M\u00eb 16 maj 2026, n\u00eb Zv\u00ebrnec nisi nj\u00eb revolucion, n\u00eb nj\u00eb fshat t\u00eb qet\u00eb n\u00eb bregdetin shqiptar, ku Jared Kushner dhe Ivanka Trump planifikonin t\u00eb nd\u00ebrtonin nj\u00eb resort luksoz. Ai u p\u00ebrhap n\u00eb t\u00eb gjith\u00eb vendin, nd\u00ebrsa shqiptar\u00ebt shfryn\u00eb zhg\u00ebnjimin e tyre ndaj nj\u00eb klase politike t\u00eb akuzuar p\u00ebr korrupsion dhe degradimin e demokracis\u00eb, t\u00eb drejtuar nga Edi Rama, kryeminist\u00ebr prej 13 vitesh dhe i preferuari i Bashkimit Evropian. Aris Roussinos vizitoi vendin e trazuar n\u00eb kulmin e asaj q\u00eb tashm\u00eb po quhet \u201cRevolucioni i Flamingove\u201d, duke folur me aktivist\u00eb, drejtues t\u00eb opozit\u00ebs dhe madje edhe me vet\u00eb kryeministrin e vendit, i cili beson se populli i tij nuk ka qen\u00eb kurr\u00eb m\u00eb mir\u00eb.<\/p>\n\n\n\n
\u201cPse po jetoj n\u00eb Angli?\u201d<\/em>, m\u00eb pyet me zem\u00ebrim Avniu, nj\u00eb shqiptar rreth t\u00eb 40-ave q\u00eb punon si nd\u00ebrtues n\u00eb Lond\u00ebr, nd\u00ebrsa po ecnim drejt rreshtave t\u00eb polic\u00ebve t\u00eb nd\u00ebrhyrjes s\u00eb shpejte, q\u00eb ndanin protestuesit e Revolucionit t\u00eb Flamingove nga parlamenti i vendit.<\/p>\n\n\n\n \u201cShqip\u00ebria \u00ebsht\u00eb nj\u00eb vend shum\u00eb i mir\u00eb, k\u00ebtu nuk ka luft\u00eb. Ne nuk duhet t\u00eb jemi emigrant\u00eb. Duhet t\u00eb kthehemi n\u00eb sht\u00ebpi,\u201d<\/em> shtoi ai, duke m\u00eb treguar se fshati i tij n\u00eb veri t\u00eb Shqip\u00ebris\u00eb tashm\u00eb ishte braktisur plot\u00ebsisht, pasi t\u00eb gjith\u00eb ata q\u00eb kishin mund\u00ebsi ishin larguar drejt Britanis\u00eb ose vendeve t\u00eb tjera t\u00eb Evrop\u00ebs Per\u00ebndimore.<\/p>\n\n\n\n \u201cSepse qeveria [n\u00eb Shqip\u00ebri] \u00ebsht\u00eb shum\u00eb e korruptuar, njer\u00ebzit nuk kan\u00eb t\u00eb drejta, por n\u00ebse njeh dik\u00eb nga qeveria, b\u00ebhesh milioner p\u00ebr dy dit\u00eb. T\u00eb gjith\u00eb deputet\u00ebt e Shqip\u00ebris\u00eb b\u00ebhen miliarder\u00eb, kan\u00eb sht\u00ebpi t\u00eb m\u00ebdha, shum\u00eb para, t\u00eb fshehura kudo. T\u00eb gjith\u00eb kush\u00ebrinjt\u00eb e tyre kan\u00eb shum\u00eb, shum\u00eb para. \u00cbsht\u00eb nj\u00eb qeveri v\u00ebrtet, v\u00ebrtet e korruptuar dhe ne kemi ardhur n\u00eb pik\u00ebn q\u00eb nuk durojm\u00eb m\u00eb. Ata na shtyjn\u00eb t\u00eb gjith\u00ebve drejt Evrop\u00ebs, por ne duhet t\u00eb kthehemi.\u201d<\/em><\/p>\n\n\n\n Ishte dita e 54-t dhe deri at\u00ebher\u00eb m\u00eb e dhunshmja e protestave n\u00eb rrug\u00eb, nj\u00eb protest\u00eb q\u00eb ka dominuar ver\u00ebn e Shqip\u00ebris\u00eb, duke e shqet\u00ebsuar qeverin\u00eb e Partis\u00eb Socialiste t\u00eb Edi Ram\u00ebs, e cila e ka drejtuar vendin p\u00ebr 13 vite radhazi.<\/p>\n\n\n\n \u201cT\u00eb gjith\u00eb mendojn\u00eb se ky \u00ebsht\u00eb nj\u00eb shtet demokratik,\u201d<\/em> <\/strong>m\u00eb tha Bora Mitrovica, nj\u00eb aktiviste shqiptaro-kanadeze, t\u00eb cil\u00ebn e gjeta p\u00ebrball\u00eb rreshtit t\u00eb policis\u00eb, duke b\u00ebrtitur \u201cPosht\u00eb komunizmi!\u201d dhe duke shar\u00eb policin\u00eb me nj\u00eb repertor t\u00eb pasur sharjesh ballkanike.<\/p>\n\n\n\n \u201cEpo nuk \u00ebsht\u00eb. Edi Rama \u00ebsht\u00eb diktator. Kjo \u00ebsht\u00eb nj\u00eb diktatur\u00eb.\u201d<\/em><\/p>\n\n\n\n Bora sapo ishte sp\u00ebrkatur me gaz t\u00eb specit djeg\u00ebs nga policia, pasi kishte tentuar t\u00eb \u00e7ante barrierat n\u00eb drejtim t\u00eb parlamentit shqiptar. Protestuesit kishin hedhur vez\u00eb dhe shishe uji ndaj forcave t\u00eb policis\u00eb, si dhe ndaj makinave t\u00eb politikan\u00ebve q\u00eb shkonin drejt sall\u00ebs s\u00eb votimit.