{"id":112768,"date":"2019-11-07T22:40:56","date_gmt":"2019-11-07T21:40:56","guid":{"rendered":"https:\/\/zjarr.tv\/?p=112768"},"modified":"2019-11-07T15:49:40","modified_gmt":"2019-11-07T14:49:40","slug":"kampet-torturuese-te-refugjateve-ne-bosnje-hercegovine","status":"publish","type":"post","link":"https:\/\/zjarr.tv\/en\/kampet-torturuese-te-refugjateve-ne-bosnje-hercegovine\/","title":{"rendered":"Kampet torturuese t\u00eb refugjat\u00ebve n\u00eb Bosnj\u00eb-Hercegovin\u00eb"},"content":{"rendered":"

Autoritetet e Bosnj\u00eb-Hercegovin\u00ebs nuk kan\u00eb gjetur ende ndonj\u00eb zgjidhje p\u00ebr mij\u00ebra refugjat\u00eb, sa jan\u00eb grumbulluar n\u00eb kufirin me Kroacin\u00eb. Nd\u00ebrkoh\u00eb q\u00eb numri po shtohet nga dita n\u00eb dit\u00eb.<\/p>\n

Sa migrant\u00eb ka aktualisht n\u00eb Bosnj\u00eb-Hercegovin\u00eb, n\u00eb af\u00ebrsi t\u00eb kurfirit me Bashkimin Evropian, nuk e di askush. Dihet vet\u00ebm, se jan\u00eb me mij\u00ebra dhe se shum\u00eb prej tyre jan\u00eb t\u00eb s\u00ebmur\u00eb. \u00cbsht\u00eb vet\u00ebm \u00e7\u00ebshtje kohe se kur do t\u00eb shp\u00ebrthej\u00eb hapur pak\u00ebnaq\u00ebsia dhe gjendja t\u00eb p\u00ebrshkall\u00ebzohet. Kapacitetet p\u00ebr pranimin e refugjat\u00ebve n\u00eb Bosnj\u00eb-Hercegovin\u00eb (B-H) jan\u00eb mbushur kaher\u00eb. Me 15 n\u00ebntor skadojn\u00eb edhe kontratat p\u00ebr dy qendrat m\u00eb t\u00eb m\u00ebdha t\u00eb refugjat\u00ebve\u00a0 – Bira dhe Miral n\u00eb Bihaq dhe Velika Kladush\u00eb, t\u00eb n\u00ebnshkruara me Organizat\u00ebn Nd\u00ebrkomb\u00ebtare p\u00ebr Migrime (IOM). Rreth 2000 migrant\u00eb duhet t\u00eb largohen nga k\u00ebto vende deri nga fundi i vjesht\u00ebs.<\/p>\n

<\/div>\n

“Qendrat e tanishme nuk kan\u00eb pasur kurr\u00eb p\u00eblqimin ton\u00eb. Ato duhet t\u00eb mbyllen dhe t\u00eb transferohen n\u00eb vende t\u00eb pabanuara”, thot\u00eb Mustafa Ruzhniq, kryeminist\u00ebr i kantonit Una-Sana, n\u00eb af\u00ebrsi t\u00eb kufirit me Kroacin\u00eb, ku b\u00ebjn\u00eb pjes\u00eb edhe qytetet Bihaq dhe Velika Kladusha. Migrant\u00ebt duhet t\u00eb zhvendosen n\u00eb vende t\u00eb tjera, nd\u00ebr to edhe n\u00eb Vu\u00e7jak.<\/p>\n

S\u00ebmundje t\u00eb\u00a0shumta – pa mjekime<\/p>\n

Situata n\u00eb qendr\u00ebn Vu\u00e7jak \u00ebsht\u00eb alarmante. N\u00eb disa tenda jan\u00eb vendosur rreth 800 njer\u00ebz, shumica nga Siria, Pakistani dhe Afganistani. Nuk ka rrym\u00eb, nuk ka uj\u00eb t\u00eb\u00a0pijsh\u00ebm. Shum\u00eb prej tyre kan\u00eb s\u00ebmundje infektive, hepatitis dhe infektime t\u00eb tjera. Aktualisht vet\u00ebm dy her\u00eb n\u00eb jav\u00eb vjen k\u00ebtu mjeku p\u00ebr vizit\u00eb – vet\u00ebm dy or\u00eb. Nj\u00eb pjes\u00eb e spitalit n\u00eb Bihaq \u00ebsht\u00eb hapur p\u00ebr rastet m\u00eb t\u00eb r\u00ebnda, por shum\u00eb migrant\u00eb nuk mund t\u00eb marrin trajtim mjek\u00ebsor, p\u00ebr shkak t\u00eb kapaciteteve t\u00eb vogla.<\/p>\n

Organet lokale t\u00eb mbrojtjes nga katastrofat thon\u00eb, se n\u00eb rajonin e kufirit me Kroacin\u00eb jan\u00eb vendosur edhe mij\u00ebra migrant\u00eb t\u00eb tjer\u00eb, t\u00eb cil\u00ebt \u00e7do nat\u00eb p\u00ebrpiqen t\u00eb kalojn\u00eb nga B-H n\u00eb Kroaci\u00a0 – t\u00eb futen n\u00eb territorin e Bashkimit Evropian. Shum\u00eb pak prej tyre v\u00ebrtet ia dalin. T\u00eb tjer\u00ebve organet kroate ua marrin parat\u00eb, telefonat dhe k\u00ebpuc\u00ebt. Disa prej tyre edhe i rrahin. Dhe m\u00eb pas i kthejn\u00eb n\u00eb B-H. “Push Backs” quhet kjo, q\u00eb sipas t\u00eb drejt\u00ebs evropiane dhe nd\u00ebrkomb\u00ebtare \u00ebsht\u00eb juridikisht ilegale.<\/p>\n

