Nj\u00eb protestuese e \u201c5 majit\u201d, ka hyr\u00eb mes rrethimit dhe ka takuar ish-kryeministrin Sali Berisha, sapo ky i fundit doli nga parlamenti duke i k\u00ebrkuar ndihm\u00eb dhe zgjidhje p\u00ebr problemin e tyre.<\/p>\n
\u201cJam banore e 5 majit, nj\u00ebsia administrative num\u00ebr 8. Ne deri tani, ka fiks 1 vit, q\u00eb vjet n\u00eb shkurt kemi k\u00ebrkuar q\u00eb t\u00eb takohemi me Veliajn, k\u00ebrkuar opozit\u00ebn e asaj kohe. Asnj\u00ebri nuk na \u00ebsht\u00eb gjendur pran\u00eb. Ju kemi d\u00ebgjuar vet\u00ebm juve n\u00eb Kuvend, edhe donim me patjet\u00ebr t\u2019ju takonim. M\u00eb 22 shkurt, jemi 12 sht\u00ebpi q\u00eb s\u2019kemi firmosur. Ne jemi n\u00eb d\u00ebshp\u00ebrim. \u00c7far\u00eb do b\u00ebhet me ne? Kush do na mbroj\u00eb. Si mund t\u00eb firmosim nj\u00eb aktmarr\u00ebveshje ku nuk shkelet ligji i shpron\u00ebsimit?!\u201d, tha banorja.<\/p>\n
Nga ana tjet\u00ebr Berisha deklaroi se sjellja e qeveris\u00eb ndaj banor\u00ebve t\u00eb k\u00ebsaj zone, \u00ebsht\u00eb \u00e7\u2019njer\u00ebzore dhe korruptive. Ai u shpreh se do t\u00eb propozoj\u00eb nd\u00ebrhyrjen n\u00eb ligjin p\u00ebr pronat.<\/p>\n
\u201cUn\u00eb e kam denoncuar shum\u00eb her\u00eb si nj\u00eb akt \u00e7njer\u00ebzor, korruptiv, antikushtetues, antiligjor q\u00ebndrimin ndaj jush. Pa p\u00ebrjashtim ju takon n\u00eb nj\u00eb vend normal t\u00eb p\u00ebrfitoni nga ligji i posedimit n\u00eb mir\u00ebbesim dje klauzolat e tij. Akti \u00ebsht\u00eb, asgj\u00ebsohet ligji k\u00ebtu sepse jan\u00eb p\u00ebrfaq\u00ebsuesit e niveleve t\u00eb k\u00ebtij parlamenti, \u00ebsht\u00eb Salillari dhe Kapllan pallati ata q\u00eb nd\u00ebrtojn\u00eb aty kulla 30 kat\u00ebsh dhe nuk pranojn\u00eb t\u2019u japin juve 10 % t\u00eb sip\u00ebrfaqes q\u00eb ju takon mbi baz\u00ebn e trojeve q\u00eb keni. Ky 10 % \u00ebsht\u00eb m\u00eb i ul\u00ebti q\u00eb u jepet poseduesve apo pronar\u00ebve nga \u00e7do kompani nd\u00ebrtimi q\u00eb zhvillon nj\u00eb zon\u00eb. Por juve nuk u jepet kjo pasi p\u00ebrqindjen q\u00eb ju takon juve, ata ia japin Veliajt, Ram\u00ebs dhe Bash\u00ebs. Kam admirimin m\u00eb t\u00eb madh p\u00ebr q\u00ebndres\u00ebn tuaj. Po p\u00ebrgatisim nj\u00eb nd\u00ebrhyrje p\u00ebr ta paraqitur, \u00e7ka k\u00ebta do ta kund\u00ebrshtojn\u00eb, anulimin e ligjit t\u00eb vitit 2016, i cili pik\u00ebrisht p\u00ebr t\u2019i \u00e7elur rrug\u00ebn dhun\u00ebs kund\u00ebr qytetar\u00ebve, ka nxjerr\u00eb p\u00ebrpara procesin e urbanizimit dhe pastaj t\u00eb legalizimit. Ky ligj nuk mund t\u00eb aplikohet tek ju, as k\u00ebshtu si\u00e7 \u00ebsht\u00eb. Ju jeni p\u00ebrfitues t\u00eb ligjit p\u00ebrpara k\u00ebtij, i cili u njihte 100% t\u00eb drejt\u00ebn e legalizimit. Pra kjo \u00ebsht\u00eb. Thirrja jon\u00eb \u00ebsht\u00eb t\u00eb mobilizojm\u00eb qytetar\u00ebt e Tiran\u00ebs, t\u00eb ngrihen n\u00eb mb\u00ebshtetjen tuaj. Protesta jua nuk \u00ebsht\u00eb vet\u00ebm p\u00ebr sht\u00ebpit\u00eb, por nj\u00eb e drejt\u00eb q\u00eb u thyhet familjeve. Banor\u00ebt e Laprak\u00ebs, 5 majit dhe Paskuqanit jan\u00eb viktima t\u00eb vjedhjeve qeveritare\u201d, tha Berisha.<\/p>\n