimin e teatrit t\u00eb ri n\u00eb fillim t\u00eb vitit t\u00eb ardhsh\u00ebm.\u201d<\/p>\n

Veliaj akuzoi dhe opozit\u00ebn se duke mbrojtur Teatrin Komb\u00ebtar, po p\u00ebrpiqet t\u00eb pengoj\u00eb zhvillimin e qytetit:<\/p>\n

\n
<\/p>\n
<\/div>\n

<\/ins><\/div>\n<\/div>\n

\u201cKy [Teatri Komb\u00ebtar] \u00ebsht\u00eb beteja e fundit p\u00ebr ta. Kur ta humbasin at\u00eb, do t\u00eb hyjn\u00eb n\u00eb histori si ata q\u00eb nuk b\u00ebn\u00eb asgj\u00eb kur kishin qytetin dhe q\u00eb u p\u00ebrpoq\u00ebn t\u00eb ndalonin gjith\u00e7ka kur t\u00eb tjer\u00ebt kishin drejtimin e qytetit.\u201d<\/p>\n

N\u00eb fakt, shembjen e Teatrit Komb\u00ebtar dhe dh\u00ebnien e tok\u00ebs publike n\u00eb qend\u00ebr t\u00eb qytetit nj\u00eb kompanie private p\u00ebr nd\u00ebrtimin e disa kullave, prej gati 20 muajsh\u00a0po kund\u00ebrshtohet\u00a0nga artist\u00eb, aktivist\u00eb e qytetar\u00eb jo vet\u00ebm shqiptar\u00eb por dhe t\u00eb huaj, si dhe nga opozita. Ish-ministrja e Arsimit Mirela Karabina deklaroi p\u00ebr Irish Times:<\/p>\n

\u201cKjo \u00ebsht\u00eb protesta e par\u00eb e k\u00ebtij lloji dhe p\u00ebrmase n\u00eb Shqip\u00ebri. Ne jemi k\u00ebtu p\u00ebr t\u00eb nd\u00ebrtuar demokracin\u00eb ton\u00eb dhe p\u00ebr t\u2019u treguar qytetar\u00ebve shqiptar\u00eb se n\u00ebse di\u00e7ka nuk \u00ebsht\u00eb n\u00eb rregull, duhet t\u00eb veprojm\u00eb.\u201d<\/p>\n

Veliaj i quajti debatin publik e kund\u00ebrshtit\u00eb e qytetar\u00ebve si \u201carg\u00ebtues\u201d, nd\u00ebrsa nd\u00ebrtimet gjithnj\u00eb e n\u00eb rritje n\u00eb Tiran\u00eb dhe zhvillimin plot drithije t\u00eb qytetit si \u201cfaz\u00eb eksperimentuese\u201d.<\/p>\n

Gazetari McLaughlin shkruan n\u00eb Bashkimi Europian ka shprehur shqet\u00ebsimet e tij p\u00ebr krimin dhe korrupsionin n\u00eb Shqip\u00ebri dhe\u00a0nuk pranoi\u00a0t\u00eb hap\u00eb negociatat p\u00ebr an\u00ebtar\u00ebsimin e vendit n\u00eb BE.<\/p>\n

P\u00ebr m\u00eb tep\u00ebr, duke shfryt\u00ebzuar munges\u00ebn e Gjykat\u00ebs Kushtetuese, qeveria Rama miratoi nj\u00eb\u00a0\u2018ligj special\u2019\u00a0p\u00ebr t\u00eb leht\u00ebsuar procedur\u00ebn p\u00ebr kalimin e pron\u00ebs publike tek kompania private. Kompania Fusha shpk, e cila\u00a0pritet\u00a0t\u00eb fitoj\u00eb tenderin, fituesi i t\u00eb cilit nuk \u00ebsht\u00eb shpallur ende\u00a0n\u00eb shkelje t\u00eb afateve, ka paguar koh\u00ebt e fundit p\u00ebr udh\u00ebtimin luksoz t\u00eb \u00a0n\u00ebnkryetarit t\u00eb Bashkis\u00eb s\u00eb Tiran\u00ebs, Arbian Mazniku.<\/p>\n

Por Veliaj k\u00ebmb\u00ebngul se si \u201cprojekti p\u00ebr teatrin, ashtu dhe projekte t\u00eb tjera n\u00eb qytet jan\u00eb t\u00eb pastra dhe do t\u2019i rezistojn\u00eb kund\u00ebrshtimeve t\u00eb armiqve politik\u00eb\u201d.\/Exit<\/p>\n

\n
\n
\n