{"id":201071,"date":"2021-09-07T18:38:15","date_gmt":"2021-09-07T16:38:15","guid":{"rendered":"https:\/\/zjarr.tv\/?p=201071"},"modified":"2021-09-07T18:38:15","modified_gmt":"2021-09-07T16:38:15","slug":"vallezimi-i-fundit-i-edi-rames","status":"publish","type":"post","link":"https:\/\/zjarr.tv\/en\/vallezimi-i-fundit-i-edi-rames\/","title":{"rendered":"Vall\u00ebzimi i \u201cfundit\u201d i Edi Ram\u00ebs"},"content":{"rendered":"

Nga Baton Haxhiu<\/strong><\/p>\n

Sali Berisha dhe Ilir Meta, sot, jan\u00eb aleat\u00ebt m\u00eb t\u00eb mir\u00eb politik\u00eb t\u00eb Edi Ram\u00ebs.<\/p>\n

Paradoksalisht fjalia do t\u00eb ishte e habitshme n\u00eb logjik\u00ebn e saj politike, sepse n\u00eb at\u00eb q\u00eb mundohen t\u00eb p\u00ebrfaq\u00ebsojn\u00eb, ata duken si kund\u00ebrshtar\u00ebt e tij m\u00eb t\u00eb m\u00ebdhenj politik\u00eb.<\/p>\n

Por, jo.<\/p>\n

T\u00eb dy lider\u00ebt politik\u00eb, si Berisha, ashtu edhe Meta, kan\u00eb dallime serioze me liderin e Partis\u00eb Socialiste, Edi Rama. Edhe p\u00ebr at\u00eb q\u00eb p\u00ebrfaq\u00ebsojn\u00eb n\u00eb qeverisje, edhe p\u00ebr idealin politik dhe t\u00eb ndryshimit q\u00eb kan\u00eb p\u00ebr Shqip\u00ebrin\u00eb.<\/p>\n

Ata duken jasht\u00eb kohe dhe t\u00eb padobish\u00ebm n\u00eb qasje, por edhe destabilizues n\u00eb vazhdim\u00ebsi.<\/p>\n

Dhe, karshi Edi Ram\u00ebs, kan\u00eb pesh\u00ebn e dallueshme t\u00eb krahasimit politik dhe estetik p\u00ebr m\u00ebnyr\u00ebn se si qeveriset nj\u00eb vend.<\/p>\n

Prandaj jan\u00eb jasht\u00eb kohe, por jan\u00eb edhe t\u00eb vetmit aleat\u00eb serioz\u00eb n\u00eb politik\u00eb, sepse p\u00ebrmes krahasimit, Ram\u00ebn, votuesi shqiptar e voton Kryeministrin sa her\u00eb n\u00eb p\u00ebrballje ka k\u00ebto dy personazhe politike.<\/p>\n

Vall\u00ebzimi i Edi Ram\u00ebs n\u00eb politik\u00eb do t\u00eb varet shum\u00eb nga ajo se sa k\u00ebta dy aleat\u00eb do t\u00eb marrin fuqin\u00eb politike duke mbyllur rrug\u00eb p\u00ebr nj\u00eb gjenerat\u00eb t\u00eb re politike, e cila, sapo ka nisur t\u00eb etablohet brenda Partis\u00eb Socialiste.<\/p>\n

Por, megjith\u00ebse PS hapi rrug\u00ebn p\u00ebr nj\u00eb gjenerat\u00eb t\u00eb re politike, duke e mbyllur n\u00eb histori emrat e fundit t\u00eb themeluesve t\u00eb saj, ka di\u00e7ka q\u00eb nuk shkonte n\u00eb gjith\u00eb at\u00eb q\u00eb u lexua dit\u00ebn e enjte.<\/p>\n

Pas leximit t\u00eb emrave t\u00eb Qeveris\u00eb RAMA 3 dhe rikthimit t\u00eb tij t\u00eb tret\u00eb, m\u00eb la nj\u00eb shije t\u00eb hidhur heshtja totale e njer\u00ebzve t\u00eb PS-s\u00eb.<\/p>\n

Ishte shija e nevoj\u00ebs p\u00ebr harres\u00eb t\u00eb dy mandateve q\u00eb kan\u00eb l\u00ebn\u00eb shenja historike t\u00eb ndryshimit urban dhe politik.<\/p>\n

