{"id":122087,"date":"2020-02-14T15:24:52","date_gmt":"2020-02-14T14:24:52","guid":{"rendered":"https:\/\/zjarr.tv\/?p=122087"},"modified":"2020-02-14T15:24:52","modified_gmt":"2020-02-14T14:24:52","slug":"rritja-e-cmimeve-nga-kompanite-celulare-vasili-qeveria-ne-krah-te-monopoleve-dhe-kunder-qytetareve","status":"publish","type":"post","link":"https:\/\/zjarr.tv\/en\/rritja-e-cmimeve-nga-kompanite-celulare-vasili-qeveria-ne-krah-te-monopoleve-dhe-kunder-qytetareve\/","title":{"rendered":"Rritja e \u00e7mimeve nga kompanit\u00eb celulare, Vasili: Qeveria ne krah t\u00eb monopoleve dhe kund\u00ebr qytetar\u00ebve"},"content":{"rendered":"
\n

N\u00ebnkryetari i LSI Petrit Vasili ka dal\u00eb n\u00eb nj\u00eb komunikim me median gjat\u00eb dit\u00ebs s\u00eb stome ku ka akuzuar qeverin\u00eb p\u00ebr p\u00ebrkrahje t\u00eb monopoleve dhe mb\u00ebshtejen e saj p\u00ebr rritjen e \u00e7mimit t\u00eb sherbimeve t\u00eb telefonis\u00eb celulare.<\/p>\n

\u201cSigurisht nj\u00eb veprim i till\u00eb, kryhet sepse drejtuesit e kompanive celulare jan\u00eb shum\u00eb t\u00eb qet\u00eb q\u00eb qeveria nuk \u00ebsht\u00eb kurr\u00eb pengesa e tyre por \u00ebsht\u00eb n\u00eb krah t\u00eb tyre dhe nuk b\u00ebn asgj\u00eb p\u00ebr mbrojtjen e intereasve te qytetar\u00ebve\u201d, thja Vasili.<\/p>\n

Deklarata e plot\u00eb e N\u00ebnkryetarit t\u00eb LSI-s\u00eb, Petrit Vasili.<\/strong><\/p>\n

Shqiptar\u00ebt jan\u00eb p\u00ebrballur k\u00ebto dit\u00eb me nj\u00eb rritje t\u00eb menj\u00ebhershme t\u00eb tarifave t\u00eb telefonis\u00eb celulare t\u00eb kryera nga disa kompani nj\u00ebher\u00ebsh, deri n\u00eb 15-20% t\u00eb \u00e7mimit dhe dyfishimin e vler\u00ebs minimale t\u00eb rimbushjes nga 1 mij\u00eb lek\u00eb n\u00eb 2 mij\u00eb lek\u00eb t\u00eb vjetra<\/p>\n

Kjo rritje e tarifave b\u00ebhet n\u00eb m\u00ebnyr\u00eb t\u00eb menj\u00ebhershme, pa asnj\u00eb paralajm\u00ebrim dhe pa dh\u00ebn\u00eb asnj\u00eb arsye.<\/p>\n

Fakti q\u00eb k\u00ebto rritje tarfiash b\u00ebhen m\u00ebnjeher\u00eb dhe t\u00eb gjitha kompanit\u00eb ofrojn\u00eb t\u00eb nj\u00ebjtat paketa, me t\u00eb nj\u00ebjtat \u00e7mime dhe t\u00eb nj\u00ebjtat rritje, tregon q\u00eb kemi t\u00eb b\u00ebjm\u00eb me nj\u00eb marr\u00ebveshje t\u00eb karakterit monopolist n\u00eb d\u00ebm t\u00eb qytetar\u00ebve dhe me garancin\u00eb q\u00eb kjo do t\u00eb jet\u00eb e paprekshme nga ana e qeveris\u00eb.<\/p>\n

Nj\u00eb veprim i till\u00eb sigurisht i kryer n\u00eb k\u00ebt\u00eb form\u00eb dhe n\u00eb k\u00ebt\u00eb mas\u00eb, \u00ebsht\u00eb nj\u00eb veprim i r\u00ebnd\u00eb q\u00eb u bie ndesh interesave t\u00eb gjith\u00eb shqiptar\u00ebve.<\/p>\n

Ky \u00ebsht\u00eb nj\u00eb abuzim me nj\u00eb sh\u00ebrbim jetik pa t\u00eb cil\u00ebt shqiptar\u00ebt nuk b\u00ebjn\u00eb dot dhe q\u00eb lidhet jo vet\u00ebm me pun\u00ebn e tyre por edhe me raportet familjare e n\u00eb m\u00ebnyr\u00eb t\u00eb ve\u00e7ant\u00eb t\u00eb lidhjes q\u00eb mij\u00ebra shqiptar\u00eb brenda Shqip\u00ebris\u00eb kan\u00eb me mij\u00ebra e mij\u00ebra shqiptar\u00eb jasht\u00eb vendit.<\/p>\n