<\/p>\n\n\n\n Kur policia i zmbrapsi me gaz lotsjell\u00ebs, topa uji dhe spraj spec djeg\u00ebs, protestuesit shp\u00ebrthyen n\u00eb britma zem\u00ebrimi. Disa prej tyre k\u00ebput\u00ebn gjethe aloeje nga bim\u00ebt dekorative t\u00eb rrug\u00ebs dhe shtrydh\u00ebn l\u00ebngun qet\u00ebsues n\u00eb syt\u00eb e tyre.<\/p>\n\n\n\n \u201cDiktatura nuk merr fund me nj\u00eb thirrje. Duhet t\u00eb luftosh. Na duhen burrat shqiptar\u00eb t\u00eb ngrihen dhe jo thjesht t\u00eb thon\u00eb \u2018Fuck You\u2019, sepse k\u00ebshtu nuk ndryshon vendin,\u201d<\/em> m\u00eb tha Bora.<\/p>\n\n\n\n \u201cU k\u00ebshilloj t\u00eb gjith\u00eb turist\u00ebve t\u00eb ikin sa m\u00eb shpejt q\u00eb t\u00eb munden, sepse nuk do t\u00eb jen\u00eb n\u00eb gjendje t\u00eb p\u00ebrballojn\u00eb at\u00eb q\u00eb ne, si shqiptar\u00eb, mund ta p\u00ebrballojm\u00eb.\u201d<\/em><\/p>\n\n\n\n Protestat kishin nisur n\u00eb fshatin bregdetar jugor t\u00eb Zv\u00ebrnecit n\u00eb maj. Banor\u00ebt zbuluan se hyrja n\u00eb vendet ku mbanin varkat e peshkimit dhe n\u00eb ullishtet bregdetare ishte mbyllur papritur me gardhe sigurie, nd\u00ebrsa automjetet e nd\u00ebrtimit, me sa dukej, kishin nisur pun\u00ebn p\u00ebr nj\u00eb projekt resorti luksoz t\u00eb mb\u00ebshtetur nga vajza dhe dh\u00ebndri i Donald Trump, Ivanka dhe Jared Kushner, dhe t\u00eb p\u00ebrkrahur fuqish\u00ebm nga qeveria e Ram\u00ebs.<\/p>\n\n\n\n Ishin skena t\u00eb dhunshme, ato q\u00eb treguan rojet e siguris\u00eb duke u p\u00ebrplasur me banor\u00ebt, p\u00ebrpara se protestuesit vendas t\u00eb shembnin gardhet dhe t\u00eb rimerrnin kontrollin e asaj q\u00eb ata pretendojn\u00eb se \u00ebsht\u00eb toka e tyre.<\/p>\n\n\n\n Kujt i p\u00ebrket realisht toka mbetet ende nj\u00eb \u00e7\u00ebshtje e diskutueshme. P\u00ebr shkak t\u00eb reformave t\u00eb shumta t\u00eb tok\u00ebs dhe shp\u00ebrndarjeve t\u00eb pron\u00ebs q\u00eb shoq\u00ebruan kalimin e vendit nga sundimi osman drejt pavar\u00ebsis\u00eb dhe pushtimit italian, e m\u00eb pas nga regjimi izolacionist i Enver Hoxh\u00ebs drejt tranzicionit kaotik demokratik, pretendimet mbi pron\u00ebsin\u00eb n\u00eb Shqip\u00ebri shpesh mbivendosen. Shpesh, m\u00eb shum\u00eb se nj\u00eb pal\u00eb mund t\u00eb pretendoj\u00eb titullin ligjor mbi t\u00eb nj\u00ebjt\u00ebn parcel\u00eb.<\/p>\n\n\n\n Pronari n\u00eb dukje i bregdetit t\u00eb Zv\u00ebrnecit q\u00eb ndodhet n\u00eb qend\u00ebr t\u00eb projektit t\u00eb Kushner\u00ebve, nj\u00eb biznesmen me baz\u00eb n\u00eb Miami i quajtur Artur Shehu, \u00ebsht\u00eb akuzuar nga avokat\u00ebt q\u00eb punojn\u00eb p\u00ebr banor\u00ebt vendas se ka falsifikuar dokumente osmane pron\u00ebsie p\u00ebr t\u00eb marr\u00eb kontrollin e pron\u00ebs s\u00eb tyre me vler\u00eb.<\/p>\n\n\n\n N\u00eb qershor, u b\u00eb gjithashtu e ditur se ai ishte n\u00ebn hetim nga SPAK, nj\u00eb organ kund\u00ebr korrupsionit i ngritur nga qeveria e Ram\u00ebs, p\u00ebr pastrim parash dhe trafik nd\u00ebrkomb\u00ebtar kokaine.<\/p>\n\n\n\n Shehu, nga ana e tij, mohon \u00e7do shkelje, duke k\u00ebmb\u00ebngulur se \u00ebsht\u00eb nj\u00eb biznesmen i ligjsh\u00ebm q\u00eb e ka trash\u00ebguar tok\u00ebn nga paraardh\u00ebsit e tij mesjetar\u00eb.<\/p>\n\n\n\n Historin\u00eb e nd\u00ebrlikojn\u00eb edhe t\u00eb dh\u00ebnat n\u00eb procedimet e SPAK-ut p\u00ebr pranin\u00eb e zyrtar\u00ebve qeveritar\u00eb n\u00eb takime me Shehun dhe persona t\u00eb tjer\u00eb t\u00eb dyshuar p\u00ebr trafik kokaine.