Edi Rama, n\u00eb fjalimin e tij, tregoi idealiz\u00ebm, gj\u00eb kjo e habitshme pas dy mandateve si kryeminist\u00ebr. Mir\u00ebpo, di\u00e7ka nuk shkonte.<\/p>\n

N\u00eb nj\u00ebr\u00ebn an\u00eb ishte fjalimi me tone idealiste dhe, n\u00eb an\u00ebn tjet\u00ebr, heshtja e pam\u00ebshirshme p\u00ebr pranimin e \u00e7do gj\u00ebje.<\/p>\n

Socialist\u00ebt dukeshin t\u00eb rinj, por t\u00eb lodhur. Madje, dukeshin t\u00eb konsumuar dhe pa motivin e duhur edhe p\u00ebr t\u00eb qen\u00eb t\u00eb lumtur me fitoren e mandatit t\u00eb tret\u00eb.<\/p>\n

Vitet n\u00eb lavdi dhe sukseset n\u00eb pushtet konsumojn\u00eb d\u00ebshir\u00ebn p\u00ebr mir\u00ebqeverisje, megjith\u00ebse Rama, si i pari i partis\u00eb, \u00ebsht\u00eb gjithmon\u00eb i gatsh\u00ebm dhe me plot vullnet p\u00ebr t\u00eb tjera fitore.<\/p>\n

Heshtja n\u00eb Partin\u00eb Socialiste, pas leximit t\u00eb emrave, la t\u00eb kuptohet se ky rrug\u00ebtim do t\u00eb minohet dhe v\u00ebshtir\u00ebsohet nga shum\u00ebkush brenda partis\u00eb.<\/p>\n

\u00cbsht\u00eb \u00e7\u00ebshtje kohe derisa egot t\u00eb p\u00eblcasin nga d\u00ebshira p\u00ebr t\u00eb qen\u00eb Edi Rama dhe derisa kontrolli, t\u00eb cilin e mir\u00ebmban lavdia, t\u00eb sulmohet nga ata q\u00eb e duan kontrollin p\u00ebr lavdin\u00eb e tyre.<\/p>\n

Partia Socialiste me k\u00ebt\u00eb qasje dhe p\u00ebrmbajtje sot \u00ebsht\u00eb kampione, p\u00ebr shkak t\u00eb vet Ram\u00ebs dhe gjithashtu me probleme t\u00eb pandreqshme n\u00eb horizont.<\/p>\n

K\u00ebtu p\u00ebrfundon krahasimi.<\/p>\n

Tani nuk \u00ebsht\u00eb momenti t\u00eb shkruhet p\u00ebr lavdin\u00eb, p\u00ebr Ram\u00ebn dhe p\u00ebr historin\u00eb. As t\u00eb k\u00ebrkohet tani \u00a0q\u00eb Rama t\u00eb t\u00ebrhiqet pas kat\u00ebr vitesh, sepse pasioni p\u00ebr politik\u00ebn, sado i lodhsh\u00ebm, \u00ebsht\u00eb burim i pashtersh\u00ebm i asaj q\u00eb ai p\u00ebrfaq\u00ebson. Rrjedhimisht, duhet sqaruar se si duhet ta rigjejm\u00eb Ram\u00ebn e nes\u00ebrm, at\u00eb t\u00eb mandatit tjet\u00ebr \u2013 t\u00eb \u201cVall\u00ebzimit t\u00eb Fundit\u201d.<\/p>\n

Ajo q\u00eb \u00ebsht\u00eb vendimtare n\u00eb k\u00ebt\u00eb mandat dhe periudh\u00eb politike ka t\u00eb b\u00ebj\u00eb me trash\u00ebgimin\u00eb. Tashm\u00eb \u00ebsht\u00eb e qart\u00ebsuar krejt\u00ebsisht se me hyrjen n\u00eb betej\u00ebn p\u00ebr mandatin e tret\u00eb qeveris\u00ebs, do t\u00eb shtohen luft\u00ebrat politike brenda PS-s\u00eb. Rrjedhimisht, menaxhimi i \u00e7\u00ebshtjeve t\u00eb qeveris\u00eb do t\u00eb problematizohet.<\/p>\n