Kjo do t\u00eb thot\u00eb q\u00eb mij\u00ebra e mij\u00ebra prind\u00ebr t\u00eb detyrohen t\u00eb paguajn\u00eb shum\u00eb m\u00eb tep\u00ebr p\u00ebr t\u00eb komunikuar me f\u00ebmij\u00ebt e tyre q\u00eb nuk i shohin prej vitesh e q\u00eb roptohen e sakrifikojn\u00eb n\u00eb emigracion.<\/p>\n

Sigurisht nj\u00eb veprim i till\u00eb, kryhet sepse drejtuesit e kompanive celulare jan\u00eb shum\u00eb t\u00eb qet\u00eb q\u00eb qeveria nuk \u00ebsht\u00eb kurr\u00eb pengesa e tyre por \u00ebsht\u00eb n\u00eb krah t\u00eb tyre dhe nuk b\u00ebn asgj\u00eb p\u00ebr mbrojtjen e intereasve te qytetar\u00ebve.<\/p>\n

Kryeministri Edi Rama, i cili ka mbrojtur e ul\u00ebritur p\u00ebr oligark\u00ebt e koncesionet e tyre, nuk thot\u00eb asnj\u00eb fjal\u00eb p\u00ebr k\u00ebt\u00eb veprim q\u00eb monopolet e telefonis\u00eb celulare kryejn\u00eb n\u00eb d\u00ebm t\u00eb qytetar\u00ebve.<\/p>\n

Asnj\u00eb agjensi shtet\u00ebrore, qoft\u00eb AKEP, apo Autoriteti i Konkurenc\u00ebs nuk l\u00ebvizin gishtin dhe nuk reagojn\u00eb, a thua se kjo mas\u00eb ka t\u00eb b\u00ebj\u00eb me popuj t\u00eb tjer\u00eb mij\u00eba kilometra larg shqip\u00ebris\u00eb dhe jo vet\u00eb me shqiptar\u00ebt nga xhepat e t\u00eb cil\u00ebve do t\u00eb dalin miliona euro t\u00eb cilat do t\u00eb p\u00ebrvet\u00ebsohen nga kompanit\u00eb.<\/p>\n

Shqiptar\u00ebt jan\u00eb pronar\u00ebt e frekuencave q\u00eb k\u00ebto kompani p\u00ebrdorin por shqiptar\u00ebt vuajn\u00eb sepse qeveria q\u00eb administron k\u00ebto frekuenca dhe q\u00eb duhet t\u00eb siguroj\u00eb q\u00eb ato t\u00eb mos p\u00ebrdoren n\u00eb d\u00ebm t\u00eb shqiptar\u00ebve b\u00ebn pik\u00ebrisht t\u00eb kund\u00ebrt\u00ebn e n\u00eb vend t\u00eb leht\u00ebsonte komunikimin e shqiptar\u00ebve t\u00eb varf\u00ebr, u’a r\u00ebndon edhe m\u00eb shum\u00eb atyre duke pranuar rritje t\u00eb tilla dhe duke mos reaguar fare.<\/p>\n

Qeverit\u00eb shqiptare p\u00ebrpara ardhjes s\u00eb rilindjes n\u00eb pushtet, kan\u00eb b\u00ebr\u00eb gjithcka q\u00eb tarifat e kompanive celulare t\u00eb ishin t\u00eb arsyeshme dhe t\u00eb p\u00ebrballueshme p\u00ebr xhepat e varf\u00ebr t\u00eb shqiptar\u00ebve dhe \u00ebsht\u00eb e ditur ulja drastike q\u00eb ndodhi vite m\u00eb par\u00eb n\u00eb tarfiat e telefonis\u00eb celulare.<\/p>\n

Nd\u00ebrsa sot, qeveria ka vet\u00ebm nj\u00eb shqet\u00ebsim, ka vet\u00ebm nj\u00eb q\u00ebllim, ka vet\u00ebm nj\u00eb objektiv: T\u00eb jet\u00eb kund\u00ebr qytetar\u00ebve dhe t\u00eb mb\u00ebshtes\u00eb interesat e monopoleve, oligark\u00ebve, koncesioneve, t\u00eb cil\u00ebt jan\u00eb nj\u00ebherazi klient\u00eb t\u00eb saj dhe shp\u00ebrdorues t\u00eb parave dhe aseteve publike t\u00eb Shqip\u00ebris\u00eb.<\/p>\n

Ndaj, koha e nj\u00eb qeverie t\u00eb till\u00eb ka mbaruar. Pasi ajo \u00ebsht\u00eb nj\u00eb qeveri e vendosur haptaz dhe eg\u00ebrisht kundra qytetar\u00ebve.<\/p>\n