{"id":180865,"date":"2021-05-03T12:54:32","date_gmt":"2021-05-03T10:54:32","guid":{"rendered":"https:\/\/zjarr.tv\/?p=180865"},"modified":"2021-05-03T12:54:32","modified_gmt":"2021-05-03T10:54:32","slug":"frank-shkreli-kardinali-ernest-simoni-martiri-i-gjalle-i-kombit-shqiptar","status":"publish","type":"post","link":"https:\/\/zjarr.tv\/en\/frank-shkreli-kardinali-ernest-simoni-martiri-i-gjalle-i-kombit-shqiptar\/","title":{"rendered":"Frank Shkreli: Kardinali Ernest Simoni, martiri i gjall\u00eb i kombit shqiptar"},"content":{"rendered":"

Analiz\u00eb nga Frank Shkreli, ish-Drejtor i VOA-s p\u00ebr Euro-Azin\u00eb<\/span><\/strong><\/h1>\n

Kardinal Ernest Simoni, martiri i gjall\u00eb i Kombit shqiptar. Me rastin e 65 vjetorit t\u00eb meshtaris\u00eb s\u00eb tij , p\u00ebrcjell\u00eb n\u00ebp\u00ebrmjet\u00a0 Radio Vatikanit porosin\u00eb\u00a0 e tij p\u00ebr zgjedhjet e 25 Prillit\u00a0 n\u00eb Shqip\u00ebri. Mendoni me pjekuri p\u00ebr t\u00eb ardhmen e Shqip\u00ebris\u00eb, duke votuar t\u00eb lir\u00eb dhe p\u00ebr ata njer\u00ebz q\u00eb jan\u00eb v\u00ebrtet\u00eb g\u00ebzimi i popullit\u2026<\/span><\/i><\/strong><\/h3>\n

N\u00eb nj\u00eb bised\u00eb n\u00eb 65-vjetorin e meshtaris\u00eb s\u00eb tij me Radio Vatikanin n\u00eb gjuh\u00ebn shqipe, Kardinali shqiptar, Ernest Simoni p\u00ebrsh\u00ebndeti mbar\u00eb Kombin shqiptar duke th\u00ebn\u00eb: \u201cSi popull me bujari, me dinjitet komb\u00ebtar, me Gjergj Kastriotin n\u00eb krye, t\u00eb mundohemi q\u00eb t\u00eb gjith\u00eb t\u00eb bashkohemi n\u00eb nj\u00eb harmonizim fjale, mendimi e veprimi, lutjeje, p\u00ebrshpirt\u00ebrimi, dashnije, p\u00ebr paq\u00eb, buzqeshje e lumturi p\u00ebr t\u00eb gjith\u00eb popullin, para t\u00eb Madhit Zot, n\u00eb forc\u00ebn e Tij hyjnore q\u00eb ka me ken\u00eb drit\u00eb e dh\u00ebn\u00eb prej qiellit, me pa t\u00eb gjith\u00eb diellin q\u00eb do sh\u00ebndrit t\u00eb gjith\u00eb popullin, n\u00eb rast se na p\u00ebrsh\u00ebndesim t\u00eb Madhin Zot e lutemi\u2026\u201d. Me k\u00ebt\u00eb rast, Kardinali shqiptar ofroi bekimin e tij drejtuar shqiptar\u00ebve kudo q\u00eb jan\u00eb, duke th\u00ebn\u00eb: \u201cZoti Kjoft\u00eb me ju! Bekimi i Hyut t\u00eb gjith\u00ebpushtetsh\u00ebm, Ati e Biri e Shpirtit Shejt\u00eb, qoft\u00eb gjithmon\u00eb n\u00eb zemrat tuaja!\u00a0Rrnoft\u00eb Populli Shqiptar, Rrnoft\u00eb Shqip\u00ebnia<\/strong>!\u201d Radio Vatikani n\u00eb gjuh\u00ebn shqipe njoftoi se Kardinali shqiptar Ernest Simoni \u2014 i mbijetuari i burgjeve dhe internimeve t\u00eb regjimit t\u00eb eg\u00ebr komunisto-ateist t\u00eb Enver Hoxh\u00ebs \u2013 festoi, jav\u00ebn q\u00eb kaloi, 65-vjetorin e meshtaris\u00eb. \u00a0Ka qen\u00eb 7 prilli i vitit 1956 at\u00ebher\u00eb kur Dom Ernest Simoni \u00ebsht\u00eb shuguruar meshtar nga Imzot Ernest \u00c7oba, ish-Arkipeshkvi i Shkodr\u00ebs, i cili me nj\u00eb heroiz\u00ebm t\u00eb pashoq, vdiq edhe ai vet n\u00ebn tortura mizore n\u00eb duar t\u00eb xhelat\u00ebve komunist\u00eb t\u00eb burgut t\u00eb Tiran\u00ebs, n\u00eb Janar t\u00eb vitit 1980. Fatin e Imzot \u00c7ob\u00ebs dhe t\u00eb qindra klerik\u00ebve t\u00eb tjer\u00eb n\u00eb fillim t\u00eb regjimit komunist due m\u00eb von\u00eb e p\u00ebsoi edhe prifti i ri n\u00eb at\u00eb koh\u00eb, Don Ernest Simoni \u2013 sot Kardinali i par\u00eb shqiptar \u2013 i cili kaloi tre dekada t\u00eb jet\u00ebs s\u00eb tij n\u00eb burgjet dhe kampet e internimit komunist t\u00eb regjimit t\u00eb Enver Hoxh\u00ebs.\"\"<\/p>\n