Sepse, nj\u00eb lider n\u00eb shkuarje, sado i mir\u00eb t\u00eb jet\u00eb, nuk mund ta ket\u00eb pesh\u00ebn e nj\u00ebjt\u00eb politike, sikurse ai q\u00eb \u00ebsht\u00eb n\u00eb kulminacion. Prandaj, pavar\u00ebsisht mandatit t\u00eb radh\u00ebs \u2013 ku pesha politike mund t\u00eb l\u00ebviz\u00eb n\u00eb mes t\u00eb dyja poleve t\u00eb pushtetit, edhe si Kryeminist\u00ebr, por edhe si kryetar i PS \u2013 puna e Ram\u00ebs mbetet e pacenueshme, sepse Shqip\u00ebrin\u00eb po e l\u00eb t\u00eb rilindur.<\/p>\n

Transformimi q\u00eb \u00ebsht\u00eb b\u00ebr\u00eb n\u00eb ekonomi, sh\u00ebndet\u00ebsi, arsim, turiz\u00ebm dhe polici, Ram\u00ebs i ka siguruar vendin n\u00eb historin\u00eb e ndryshimtar\u00ebve t\u00eb m\u00ebdhenj t\u00eb Shqip\u00ebris\u00eb.<\/p>\n

Dhe, l\u00ebre m\u00eb po t\u00eb flasim p\u00ebr rilindjen urbane. Ajo s\u2019\u00ebsht\u00eb ve\u00e7se shije, por parakusht p\u00ebr zhvillim. Kur flitet p\u00ebr ndryshimin q\u00eb ka b\u00ebr\u00eb, duhet th\u00ebn\u00eb se moti e ka kuptuar se nuk ka progres n\u00eb sh\u00ebmti.<\/p>\n

Andaj, duhet pranuar se brusha e artistit Kryeminist\u00ebr dhe qeverisja nga Kryeministri artist, i dha shpirtin Shqip\u00ebris\u00eb, q\u00eb vuante nga ngjyra gri.<\/p>\n

Shqip\u00ebria shp\u00ebtoi nga zymt\u00ebsia e sh\u00ebmtia, p\u00ebr t\u2019u ringjallur n\u00eb ngjyr\u00eb e shpres\u00eb. P\u00ebr t\u2019u ngjallur n\u00eb progres, sepse tashm\u00eb e bukura ka zbehur sh\u00ebmtin\u00eb.<\/p>\n

Ky mandat ka risqe dhe paqart\u00ebsi.<\/p>\n

Pas leximit t\u00eb emrave dhe ndryshimeve n\u00eb PS, t\u00eb enjten e kaluar, kjo parti, shihet qartazi, se do t\u00eb hyj\u00eb n\u00eb nj\u00eb betej\u00eb t\u00eb brendshme, t\u00eb ashp\u00ebr. Rrug\u00ebtimi p\u00ebr krijimin e liderit t\u00eb ri t\u00eb Partis\u00eb Socialiste, edhe p\u00ebr faktin se shum\u00ebkush do mendoj\u00eb se ky \u00ebsht\u00eb vall\u00ebzimi i fundit i Ram\u00ebs, do t\u00eb konsumoj\u00eb shum\u00eb nga energjia e brendshme.<\/p>\n

Por, Rama q\u00eb njohim, nuk largohet nga PS-ja pa e etabluar trash\u00ebgimtarin e tij politik. Se kush do t\u00eb jet\u00eb ai\/ajo, \u00ebsht\u00eb dilem\u00eb q\u00eb do t\u00eb zgjidhet p\u00ebrgjat\u00eb nj\u00eb beteje t\u00eb brendshme dhe t\u00eb pakompromis.<\/p>\n

Me fjal\u00eb t\u00eb tjera, i mbetet Ram\u00ebs t\u00eb tregoj\u00eb PS-n\u00eb q\u00eb do ta l\u00ebr\u00eb pas dhe hap\u00ebsir\u00ebn q\u00eb ai do t\u2019ua jap\u00eb lider\u00ebve t\u00eb rinj n\u00eb p\u00ebrballje.<\/p>\n

Dhe, p\u00ebr k\u00ebt\u00eb arsye, shenjat e para t\u00eb vuajtjes do t\u00eb shihen kur PS ta tregoj\u00eb vuajtjen p\u00ebr t\u2019i artikuluar qart\u00eb problemet e saj.<\/p>\n