“Un\u00eb kam provuar shtat\u00eb her\u00eb t\u00eb dal andej dhe nuk do t\u00eb heq\u00eb dor\u00eb”, thot\u00eb nj\u00eb migrant nga Pakistani. “Kushtet p\u00ebr jet\u00eb k\u00ebtu jan\u00eb katastrofale, nj\u00eb koh\u00eb t\u00eb gjat\u00eb nuk kemi pasur as uj\u00eb p\u00ebr pije, nd\u00ebrsa mbeturinat nuk i ka hequr askush. Pse po na trajtojn\u00eb k\u00ebshtu, edhe ne jemi njer\u00ebz si ju? Pse nuk po na ofron askush vendstrehim p\u00ebr koh\u00eb q\u00eb jemi k\u00ebtu? Askush nuk do q\u00eb t\u00eb mbetet k\u00ebtu p\u00ebrgjithmon\u00eb.”<\/p>\n

Mund\u00ebsit\u00eb e kufizuara<\/p>\n

“Ne u kemi dh\u00ebn\u00eb migrant\u00ebve batanije dhe thas\u00eb p\u00ebr fjetje, ato q\u00eb kemi pasur”, thot\u00eb Selam Mixhiq, nga autoritetet e Bihaqit p\u00ebr mbrojtje n\u00eb situatat e katastrof\u00ebs. “Problemi \u00ebsht\u00eb se \u00e7do dit\u00eb k\u00ebtu n\u00eb Vu\u00e7jak vijn\u00eb njer\u00ebz t\u00eb tjer\u00eb. Kushtet jan\u00eb shum\u00eb t\u00eb k\u00ebqija. Koha \u00ebsht\u00eb e ftoht\u00eb, ka lag\u00ebshti dhe shum\u00eb t\u00eb s\u00ebmur\u00eb. Mund\u00ebsit\u00eb tona jan\u00eb t\u00eb kufizuara. Kampi duhet t\u00eb mbyllet sa m\u00eb par\u00eb.”<\/p>\n

Zyrtarisht nuk ka shifra p\u00ebr numrin e migrant\u00ebve n\u00eb B-H. Por vler\u00ebsohet se k\u00ebtu jan\u00eb rreth 7.000 persona – rreth 5.000 prej tyre n\u00eb kantonin Una-Sana. Deri k\u00ebtu ata kan\u00eb mb\u00ebrritur p\u00ebrmes Turqis\u00eb, Greqis\u00eb, Serbis\u00eb e deri n\u00eb B-H. Ata kan\u00eb kaluar lumin Drina af\u00ebr Loznic\u00ebs. Nuk dihet se sa prej tyre jan\u00eb mbytur n\u00eb lum gjat\u00eb p\u00ebrpjekjes p\u00ebr t\u00eb kaluar lumin. Por n\u00eb k\u00ebt\u00eb rajon \u00ebsht\u00eb shtuar numri i varrezave me emrin “NN”. N\u00eb varreza shkruan vet\u00ebm nj\u00eb dat\u00eb.<\/p>\n

Stacioni i par\u00eb ku vijn\u00eb ata \u00ebsht\u00eb qyteti Tuzla. Por edhe autoritetet atje jan\u00eb t\u00eb mbingarkuara. Shum\u00eb migrant\u00eb n\u00eb Tuzl\u00eb flen\u00eb n\u00eb rrug\u00eb. Asnj\u00eb prej tyre nuk d\u00ebshiron t\u00eb mbetet k\u00ebtu. Migrant\u00eb ka edhe n\u00eb vende t\u00eb tjera t\u00eb B-H, por m\u00eb pak. N\u00eb nj\u00eb fshat n\u00eb jug t\u00eb B-H \u00ebsht\u00eb vrar\u00eb nj\u00eb marokan, gjat\u00eb p\u00ebrpjekjes p\u00ebr t’u futur n\u00eb nj\u00eb sht\u00ebpi t\u00eb pabanuar. Net\u00ebt n\u00eb B-H jan\u00eb shum\u00eb t\u00eb ftohta. Nd\u00ebrsa dimri po vjen.<\/p>\n

Para ka, por askush nuk do t’i pranoj\u00eb migrant\u00ebt<\/p>\n

Shkaku i d\u00ebshtimit t\u00eb autoriteteve t\u00eb B-H q\u00eb t\u00eb p\u00ebrballen me problemin e migrant\u00ebve \u00ebsht\u00eb mungesa e koordinimit mes autoriteteve qendrore dhe lokale n\u00eb vend. Thuhet se para p\u00ebr ndihma ka, por nuk ka marr\u00ebveshje, se si t\u00eb zgjidhet ky problem. P\u00ebr momentin asnj\u00eb komun\u00eb apo bashki nuk do t’i pranoj\u00eb ata n\u00eb territorin e vet.<\/p>\n

\n
\n
\n