Papa Fran\u00e7esku p\u00ebrqafohet n\u00eb Katedralen e Sh\u00ebn Palit\u00a0 n\u00eb Tiran\u00eb me Dom Ernest Simonin gjat\u00eb vizit\u00ebs s\u00eb tij n\u00eb Shqip\u00ebri n\u00eb vitin 2014 \u2013L\u2019Osservatore Romano via EPA)<\/em><\/p>\n

Kalvari i Don Ernest Simonit nisi n\u00eb prag t\u00eb Krishtlindjes t\u00eb vitit 1963, kur ai arrestohet nga komunist\u00ebt si \u201carmik i popullit\u201d, nd\u00ebr t\u00eb tjera akuza, edhe sepse kishte kremtuar nj\u00eb mesh\u00eb p\u00ebkujtimore \u2013 si\u00e7 \u00ebsht\u00eb tradit\u00eb e Kish\u00ebs Katolike kushtuar t\u00eb vdekurve \u2013 p\u00ebr shpirt t\u00eb ish-Presidentit t\u00eb Shteteve t\u00eb Bashkuara t\u00eb Amerik\u00ebs, Xhon F. Kenedi, i cili ishte vrar\u00eb n\u00eb Dallas t\u00eb shtetit Teksas vet\u00ebm disa muaj m\u00eb par\u00eb. Si p\u00ebrfundim, Don Ernest Simoni arrestohet, burgoset, internohet, d\u00ebrgohet n\u00eb pun\u00eb t\u00eb detyruara, p\u00ebrfshir\u00eb handrak\u00ebt e Shkodr\u00ebs dhe n\u00eb miniera.\u00a0 Besoj se Kardinali Ernest Simoni t\u00eb jet\u00eb i vetmi klerik katolik shqiptar ende i gjall\u00eb, i cili u mbijetoi torturave, burgjeve, kampeve t\u00eb internimit dhe n\u00eb p\u00ebrgjith\u00ebsi barbarizmave q\u00eb regjimi komunist i Enver Hoxh\u00ebs kreu mbi klerik\u00ebt shqiptar\u00eb t\u00eb tre feve n\u00eb p\u00ebrgjith\u00ebsi \u2014 nj\u00eb barbariz\u00ebm q\u00eb ishte ve\u00e7an\u00ebrisht brutal ndaj Kish\u00ebs Katolike Shqiptare dhe p\u00ebrfaq\u00ebsuesve t\u00eb saj, si\u00e7 ishte Don Ernest Simoni, n\u00eb ve\u00e7anti.\u00a0 Kardinal shqiptar, mund t\u00eb jet\u00eb i vetmi nd\u00ebr klerik\u00ebt katolik\u00eb t\u00eb atij brezi t\u00eb zhdukur nga Enver Hoxha, i cili \u201cRrnon ende p\u00ebr t\u00eb tregue\u201d. Jo se nuk dihej kjo e v\u00ebrtet\u00eb, por u b\u00eb edhe m\u00eb e qart\u00eb me shembjen e Murit t\u00eb Berlinit dhe me lirimin e disa prej klerik\u00ebve q\u00eb p\u00ebr fatin e tyre e tonin kishin mbetur ende gjall\u00eb \u201cp\u00ebr t\u00eb tregue\u201d.