S\u00eb pari, \u00ebsht\u00eb zbehur numri i deputet\u00ebve t\u00eb cil\u00ebt kan\u00eb mendim individual, edhe pse nuk mund t\u00eb thuhet q\u00eb nuk kan\u00eb hap\u00ebsir\u00eb. Dhe, natyrsh\u00ebm, \u00ebsht\u00eb se po nuk pate mendim dhe mendim ndryshe, nuk ke si dhe \u00e7far\u00eb artikulon. Kjo tredhje intelektuale \u00ebsht\u00eb edhe p\u00ebr shkak t\u00eb fuqis\u00eb s\u00eb Edi Ram\u00ebs. Ai vazhdon t\u00eb jet\u00eb i pam\u00ebshirsh\u00ebm ndaj atyre q\u00eb nuk nd\u00ebrtojn\u00eb ide jasht\u00eb mekanizmit konjuktural.<\/p>\n

S\u00eb dyti, n\u00eb Partin\u00eb Socialiste \u00ebsht\u00eb zbehur autoriteti i fjal\u00ebs. Kjo parti sot nuk ka asnj\u00eb deputet q\u00eb t\u00eb d\u00ebgjohet p\u00ebr shkak t\u00eb autoritetit t\u00eb fjal\u00ebs e t\u00eb mendimit dhe, nj\u00ebkoh\u00ebsisht, t\u00eb jet\u00eb i respektuesh\u00ebm n\u00eb publik p\u00ebr faktin se di t\u2019i artikuloj\u00eb mir\u00eb gj\u00ebrat. Fati dhe fatkeq\u00ebsia e saj \u00ebsht\u00eb Edi Rama si kryetar dhe mendimtar, sepse nuk ka asnj\u00eb tjet\u00ebr q\u00eb t\u00eb nd\u00ebrtoj\u00eb n\u00eb shkronja rr\u00ebfimin politik. Ky \u00ebsht\u00eb shqet\u00ebsimi q\u00eb ngacmon edhe n\u00eb mandatin e tret\u00eb.<\/p>\n

Edhe pse ka pak shpres\u00eb, Rama duhet q\u00eb n\u00eb mandatin e ardhsh\u00ebm t\u00eb ket\u00eb si pjes\u00eb t\u00eb grupit t\u00eb tij parlamentar t\u00eb pakt\u00ebn pes\u00eb deputet\u00eb, me mjesht\u00ebri fjale, me autoritet q\u00ebndrimi dhe me personalitet t\u00eb respektuesh\u00ebm n\u00eb publik.<\/p>\n

Kjo do ta ndihmoj\u00eb q\u00eb t\u00eb rris\u00eb profilin e tij dhe profilin e partis\u00eb n\u00eb parlament, por edhe q\u00eb ta rris\u00eb cil\u00ebsin\u00eb e komunikimit t\u00eb vet parlamentit. P\u00ebr k\u00ebt\u00eb duhet menduar qysh sot.<\/p>\n

Ndryshe, \u00ebsht\u00eb e sigurt se ekziston nj\u00eb mund\u00ebsi q\u00eb e gjith\u00eb opozita do t\u00eb bashkohet kund\u00ebr Ram\u00ebs dhe emrit t\u00eb tij t\u00eb p\u00ebrve\u00e7\u00ebm. Dhe debatet nuk do t\u00eb jet\u00eb p\u00ebr t\u00eb sulmuar PS-n\u00eb si parti, por do t\u00eb jen\u00eb debate kund\u00ebr Edi Ram\u00ebs.<\/p>\n

Shpesh, kur lider\u00ebt konstituohen si produkt i pacenuesh\u00ebm i historiografis\u00eb, Berish\u00ebt dhe Ilir\u00ebt e k\u00ebtij vendi bashkohen \u2013 p\u00ebr t\u2019i shkat\u00ebrruar imazhet e historis\u00eb.<\/p>\n

Droja nga historia nuk ua sh\u00ebmton t\u00eb kaluar\u00ebn, por i frik\u00ebson nga e ardhmja politike dhe krijimi i shijes, me Edi Ram\u00ebn si qendr\u00ebn e memories bashk\u00ebkohore t\u00eb qytetarit shqiptar.<\/p>\n