<\/p>\n\n\n\n Dokumentet e SPAK-ut t\u00eb rrjedhura te gazetar\u00eb nd\u00ebrkomb\u00ebtar\u00eb sugjerojn\u00eb se hetues belg\u00eb kishin v\u00ebrejtur se \u201ck\u00ebto takime duket se lidhen me projekte imobiliare n\u00eb Shqip\u00ebri, potencialisht t\u00eb financuara me fonde t\u00eb paligjshme, me mb\u00ebshtetjen e autoriteteve politike\u201d.<\/p>\n\n\n\n N\u00eb t\u00eb nj\u00ebjt\u00ebn koh\u00eb, SPAK thekson se \u201cn\u00eb k\u00ebt\u00eb faz\u00eb nuk paraqitet asnj\u00eb prov\u00eb q\u00eb identifikon zyrtar\u00ebt e p\u00ebrfshir\u00eb apo provon pjes\u00ebmarrjen e tyre n\u00eb aktivitete t\u00eb paligjshme\u201d.<\/p>\n\n\n\n Hendeku mes k\u00ebtyre dy deklarimeve tashm\u00eb mbushet n\u00eb Shqip\u00ebri me spekulime politike t\u00eb ethshme dhe dramatike, t\u00eb p\u00ebrdorura nga Partia Demokratike n\u00eb opozit\u00eb p\u00ebr t\u00eb pretenduar korrupsion n\u00eb nivelet m\u00eb t\u00eb larta politike.<\/p>\n\n\n\n ******<\/p>\n\n\n\n P\u00ebr shkak se laguna e kripur e Zv\u00ebrnecit \u00ebsht\u00eb nj\u00eb zon\u00eb e rrall\u00eb evropiane p\u00ebr shumimin e flamingove, protestat fillestare n\u00eb Tiran\u00eb ishin protesta mjedisore, me protestues q\u00eb mbanin flamingo gjigante prej polisteroli si simbol t\u00eb tyre.<\/p>\n\n\n\n Por gjat\u00eb jav\u00ebve n\u00eb vijim, protestat u p\u00ebrshkall\u00ebzuan: nga ndalimi i nd\u00ebrtimit t\u00eb projektit dhe rikthimi i ligjeve shqiptare p\u00ebr mbrojtjen e mjedisit, t\u00eb cilat ishin rr\u00ebzuar s\u00eb fundmi, n\u00eb k\u00ebrkesa q\u00eb n\u00eb thelb p\u00ebrb\u00ebjn\u00eb nj\u00eb revolucion t\u00eb plot\u00eb kund\u00ebr t\u00eb gjith\u00eb sistemit politik.<\/p>\n\n\n\n Protestuesit tashm\u00eb k\u00ebrkojn\u00eb q\u00eb Rama t\u00eb jap\u00eb dor\u00ebheqjen dhe t\u00eb p\u00ebrballet me drejt\u00ebsin\u00eb p\u00ebr korrupsion, s\u00eb bashku me liderin e opozit\u00ebs, Sali Berisha, nd\u00ebrsa Shqip\u00ebria duhet t\u00eb vendos\u00eb nj\u00eb qeveri teknike 12-mujore p\u00ebrpara zgjedhjeve t\u00eb reja.<\/p>\n\n\n\n Natyrisht, Rama nuk \u00ebsht\u00eb i prirur t\u00eb bjer\u00eb dakord. Prandaj p\u00ebrplasja vazhdon.<\/p>\n\n\n\n Megjith\u00ebse protestat e mbr\u00ebmjes p\u00ebrgjat\u00eb bulevardeve me gjelb\u00ebrim t\u00eb Tiran\u00ebs jan\u00eb protesta familjare dhe paq\u00ebsore, ato gjat\u00eb paradites jan\u00eb m\u00eb t\u00eb zhurmshme dhe t\u00ebrheqin nj\u00eb b\u00ebrtham\u00eb m\u00eb t\u00eb angazhuar aktivist\u00ebsh, t\u00eb cil\u00ebt e deklarojn\u00eb veten revolucionar\u00eb.<\/p>\n\n\n\n Mes tyre shihen t\u00eb rinj me maska q\u00eb hedhin objekte, burra m\u00eb t\u00eb moshuar t\u00eb klas\u00ebs pun\u00ebtore q\u00eb mbajn\u00eb qeleshe tradicionale shqiptare ose val\u00ebvitin flamurin e Shqip\u00ebris\u00eb s\u00eb Madhe. Por shumica jan\u00eb pjes\u00ebtar\u00eb t\u00eb rinj, shum\u00eb t\u00eb arsimuar dhe nga ana socialie, liberal\u00eb t\u00eb borgjezis\u00eb s\u00eb Tiran\u00ebs, si dhe pjes\u00ebtar\u00eb t\u00eb diaspor\u00ebs \u2014 zakonisht nj\u00eb rezervuar i besuesh\u00ebm votash p\u00ebr qeverin\u00eb reformiste dhe pro-BE t\u00eb Ram\u00ebs.<\/p>\n\n\n\n Gra t\u00eb reja konservatore me hixhab q\u00ebndrojn\u00eb krah p\u00ebr krah me hipster\u00eb t\u00eb mbuluar me tatuazhe, duke thirrur \u201cRama, jep dor\u00ebheqjen\u201d n\u00eb shqip, n\u00ebn ritmin e k\u00ebng\u00ebs \u201cSeven Nation Army\u201d t\u00eb The White Stripes, ose \u201cRama, Rama, fuck u\u201d, n\u00ebn ritmin e \u201cWe Will Rock You\u201d.