\u00a0 Klerik\u00eb si Kardinal Simoni dhe At Zef Pllumi, i cili me vepr\u00ebn e tij, \u201cRrno p\u00ebr me Tregue\u201d, rr\u00ebfimet rr\u00ebnqeth\u00ebse t\u00eb vuajtjeve t\u00eb klerik\u00ebve katolik\u00eb shqiptar\u00eb dhe shum\u00eb t\u00eb tjer\u00ebve. \u00a030-e ca vjet m\u00eb par\u00eb dhe me ndryshimet historike an\u00eb e mban\u00eb bot\u00ebs ish-komuniste n\u00eb Evrop\u00eb, p\u00ebrfshir\u00eb Shqip\u00ebrin\u00eb enveriste, k\u00ebto tregime u b\u00ebn\u00eb t\u00eb mundura due u botuan, pasi diktaturat dhe diktator\u00ebt, p\u00ebrfshir\u00eb monumentet e tyre po \u00e7\u2019rr\u00ebnjoseshin dhe po groposeshin, p\u00ebrfshir\u00eb Shqip\u00ebrin\u00eb. Dom Ernest Simoni lirohet n\u00eb vitin 1990, nj\u00ebkoh\u00ebsisht filluan t\u00eb hapeshin kishat e xhamit\u00eb.\u00a0 Shqip\u00ebria nuk ishte m\u00eb vendi i par\u00eb dhe i vet\u00ebm ateist n\u00eb bot\u00eb, sipas kushtetut\u00ebs s\u00eb diktatur\u00ebs t\u00eb vitit 1967 \u2013 \u201cdiktatur\u00eb kushtetuese\u201d, si\u00e7 e quajn\u00eb disa edhe sot n\u00eb Shqip\u00ebri duke justifikuar pjes\u00ebmarrjen due mb\u00ebshtetjen e tyre ndaj atij regjimi sikur diktatura komuniste ishte e interesuar t\u00eb zbatonte kushtetut\u00ebn. \u00a0Me ndryshimin e sistemit, ushtrimi i fes\u00eb u b\u00eb i lir\u00eb p\u00ebrs\u00ebri, u hap\u00ebn kishat e xhamit\u00eb, ato q\u00eb kishin mbetur pa u rr\u00ebnuar nga regjimi komunist i pa Zot dhe i pabes\u00eb.\u00a0 Dom Ernest Simoni rifillon apostolatin e tij fetar e meshtarak n\u00eb sh\u00ebrbim t\u00eb Zotit dhe besimtar\u00ebve, t\u00eb cil\u00ebve p\u00ebr pothuaj nj\u00eb gjys\u00ebm shekulli u ishte mohuar e drejta e ushtrimit t\u00eb fes\u00eb n\u00eb publik, megjith\u00ebse ka pasur shum\u00eb shqiptar\u00eb t\u00eb guximsh\u00ebm q\u00eb e kishin ruajtur tradit\u00ebn e tyre fetare gjat\u00eb komunizmit, megjith\u00ebse mund ta p\u00ebsonin keq po t\u00eb diktohej nj\u00eb gj\u00eb e till\u00eb nga regjimi komunist.\"\"<\/p>\n