Andaj, opozita do t\u00eb bashkohet jo vet\u00ebm p\u00ebr pushtetin, por edhe p\u00ebr t\u00eb tentuar ta njollos\u00eb figur\u00ebn e Edi Ram\u00ebs dhe q\u00eb ta ripozicionoj\u00eb at\u00eb retroaktivisht. Ajo do q\u00eb lavdia e Ram\u00ebs t\u00eb zbehet dhe me k\u00ebt\u00eb edhe historia e krijuar e nj\u00eb shteti modern.<\/p>\n

S\u00eb treti, ky mandat duhet ta p\u00ebrmbyll\u00eb p\u00ebrfundimisht faz\u00ebn e tranzicionit n\u00eb Shqip\u00ebri. Kjo duhet b\u00ebr\u00eb edhe me Lulzim Bash\u00ebn.<\/p>\n

Si Kryeminist\u00ebr n\u00eb mandatin e tret\u00eb n\u00eb Shqip\u00ebri, Rama duhet ta rikrijoj\u00eb frym\u00ebn e bashk\u00ebpunimit, p\u00ebr ta p\u00ebrmbyllur ciklin e rilindjes, duke i hapur rrug\u00ebn nj\u00eb gjenerate t\u00eb re politike.<\/p>\n

\u00cbsht\u00eb detyr\u00eb e pashmangshme q\u00eb si lider politik, p\u00ebrgjat\u00eb k\u00ebtij mandati, t\u00eb ndikoj\u00eb n\u00eb krijimin e trash\u00ebgimis\u00eb politike. Pa k\u00ebt\u00eb t\u00eb fundit, Shqip\u00ebria mund t\u00eb bjer\u00eb n\u00eb nj\u00eb vakum, ku nuk gjen m\u00eb liderin e saj. Ngjash\u00ebm si Partia Demokratike. Var\u00ebsia e Shqip\u00ebris\u00eb ndaj Edi Ram\u00ebs duhet t\u00eb zbehet. Shqip\u00ebria duhet t\u00eb m\u00ebsohet t\u00eb zhvillohet edhe pa t\u00eb nes\u00ebr.<\/p>\n

Kongresi i dhjetorit, n\u00ebse do mbahet, e ka mund\u00ebsin\u00eb q\u00eb t\u00eb shp\u00ebrfaq\u00eb fuqin\u00eb\u00a0politike p\u00ebr krijimin e nj\u00eb gjenerate t\u00eb re politikan\u00ebsh, ku pushteti nuk do t\u00eb ricikloj\u00eb pushtetar\u00ebt e deritanish\u00ebm.<\/p>\n

Rama duhet t\u00eb mbahet n\u00eb mend edhe si lideri i tranzicionit q\u00eb ka krijuar hap\u00ebsir\u00eb t\u00eb re n\u00eb mas\u00eb t\u00eb pakrahasueshme p\u00ebr politikan\u00ebt e talentuar dhe gjenerat\u00ebn e re. Prandaj,\u00a0p\u00ebrmes tij nuk duhet t\u00eb rilind\u00eb vet\u00ebm Shqip\u00ebria, por duhet t\u00eb lind\u00eb dhe rritet nj\u00eb gjenerat\u00eb e re politike, si investim afatgjat\u00eb p\u00ebr t\u00eb ardhmen.<\/p>\n

Dhe, pika e kat\u00ebrt, por jo m\u00eb pak e r\u00ebnd\u00ebsishme, \u00ebsht\u00eb \u00e7\u00ebshtja e pambyllur q\u00eb i takon s\u00eb ardhmes politike, t\u00eb t\u00eb gjith\u00eb atyre q\u00eb vijn\u00eb pas Edi Ram\u00ebs dhe q\u00eb jetojn\u00eb midis Shqip\u00ebris\u00eb dhe Kosov\u00ebs.<\/p>\n