<\/p>\n\n\n\n Gjat\u00eb dit\u00ebve dhe net\u00ebve t\u00eb protestave ku mora pjes\u00eb, fjalime t\u00eb gjata dhe t\u00eb zjarrta e d\u00ebnonin qeverin\u00eb si terroriste, si diktatur\u00eb, dhe vajtonin at\u00eb q\u00eb pretendohej se ishte shitja e tok\u00ebs shqiptare te interesat izraelite.<\/p>\n\n\n\n Kjo e fundit, nj\u00eb pretendim mjaft konspirativ, doli t\u00eb ishte nj\u00eb tem\u00eb e p\u00ebrs\u00ebritur n\u00eb bisedat me shqiptar\u00ebt. Madje edhe pankartat e ngjitura n\u00eb shtyllat e ndri\u00e7imit n\u00eb qend\u00ebr t\u00eb Tiran\u00ebs e paraqisnin Ram\u00ebn si nj\u00eb kukull t\u00eb George Soros ose si nj\u00eb hebre hasidik.<\/p>\n\n\n\n Xhoana, nj\u00eb drejtore marketingu e veshur n\u00eb m\u00ebnyr\u00eb elegante, m\u00eb tha:<\/p>\n\n\n\n \u201cQeveria jon\u00eb po ua shet tok\u00ebn ton\u00eb Jared Kushnerit dhe Ivanka Trumpit dhe oligark\u00ebve tan\u00eb. Ata nuk punojn\u00eb p\u00ebr njer\u00ebzit. Ne duam revolucion sepse gjith\u00e7ka \u00ebsht\u00eb keq.\u201d<\/em><\/p>\n\n\n\n \u201cShqip\u00ebria nuk ka nevoj\u00eb p\u00ebr revolucion tani\u201d<\/em>, tha nj\u00eb z\u00ebdh\u00ebn\u00ebs i qeveris\u00eb, i cili k\u00ebmb\u00ebnguli t\u00eb mbetej anonim, nd\u00ebrsa pinte nj\u00eb cigare n\u00eb nj\u00eb kafene n\u00eb trotuar.<\/p>\n\n\n\n \u201cNjer\u00ebzit kan\u00eb 50 dit\u00eb q\u00eb thon\u00eb se na duhet nj\u00eb revolucion, por nuk kan\u00eb asnj\u00eb plan p\u00ebr at\u00eb q\u00eb vjen m\u00eb pas. Nj\u00eb revolucion n\u00eb k\u00ebt\u00eb faz\u00eb, kur jemi kaq pran\u00eb an\u00ebtar\u00ebsimit n\u00eb BE, \u00ebsht\u00eb di\u00e7ka e rrezikshme.\u201d<\/em><\/p>\n\n\n\n Qeveria e Partis\u00eb Socialiste t\u00eb Ram\u00ebs ka premtuar an\u00ebtar\u00ebsimin e Shqip\u00ebris\u00eb n\u00eb BE deri n\u00eb vitin 2030, por negociatat kan\u00eb ngecur q\u00eb prej vitit 2009, t\u00eb vonuara nga shqet\u00ebsimet mbi sundimin e ligjit, varf\u00ebrin\u00eb relative t\u00eb vendit dhe shqet\u00ebsimet mbi krimin e organizuar \u2014 ve\u00e7an\u00ebrisht dominimin e trafikut nd\u00ebrkomb\u00ebtar t\u00eb kokain\u00ebs nga klanet shqiptare.<\/p>\n\n\n\n Pushtimi i Ukrain\u00ebs nga Rusia i dha nj\u00eb shtys\u00eb t\u00eb re procesit t\u00eb an\u00ebtar\u00ebsimit, pasi zyrtar\u00ebt e BE-s\u00eb u ndien t\u00eb detyruar t\u00eb forconin rolin e bllokut n\u00eb epok\u00ebn e re t\u00eb konkurrenc\u00ebs gjeopolitike.<\/p>\n\n\n\n Por dritarja p\u00ebr an\u00ebtar\u00ebsim mund t\u00eb jet\u00eb e ngusht\u00eb dhe e p\u00ebrkohshme. Si p\u00ebr Partin\u00eb Socialiste n\u00eb pushtet, ashtu edhe p\u00ebr BE-n\u00eb, protestat masive t\u00eb k\u00ebsaj vere jan\u00eb nj\u00eb komplikim i pad\u00ebshiruar.<\/p>\n\n\n\n \u201cEvropa, kryesisht Komisioni Evropian, donte t\u00eb shihte gjith\u00eb progresin,\u201d m\u00eb tha Genc Pollo, nj\u00eb intelektual i njohur konservator shqiptar dhe ish-z\u00ebvend\u00ebskryeminist\u00ebr.<\/p>\n\n\n\n \u201cAta nuk donin t\u00eb shihnin hapat pas t\u00eb demokracis\u00eb dhe n\u00eb raportet e tyre vjetore i lan\u00eb jasht\u00eb t\u00eb gjitha problemet, p\u00ebr \u00e7far\u00ebdo arsye.\u201d<\/em><\/p>\n\n\n\n Skeptik ndaj progresit t\u00eb Shqip\u00ebris\u00eb n\u00ebn qeverin\u00eb e Ram\u00ebs, t\u00eb cil\u00ebn e cil\u00ebsoi si nj\u00eb \u201cnarco-shtet\u201d, t\u00eb drejtuar nga nj\u00eb \u201cregjim kleptokratik\u201d, Pollo m\u00eb tha: <\/p>\n\n\n\n \u201cRama ka lejuar q\u00eb rrjetet shqiptare, t\u00eb cilat sjellin kokain\u00eb nga Amerika Latine n\u00eb Evrop\u00ebn Qendrore dhe Veriore, t\u00eb pastrojn\u00eb parat\u00eb e tyre n\u00eb nd\u00ebrtim. Dhe pastaj, kur vijn\u00eb zgjedhjet, ata, me parat\u00eb dhe muskujt e tyre, e ndihmojn\u00eb at\u00eb t\u00eb marr\u00eb votat.