Vizita e Papa Fran\u00e7eskut n\u00eb Tiran\u00eb, 2014<\/em><\/p>\n

Nd\u00ebrkaq, pas vizit\u00ebs historike t\u00eb Papa Gjon Palit t\u00eb II n\u00eb Shqip\u00ebri me 25 prill, 1993 \u2014 \u00a0n\u00eb shtator t\u00eb vitit 2014 Papa Fran\u00e7esku b\u00ebri vizit\u00ebn e tij apostolike n\u00eb Shqip\u00ebri q\u00eb ishte edhe vizita e par\u00eb e tij n\u00eb nj\u00eb shtet t\u00eb kontinentit evropian.\u00a0 Gjat\u00eb asaj vizite Papa Fran\u00e7esku u takua me Dom Ernest Simonin dhe d\u00ebgjoi d\u00ebshmit\u00eb mbi vuajtjet e tija n\u00ebn regjimin komunist. Nga takimi me priftin e vuajtur shqiptar, Papa Fran\u00e7esku mall\u00ebngjehet deri me lot dhe emocionohet duksh\u00ebm nga tregimi i vuajtjeve t\u00eb Dom Ernestit n\u00eb burgjet komuniste, sa q\u00eb e p\u00ebrqafon v\u00ebllaz\u00ebrisht t\u00eb mbijetuarin e regjimit komunist t\u00eb Enver Hoxh\u00ebs, nj\u00eb fotografi kjo shum\u00eb domethen\u00ebse e q\u00eb n\u00eb at\u00eb koh\u00eb u transmetua an\u00eb e mban\u00eb bot\u00ebs nga mediat nd\u00ebrkomb\u00ebtare.\u00a0 Dy vjet m\u00eb von\u00eb, m\u00eb 2016, Papa Fran\u00e7esku i akordon Dom Ernest Simonit titullin m\u00eb t\u00eb lart\u00eb administrativ e fetar \u2013 at\u00eb t\u00eb kardinalit t\u00eb Kish\u00ebs Katolike \u2013 nj\u00eb titull nderi ky, pasi Dom Ernest Simoni e kishte treguar me vepra se kishte qen\u00eb gati t\u00eb jepte edhe jet\u00ebn p\u00ebr fen\u00eb e tij si dhe p\u00ebr lirin\u00eb dhe paq\u00ebn e popullit t\u00eb vet. Kardinali Ernest Simoni megjith\u00ebse i shkuar n\u00eb mosh\u00eb (93-vje\u00e7) \u2014 edhe n\u00eb k\u00ebt\u00eb 65-vjetor t\u00eb meshtaris\u00eb \u2014 vazhdon t\u00eb jet\u00eb i interesuar p\u00ebr gjendjen aktuale t\u00eb shqiptar\u00ebve, p\u00ebr t\u00eb mir\u00ebn e popullit t\u00eb vet, p\u00ebr lirin\u00eb, paq\u00ebn dhe mir\u00ebqenj\u00ebn e bashk\u00ebkombasve t\u00eb tij n\u00eb Shqip\u00ebri dhe kudo ku jan\u00eb ata.\u00a0 N\u00eb k\u00ebt\u00eb frym\u00eb v\u00ebllaz\u00ebrore dhe baritore, Kardinali shqiptar Ernest Simoni \u2013 me rastin e 65-vjetorit t\u00eb meshtaris\u00eb s\u00eb tij \u2013 p\u00ebrcolli n\u00ebp\u00ebrmjet radio Vatikanit n\u00eb gjuh\u00ebn shqipe \u2014 k\u00ebt\u00eb porosi t\u00eb gjith\u00eb atyre q\u00eb me 25 prill do t\u00eb hedhin vot\u00ebn e tyre p\u00ebr t\u00eb ardhmen e Shqip\u00ebris\u00eb dhe t\u00eb shqiptar\u00ebve, duke th\u00ebn\u00eb: \u00a0\u201cPo afrohen zgjedhjet. Zgjedhjet jan\u00eb (shprehje) e vullnetit t\u00eb lir\u00eb t\u00eb popullit. I nj\u00eb populli t\u00eb pjekur q\u00eb k\u00ebrkon dashuri, paq\u00eb, v\u00ebllaz\u00ebrim, mir\u00ebsi e begati, p\u00ebr t\u00eb gjith\u00eb. Secili mendon q\u00eb me hedh\u00eb vot\u00ebn e vet, zgjedhjen e vet p\u00ebr njer\u00ebzit q\u00eb jan\u00eb v\u00ebrtet, g\u00ebzimi i popullit. \u00c7do deputet q\u00eb do t\u00eb zgjidhet do t\u00eb konsiderohet prej popullit n\u00eb rregull, si nj\u00eb bab\u00eb i dyt\u00eb q\u00eb p\u00ebrpiqet t\u00eb zgjidh\u00eb v\u00ebshtir\u00ebsit\u00eb q\u00eb ka n\u00eb an\u00ebn jet\u00ebsore ekonomike, me gjet\u00eb vende pune, me u interesu p\u00ebr edukat\u00ebn e tyre, me ndejt\u00eb larg m\u00ebkatit, p\u00ebr t\u00eb kriju nji shoq\u00ebri plot v\u00ebllaz\u00ebnim dhe nji buz\u00ebqeshje n\u00eb zem\u00ebr e n\u00eb syt\u00eb e tyne, ashtu q\u00eb kur t\u00eb shohin deputet\u00ebt, t\u00eb jet\u00eb si me pa njeriun m\u00eb t\u00eb dashur t\u00eb tyre.<\/p>\n