Sado t\u00eb ket\u00eb procese integruese p\u00ebr rajonin, e procese t\u00eb tjera nd\u00ebrkomb\u00ebtare q\u00eb jan\u00eb shum\u00eb p\u00ebrtej nesh, tashm\u00eb Kosova dhe Shqip\u00ebria jan\u00eb nj\u00eb realitet i integruar politik, mediatik e shoq\u00ebror. Andaj, n\u00eb k\u00ebt\u00eb pik\u00eb duhet menduar shum\u00eb m\u00eb mir\u00eb \u2013 zot\u00ebri Kryeminist\u00ebr \u2013 marr\u00ebdh\u00ebnia juaj afatgjate me Republik\u00ebn e Kosov\u00ebs dhe sigurimi i nj\u00eb trash\u00ebgimie historike me r\u00ebnd\u00ebsi m\u00eb t\u00eb gjer\u00eb komb\u00ebtare sesa puna e qeverisjes s\u00eb zakonshme.<\/p>\n

N\u00ebse bashkimi i Kosov\u00ebs dhe Shqip\u00ebris\u00eb \u00ebsht\u00eb i pamundur, at\u00ebher\u00eb Edi Rama duhet ta jap\u00eb shembullin e krijimit t\u00eb nj\u00eb koncepti gjith\u00ebkomb\u00ebtar, n\u00eb funksion t\u00eb realitetit t\u00eb integruar brenda-shqiptar. Prandaj, nuk mund t\u00eb quhet trash\u00ebgimi dhe mandat historik n\u00ebse l\u00eb detyr\u00ebn dhe thjesht ik\u00ebn nga p\u00ebrgjegj\u00ebsit\u00eb politike, pa e menduar mir\u00eb vendin e tij edhe n\u00eb raport me Kosov\u00ebn.<\/p>\n

E gjith\u00eb kjo duhet t\u00eb ndodh\u00eb n\u00eb koh\u00ebn kur Edi Rama nuk ka m\u00eb zgjedhje p\u00ebr t\u00eb fituar.<\/p>","protected":false},"excerpt":{"rendered":"

Nga Baton Haxhiu Sali Berisha dhe Ilir Meta, sot, jan\u00eb aleat\u00ebt m\u00eb t\u00eb mir\u00eb politik\u00eb t\u00eb Edi Ram\u00ebs. Paradoksalisht fjalia do t\u00eb ishte e habitshme n\u00eb logjik\u00ebn e saj politike, sepse n\u00eb at\u00eb q\u00eb mundohen t\u00eb p\u00ebrfaq\u00ebsojn\u00eb, ata duken si kund\u00ebrshtar\u00ebt e tij m\u00eb t\u00eb m\u00ebdhenj politik\u00eb. Por, jo. T\u00eb dy lider\u00ebt politik\u00eb, si Berisha, […]<\/p>\n","protected":false},"author":2030,"featured_media":201072,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[241,3365,1454],"tags":[],"class_list":{"0":"post-201071","1":"post","2":"type-post","3":"status-publish","4":"format-standard","5":"has-post-thumbnail","7":"category-aktualitet","8":"category-analize","9":"category-politike"},"_links":{"self":[{"href":"https:\/\/zjarr.tv\/en\/wp-json\/wp\/v2\/posts\/201071","targetHints":{"allow":["GET"]}}],"collection":[{"href":"https:\/\/zjarr.tv\/en\/wp-json\/wp\/v2\/posts"}],"about":[{"href":"https:\/\/zjarr.tv\/en\/wp-json\/wp\/v2\/types\/post"}],"author":[{"embeddable":true,"href":"https:\/\/zjarr.tv\/en\/wp-json\/wp\/v2\/users\/2030"}],"replies":[{"embeddable":true,"href":"https:\/\/zjarr.tv\/en\/wp-json\/wp\/v2\/comments?post=201071"}],"version-history":[{"count":0,"href":"https:\/\/zjarr.tv\/en\/wp-json\/wp\/v2\/posts\/201071\/revisions"}],"wp:featuredmedia":[{"embeddable":true,"href":"https:\/\/zjarr.tv\/en\/wp-json\/wp\/v2\/media\/201072"}],"wp:attachment":[{"href":"https:\/\/zjarr.tv\/en\/wp-json\/wp\/v2\/media?parent=201071"}],"wp:term":[{"taxonomy":"category","embeddable":true,"href":"https:\/\/zjarr.tv\/en\/wp-json\/wp\/v2\/categories?post=201071"},{"taxonomy":"post_tag","embeddable":true,"href":"https:\/\/zjarr.tv\/en\/wp-json\/wp\/v2\/tags?post=201071"}],"curies":[{"name":"wp","href":"https:\/\/api.w.org\/{rel}","templated":true}]}}