\u201d<\/em><\/p>\n\n\n\n Por, sipas tij, diplomat\u00ebt evropian\u00eb jan\u00eb t\u00eb shurdh\u00ebr ndaj shqet\u00ebsimeve t\u00eb opozit\u00ebs.<\/p>\n\n\n\n \u201cEdi Rama \u00ebsht\u00eb mjesht\u00ebr n\u00eb skenografi, n\u00eb organizim, n\u00eb organizimin e samiteve n\u00eb Tiran\u00eb dhe n\u00eb mikpritjen e lider\u00ebve n\u00eb ndonj\u00eb restorant duke u servirur nj\u00eb pic\u00eb me fytyr\u00ebn e tij n\u00eb kutin\u00eb e pic\u00ebs, dhe pastaj aty ke edhe Presidentin e Komisionit Evropian thot\u00eb: \u2018Oh, kjo \u00ebsht\u00eb e mrekullueshme, kjo \u00ebsht\u00eb e mrekullueshme, o i dashur Edi\u2019.\u201d<\/em><\/p>\n\n\n\n N\u00ebn qeverisjen e Ram\u00ebs, PBB-ja e Shqip\u00ebris\u00eb \u00ebsht\u00eb pothuajse trefishuar brenda nj\u00eb dekade, nj\u00eb norm\u00eb rritjeje q\u00eb evropian\u00ebt per\u00ebndimor\u00eb vet\u00ebm mund ta ken\u00eb zili.<\/p>\n\n\n\n Kullat e reja, t\u00eb projektuara me tepri n\u00eb hovin e pasuris\u00eb s\u00eb re, ngrihen mbi arkitektur\u00ebn qytetare t\u00eb Tiran\u00ebs t\u00eb periudh\u00ebs s\u00eb Musolinit dhe mbi pak xhami osmane e bujtina t\u00eb mbijetuara. Deri von\u00eb t\u00eb konsideruara destinacione disi t\u00eb pazakonta, si Tirana ashtu edhe resortet e shumta bregdetare t\u00eb vendit tashm\u00eb jan\u00eb mbushur me turist\u00eb \u2014 evropian\u00eb t\u00eb veriut q\u00eb k\u00ebrkojn\u00eb diellin e ver\u00ebs, si dhe turq dhe arab\u00eb t\u00eb Gjirit q\u00eb k\u00ebrkojn\u00eb t\u2019i shp\u00ebtojn\u00eb atij. Kafenet\u00eb, baret dhe restorantet plot gjall\u00ebri jan\u00eb po aq elegante dhe komode sa kudo tjet\u00ebr n\u00eb Mesdhe, dhe p\u00ebr m\u00eb tep\u00ebr, duksh\u00ebm m\u00eb t\u00eb lira.<\/p>\n\n\n\n Pagat shqiptare nuk kan\u00eb ecur me t\u00eb nj\u00ebjtin rit\u00ebm si inflacioni i shpejt\u00eb i \u00e7mimeve, ve\u00e7an\u00ebrisht i ushqimeve dhe pronave, i shkaktuar nga fluksi i parave, qofshin t\u00eb ligjshme apo jo. N\u00eb disa aspekte, Edi Rama duket si viktim\u00eb e suksesit t\u00eb tij.<\/p>\n\n\n\n \u201cProtestuesit jan\u00eb nj\u00eb grup urban, kryesisht njer\u00ebz shum\u00eb t\u00eb arsimuar,\u201d thot\u00eb Pirro Vengu, deputet i Partis\u00eb Socialiste p\u00ebr Vlor\u00ebn, ku p\u00ebrfshihet edhe Zv\u00ebrneci, nd\u00ebrsa pim\u00eb kafe n\u00eb nj\u00eb prej atyre restoranteve elegante. \u201cParadoksi \u00ebsht\u00eb se kjo \u00ebsht\u00eb rinia q\u00eb \u00ebsht\u00eb rritur gjat\u00eb k\u00ebsaj qeverie. Pra, me sa duket, kemi b\u00ebr\u00eb di\u00e7ka si\u00e7 duhet, apo jo?\u201d<\/p>\n\n\n\n I ri, elegant dhe karizmatik, Vengu \u00ebsht\u00eb nj\u00eb yll n\u00eb ngjitje i politik\u00ebs shqiptare, t\u00eb cilin edhe kritik\u00ebt e qeveris\u00eb n\u00eb Zv\u00ebrnec pranuan me keqardhje se e p\u00eblqenin. \u201c\u00cbsht\u00eb gjithashtu plot\u00ebsisht legjitime q\u00eb shqiptar\u00ebt t\u00eb mos e krahasojn\u00eb m\u00eb vendin me t\u00eb kaluar\u00ebn e tij tragjike t\u00eb viteve \u201990. Nuk jemi m\u00eb vendi m\u00eb i varf\u00ebr n\u00eb Evrop\u00eb. Po e krahasojm\u00eb veten me Evrop\u00ebn Per\u00ebndimore, ku t\u00eb gjith\u00eb shqiptar\u00ebt kan\u00eb udh\u00ebtuar disa her\u00eb.