\"\"<\/p>\n

Takimi i Papa Fran\u00e7eskut me Kardinalin Ernest Simonin n\u00eb Tiran\u00eb, 2014<\/em><\/p>\n

Kjo asht\u00eb fjala e Zotit dhe u shkoft\u00eb n\u00eb vesh\u00eb t\u00eb gjith\u00ebve\u201d, porositi votuesit shqiptar\u00eb, Kardinali Ernest Simoni. Kardinalit shqiptar Ernest Simonit i urojm\u00eb 65-vjetorin e meshtaris\u00eb dhe jet\u00eb t\u00eb gjat\u00eb n\u00eb sh\u00ebrbim t\u00eb fes\u00eb dhe t\u00eb Atdheut. Komunizmi dhe komunist\u00ebt shqiptar\u00eb \u2013 at\u00ebher\u00eb dhe sot \u2014 mund t\u2019i ken\u00eb konsideruar si fitore t\u00eb p\u00ebrhershme t\u00eb komunizmit shqiptar dhe atij nd\u00ebrkomb\u00ebtar, shtypjet dhe shfarosjen e klerik\u00ebve katolik\u00eb dhe t\u00eb feve t\u00eb tjera, n\u00eb p\u00ebrgjith\u00ebsi. Atyre nostalgjik\u00ebve t\u00eb komunizmit shqiptar dhe mb\u00ebshtet\u00ebsve t\u00eb tyre \u2013 t\u00eb cil\u00ebt jan\u00eb prononcuar koh\u00ebt e fundit se \u201cKomunizmi ishte n\u00eb an\u00ebn e duhur t\u00eb historis\u00eb\u201d dhe se \u201ckomunizmi kishte m\u00eb shum\u00eb t\u00eb mira se t\u00eb k\u00ebqia\u201d, dua t\u2019u them q\u00eb t\u00eb gjejn\u00eb rastin e t\u00eb flasin me Kardinal Ernest Simonin sa \u00ebsht\u00eb gjall\u00eb e ndoshta mund t\u00eb marrin nj\u00eb p\u00ebrspektiv\u00eb tjet\u00ebr p\u00ebr t\u00eb \u201cmirat e komunizmit\u201d, p\u00ebr t\u00eb cilat ata flasin.\u00a0 \u00a0Mbrojtja ose heshtja ndaj krimeve t\u00eb shqiptarit kund\u00ebr shqiptarit gjat\u00eb periudh\u00ebs komuniste, mbetet nj\u00eb njoll\u00eb komb\u00ebtare, e cila nuk do t\u00eb zhduket p\u00ebr derisa personalitete t\u00eb larta t\u00eb politik\u00ebs shqiptare nuk p\u00ebrfillin z\u00ebrin e brendsh\u00ebm t\u00eb nd\u00ebrgjegjes s\u00eb vet dhe as interesat komb\u00ebtare. \u00a0Por, e keqja kurr\u00eb nuk mbizot\u00ebron mbi t\u00eb mir\u00ebn, p\u00ebrjet\u00ebsisht.\u00a0 Si\u00e7 \u00ebsht\u00eb shprehur me nj\u00eb rast \u2014 kolegu dhe bashk\u00ebvendasi im i nderuari Prof. Sami Repishti, edhe ky vet e familja e tij viktima t\u00eb komunizmit dhe t\u00eb fashizmit \u2013 se, \u201cNjeriu i p\u00ebrket Zotit dhe si i till\u00eb \u00ebsht\u00eb p\u00ebrgjegj\u00ebs ndaj nd\u00ebrgjegj\u00ebs s\u00eb vet, atij z\u00ebri t\u00eb fuqish\u00ebm brenda vetes tone, i cili na lavd\u00ebron dhe na qorton, por q\u00eb \u00ebsht\u00eb nj\u00eb z\u00eb q\u00eb nuk mund t\u00eb shuhet.\u00a0 Natyra e tij shpirt\u00ebrore dhe fuqia e tij e pamposhtur jan\u00eb baza e bindjeve tona se ekziston vet\u00ebm nj\u00eb fitore, e v\u00ebrteta, se e mira fiton gjithmon\u00eb mbi t\u00eb keqen. Jeta dhe vepra e Kardinal Ernest Simonit \u2013 megjith\u00eb vuajtjet e tmershme t\u00eb tija dhe vrasjet e qindra bashk\u00ebv\u00ebllez\u00ebrve t\u00eb tij t\u00eb pafajsh\u00ebm klerik\u00eb, vet\u00ebm e vet\u00ebm, se kishin nj\u00eb mendim ndryshe ndaj imponimit me forc\u00eb t\u00eb komunizmit nd\u00ebrkomb\u00ebtar sllavo-aziatik mbi shqiptar\u00ebt \u2013 na tregon sot se ndon\u00ebse pak me vones\u00eb dhe pas humbjeve t\u00eb m\u00ebdha, m\u00eb n\u00eb fund e mira gjithmon\u00eb fiton mbi t\u00eb keqen.\u00a0 Lavdi viktimave t\u00eb pafajshme t\u00eb komunizmit shqiptar \u2013 k\u00ebtyre rrezeve t\u00eb qytet\u00ebrimit shqiptar!<\/p>\n