\u201d<\/p>\n\n\n\n Pavar\u00ebsisht suksesit ekonomik t\u00eb vendit, diskursi politik shqiptar \u00ebsht\u00eb i mbushur me pretendime trondit\u00ebse p\u00ebr parregullsi, q\u00eb vijn\u00eb m\u00eb fort nga opozita. N\u00eb zyr\u00ebn e tij n\u00eb selin\u00eb e Partis\u00eb Demokratike, Sali Berisha, 81-vje\u00e7ari lider i opozit\u00ebs konservatore, doli nga pas nj\u00eb tavoline t\u00eb mbushur me letra p\u00ebr t\u00eb m\u00eb shtr\u00ebnguar dor\u00ebn. N\u00eb raftet e rr\u00ebmujshme pas tij, nj\u00eb kapele bejsbolli MAGA dhe nj\u00eb fotografi e kornizuar e N\u00ebn\u00eb Terez\u00ebs konkurronin p\u00ebr hap\u00ebsir\u00eb.<\/p>\n\n\n\n Lideri i par\u00eb i Shqip\u00ebris\u00eb i zgjedhur n\u00eb m\u00ebnyr\u00eb demokratike dhe arkitekti i orientimit per\u00ebndimor t\u00eb vendit, Berisha \u00ebsht\u00eb po aq qendror n\u00eb form\u00ebsimin e rrug\u00ebtimit modern t\u00eb Shqip\u00ebris\u00eb sa rivali i tij i betuar, Edi Rama. Vet\u00ebm pak jav\u00eb m\u00eb par\u00eb, administrata Trump, duke cituar arsye t\u00eb siguris\u00eb komb\u00ebtare, kishte hequr sanksionet e vendosura gjat\u00eb administrat\u00ebs Biden q\u00eb e ndalonin Berish\u00ebn t\u00eb hynte n\u00eb SHBA p\u00ebr shkak t\u00eb korrupsionit gjat\u00eb koh\u00ebs q\u00eb ishte n\u00eb detyr\u00eb, akuz\u00eb q\u00eb ai e mohon.<\/p>\n\n\n\n Sanksionet britanike mbeten n\u00eb fuqi \u2014 padrejt\u00ebsisht, m\u00eb tha Berisha, nd\u00ebrsa m\u00eb dor\u00ebzoi nj\u00eb kopje t\u00eb nj\u00eb dokumenti t\u00eb Foreign and Commonwealth Office lidhur me \u00e7\u00ebshtjen e tij dhe akuzoi ish-ambasadorin britanik se ishte \u201ckorruptuar\u201d nga Edi Rama.<\/p>\n\n\n\n Fluksi i parave nga aktivitetet kriminale, m\u00eb tha Berisha, kishte deformuar ekonomin\u00eb e vendit, duke shkat\u00ebrruar eksportet shqiptare drejt Evrop\u00ebs, nd\u00ebrsa parat\u00eb pastroheshin p\u00ebrmes projekteve t\u00eb nd\u00ebrtimit me vler\u00eb t\u00eb lart\u00eb.<\/p>\n\n\n\n \u201cN\u00ebse shikon k\u00ebt\u00eb vend,\u201d pyeti Berisha n\u00eb m\u00ebnyr\u00eb retorike, \u201c\u00e7far\u00eb do t\u00eb gjesh? Do t\u00eb gjesh nj\u00eb fuqi t\u00eb jasht\u00ebzakonshme n\u00eb duart e Edi Ram\u00ebs dhe qeveris\u00eb s\u00eb tij, q\u00eb \u00ebsht\u00eb fuqia e drog\u00ebs. Fuqia e drog\u00ebs \u00ebsht\u00eb shum\u00eb, shum\u00eb miliarda euro. Fuqia e drog\u00ebs, e karteleve shqiptare t\u00eb drog\u00ebs, kontrollon gjith\u00e7ka n\u00eb k\u00ebt\u00eb vend.\u201d<\/em><\/p>\n\n\n\n I rikthyer s\u00eb fundmi n\u00eb vij\u00ebn e par\u00eb t\u00eb politik\u00ebs pasi mposhti rival\u00ebt e brendsh\u00ebm n\u00eb Partin\u00eb Demokratike, Berisha i sheh protestat si nj\u00eb rrug\u00eb p\u00ebr t\u2019u rikthyer n\u00eb pushtet ose, t\u00eb pakt\u00ebn, p\u00ebr t\u00eb dob\u00ebsuar kontrollin e rivalit t\u00eb tij t\u00eb hidhur Rama mbi pushtet. Ai pranon se \u201cndoshta 20%\u201d e sloganeve k\u00ebrkonin burgosjen e tij, por siguron se k\u00ebto k\u00ebrkesa b\u00ebheshin vet\u00ebm nga \u201cgrupe ekstremiste t\u00eb majta\u201d. N\u00eb pjes\u00ebn m\u00eb t\u00eb madhe, tha ai, protestuesit ishin kund\u00ebr qeveris\u00eb, \u201cdhe kauza e tyre \u00ebsht\u00eb e drejt\u00eb. [Ajo] \u00ebsht\u00eb kauza jon\u00eb. Prandaj ne e mb\u00ebshtesim plot\u00ebsisht, e respektojm\u00eb plot\u00ebsisht dhe nuk p\u00ebrpiqemi t\u00eb marrim drejtimin e saj.\u201d<\/p>\n\n\n\n Sa i p\u00ebrket rivalit t\u00eb tij, Berisha m\u00eb tha:<\/p>\n\n\n\n \u201cEdi Rama e trajton Shqip\u00ebrin\u00eb si feudin e tij personal, ku mund t\u00eb b\u00ebj\u00eb gjith\u00e7ka. Si nj\u00eb sulltan, n\u00eb nj\u00eb sulltanat t\u00eb shekujve t\u00eb kaluar, ku ajri, toka dhe uji konsiderohen pron\u00eb e sulltanit.\u201d<\/em><\/p>\n\n\n\n Zyra e Kryeministrit ndodhet n\u00eb nj\u00eb nd\u00ebrtes\u00eb t\u00eb bukur e nd\u00ebrtuar n\u00eb vitin 1941, e projektuar p\u00ebr t\u00eb strehuar guvernatorin kolonial italian.<\/p>\n\n\n\n Punonj\u00ebsit atje m\u00eb shoq\u00ebruan n\u00ebp\u00ebr korridore t\u00eb gjata, t\u00eb veshura me qeramika klasike greke dhe osmane, deri n\u00eb zyr\u00ebn e Edi Ram\u00ebs, ku ai m\u00eb injoroi n\u00eb m\u00ebnyr\u00eb t\u00eb dukshme p\u00ebr nj\u00ebfar\u00eb kohe, i z\u00ebn\u00eb duke l\u00ebvizur gishtin n\u00eb telefonin e tij.<\/p>\n\n\n\n Rama kishte qen\u00eb artist dhe shkrimtar p\u00ebrpara se t\u00eb hynte n\u00eb politik\u00eb si kryebashkiak reformist i Tiran\u00ebs, politika e t\u00eb cilit p\u00ebr zbukurimin e kryeqytetit e kishte kthyer at\u00eb n\u00eb nj\u00eb destinacion t\u00eb fotografuesh\u00ebm n\u00eb Instagram dhe vet\u00eb Ram\u00ebn n\u00eb sundimtarin e dyt\u00eb m\u00eb jet\u00ebgjat\u00eb t\u00eb Shqip\u00ebris\u00eb q\u00eb nga pavar\u00ebsia n\u00eb vitin 1912, i tejkaluar vet\u00ebm nga diktatura komuniste.<\/p>\n\n\n\n Nj\u00eb burr\u00eb i madh dhe me pamje imponuese, i veshur at\u00eb dit\u00eb t\u00ebr\u00ebsisht me t\u00eb zeza, p\u00ebrve\u00e7 atleteve t\u00eb bardha pa asnj\u00eb njoll\u00eb, Rama i fuqish\u00ebm intelektualisht \u00ebsht\u00eb po aq karizmatik sa edhe intimidues. <\/p>\n\n\n\n Por intervistat e tij t\u00eb fundit nd\u00ebrkomb\u00ebtare kishin qen\u00eb t\u00eb v\u00ebshtira dhe atmosfera n\u00eb zyr\u00eb ishte e tensionuar. Kur m\u00eb n\u00eb fund u ul pran\u00eb meje, duke u mb\u00ebshtetur n\u00eb karrige, e pyeta p\u00ebr mendimin e tij mbi protestat.<\/p>\n\n\n\n \u201cProtestat sot nuk jan\u00eb protestat e qershorit, k\u00ebshtu q\u00eb njer\u00ebzit q\u00eb fol\u00ebn sot jan\u00eb t\u00eb ndrysh\u00ebm. Ata jan\u00eb t\u00eb angazhuar me partit\u00eb politike. Jan\u00eb t\u00eb angazhuar me partit\u00eb opozitare, me partit\u00eb e vogla t\u00eb opozit\u00ebs, me t\u00eb majt\u00ebt e ekstremit dhe t\u00eb djatht\u00ebt e ekstremit,\u201d pretendoi ai.<\/p>\n\n\n\n \u201cNd\u00ebrsa protestat e qershorit ishin ndryshe, ishin m\u00eb t\u00eb m\u00ebdha, shum\u00eb njer\u00ebz q\u00eb votuan p\u00ebr ne ishin aty.\u201d<\/p>\n\n\n\n N\u00eb \u00e7do rast, \u201cjam shum\u00eb, shum\u00eb krenar q\u00eb kemi pasur nj\u00eb protest\u00eb kaq t\u00eb madhe p\u00ebr kaq shum\u00eb dit\u00eb n\u00eb m\u00ebnyr\u00ebn m\u00eb paq\u00ebsore dhe q\u00eb askush nuk u l\u00ebndua, askush nuk u pengua t\u00eb b\u00ebnte at\u00eb q\u00eb donte,\u201d shtoi ai.<\/p>\n\n\n\n \u201cN\u00eb fund t\u00eb fundit, kjo protest\u00eb tregon nj\u00eb vend q\u00eb \u00ebsht\u00eb si nj\u00eb vend normal evropian, ku ke protesta.\u201d<\/p>\n\n\n\n Duke p\u00ebrs\u00ebritur pretendimin e qeveris\u00eb s\u00eb tij se protestat po nxiteshin nga aktor\u00eb t\u00eb huaj, ai sugjeroi se \u201calgoritmi b\u00ebri shum\u00eb p\u00ebr t\u2019i sjell\u00eb n\u00eb bulevard, e kupton? Po t\u00eb them, nj\u00eb nga gj\u00ebrat q\u00eb kemi par\u00eb nga ana tjet\u00ebr e pasqyr\u00ebs, n\u00eb rrjetet sociale, \u00ebsht\u00eb se nj\u00eb p\u00ebrqindje shum\u00eb e lart\u00eb e p\u00ebrmbajtjes prodhohet jasht\u00eb nd\u00ebrtes\u00ebs. Nuk \u00ebsht\u00eb shqiptare.\u201d<\/p>\n\n\n\n “N\u00eb t\u00eb v\u00ebrtet\u00eb”, – shtoi Rama, \u201cN\u00ebse kjo nuk do t\u00eb kishte qen\u00eb p\u00ebr Jared Kushnerin dhe Trumpin dhe Ivanka-n dhe gjith\u00eb llojet e fantazive, kjo nuk do t\u00eb kishte qen\u00eb kaq e mir\u00eb p\u00ebr algoritmin,\u201d por lidhja me Kushnerin \u201ci karikoi njer\u00ebzit anti-Trump\u201d.