 <\/p>","protected":false},"excerpt":{"rendered":"

Analiz\u00eb nga Frank Shkreli, ish-Drejtor i VOA-s p\u00ebr Euro-Azin\u00eb Kardinal Ernest Simoni, martiri i gjall\u00eb i Kombit shqiptar. Me rastin e 65 vjetorit t\u00eb meshtaris\u00eb s\u00eb tij , p\u00ebrcjell\u00eb n\u00ebp\u00ebrmjet\u00a0 Radio Vatikanit porosin\u00eb\u00a0 e tij p\u00ebr zgjedhjet e 25 Prillit\u00a0 n\u00eb Shqip\u00ebri. Mendoni me pjekuri p\u00ebr t\u00eb ardhmen e Shqip\u00ebris\u00eb, duke votuar t\u00eb lir\u00eb dhe […]<\/p>\n","protected":false},"author":2030,"featured_media":180871,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[241,337],"tags":[2853,451,329],"class_list":{"0":"post-180865","1":"post","2":"type-post","3":"status-publish","4":"format-standard","5":"has-post-thumbnail","7":"category-aktualitet","8":"category-kulture","9":"tag-analize-nga-frank-shkreli","10":"tag-lajme-zjarr","11":"tag-zjarr-tv"},"_links":{"self":[{"href":"https:\/\/zjarr.tv\/en\/wp-json\/wp\/v2\/posts\/180865","targetHints":{"allow":["GET"]}}],"collection":[{"href":"https:\/\/zjarr.tv\/en\/wp-json\/wp\/v2\/posts"}],"about":[{"href":"https:\/\/zjarr.tv\/en\/wp-json\/wp\/v2\/types\/post"}],"author":[{"embeddable":true,"href":"https:\/\/zjarr.tv\/en\/wp-json\/wp\/v2\/users\/2030"}],"replies":[{"embeddable":true,"href":"https:\/\/zjarr.tv\/en\/wp-json\/wp\/v2\/comments?post=180865"}],"version-history":[{"count":0,"href":"https:\/\/zjarr.tv\/en\/wp-json\/wp\/v2\/posts\/180865\/revisions"}],"wp:featuredmedia":[{"embeddable":true,"href":"https:\/\/zjarr.tv\/en\/wp-json\/wp\/v2\/media\/180871"}],"wp:attachment":[{"href":"https:\/\/zjarr.tv\/en\/wp-json\/wp\/v2\/media?parent=180865"}],"wp:term":[{"taxonomy":"category","embeddable":true,"href":"https:\/\/zjarr.tv\/en\/wp-json\/wp\/v2\/categories?post=180865"},{"taxonomy":"post_tag","embeddable":true,"href":"https:\/\/zjarr.tv\/en\/wp-json\/wp\/v2\/tags?post=180865"}],"curies":[{"name":"wp","href":"https:\/\/api.w.org\/{rel}","templated":true}]}}