<\/p>\n\n\n\n Kur kund\u00ebrshtova, ai shtoi: \u201cTi je nj\u00eb p\u00ebrjashtim n\u00eb k\u00ebt\u00eb mes, n\u00ebse nuk po k\u00ebrkon nj\u00eb k\u00ebndv\u00ebshtrim p\u00ebr t\u00eb th\u00ebn\u00eb se sa i tmerrsh\u00ebm \u00ebsht\u00eb Trumpi dhe se si ka vrar\u00eb flamingot n\u00eb Shqip\u00ebri.\u201d<\/p>\n\n\n\n Por as Trumpi dhe as flamingot nuk duken si burimi kryesor i pak\u00ebnaq\u00ebsis\u00eb n\u00eb Zv\u00ebrnec.<\/p>\n\n\n\n \u201cShqip\u00ebria nuk \u00ebsht\u00eb demokraci,\u201d m\u00eb tha nj\u00eb burr\u00eb i moshuar n\u00eb fshat, n\u00eb greqishten e tij me theks t\u00eb fort\u00eb. \u201cAta jan\u00eb hajdut\u00eb, t\u00eb gjith\u00eb, Edi Rama dhe Sali Berisha jan\u00eb nj\u00ebsoj,\u201d tha ai, duke f\u00ebrkuar gishtat tregues me gishtin e madh p\u00ebr ta theksuar. \u201cNuk kemi pasur uj\u00eb k\u00ebtu p\u00ebr dy muaj. Duhet t\u00eb p\u00ebrdor pusin tim t\u00eb vog\u00ebl, por pastaj ata na marrin gjith\u00e7ka q\u00eb kemi p\u00ebr vete.\u201d<\/p>\n\n\n\n Nj\u00eb grua vendase ra dakord. \u201cAta m\u00eb kan\u00eb marr\u00eb ullishtet e babait tim t\u00eb moshuar. K\u00ebto parcela i kemi pasur brez pas brezi, por ata nuk na japin dokumentet q\u00eb thon\u00eb se na p\u00ebrkasin neve, madje as p\u00ebr sht\u00ebpin\u00eb ku jetojm\u00eb.\u201d<\/p>\n\n\n\n \u201cAta jan\u00eb hajdut\u00eb, t\u00eb gjith\u00eb, Edi Rama dhe Sali Berisha jan\u00eb nj\u00ebsoj.\u201d<\/strong><\/p>\n\n\n\n P\u00ebr vendlindjen e kriz\u00ebs politike shqiptare, Zv\u00ebrneci \u00ebsht\u00eb nj\u00eb vend i qet\u00eb, nj\u00eb fshat me disa qindra banor\u00eb, kryesisht grek\u00eb etnik\u00eb ose barinj vlleh\u00eb t\u00eb helenizuar.<\/p>\n\n\n\n Pran\u00eb qytetit jugor t\u00eb Vlor\u00ebs, baret e zhurmshme t\u00eb plazhit shtrihen p\u00ebrgjat\u00eb vij\u00ebs ranore deri n\u00eb kufijt\u00eb e fshatit. Zv\u00ebrneci pasqyron nj\u00eb Mesdhe m\u00eb t\u00eb vjet\u00ebr e t\u00eb paprekur, q\u00eb gjithnj\u00eb e m\u00eb shum\u00eb po b\u00ebhet nj\u00eb kujtim nostalgjik edhe n\u00eb Shqip\u00ebri.<\/p>\n\n\n\n Zogj uji l\u00ebshojn\u00eb tinguj n\u00eb k\u00ebnetat bregdetare t\u00eb delt\u00ebs s\u00eb Vjos\u00ebs, gjinkallat zukasin n\u00eb ullishtet e mbrojtura nga dielli p\u00ebrv\u00eblues i ver\u00ebs: gjith\u00e7ka t\u00eb sjell nd\u00ebr mend Greqin\u00eb e 30 ose 40 viteve m\u00eb par\u00eb.<\/p>\n\n\n\n \u201cNe duam investime, por jo k\u00ebt\u00eb investim,\u201d m\u00eb tha nj\u00eb grua.<\/p>\n\n\n\n \u201cKjo \u00ebsht\u00eb toka jon\u00eb dhe ne nuk e kemi marr\u00eb kurr\u00eb tok\u00ebn e familjes son\u00eb q\u00eb nga viti 1991. Gjithashtu nuk duam izraelit\u00eb k\u00ebtu \u2014 kjo \u00ebsht\u00eb tok\u00eb shqiptare dhe n\u00ebse vijn\u00eb k\u00ebtu, do t\u2019i vrasim.\u201d<\/p>\n\n\n\n N\u00eb plazhin e eg\u00ebr ranor t\u00eb Portonovos n\u00eb Zv\u00ebrnec, bosh, p\u00ebrve\u00e7 disa familjeve vendase q\u00eb lumturisht injoronin tabelat q\u00eb ndalonin larjen, takova Kost\u00eb Xhahon, koordinatorin lokal t\u00eb projektit p\u00ebr PPNEA, OJQ-ja m\u00eb e madhe mjedisore n\u00eb Shqip\u00ebri.<\/p>\n\n\n\n Ky, m\u00eb tha ai, \u00ebsht\u00eb nj\u00eb nga zonat m\u00eb t\u00eb r\u00ebnd\u00ebsishme p\u00ebr folenizimin e breshkave dhe \u201cGround Zero\u201d e protestave q\u00eb m\u00eb pas ishin zhvendosur n\u00eb qend\u00ebr t\u00eb Tiran\u00ebs.<\/p>\n\n\n\n \u201cNe nis\u00ebm t\u00eb protestojm\u00eb k\u00ebtu. Pastaj nis\u00ebm t\u00eb luftojm\u00eb me ato buldozer\u00eb q\u00eb nis\u00ebn t\u00eb nd\u00ebrtonin nj\u00eb rrug\u00eb dhe me kamion\u00ebt n\u00eb zon\u00ebn e mbrojtur. Pastaj nis\u00ebm t\u00eb p\u00ebrplaseshim me rojet q\u00eb vendos\u00ebn n\u00eb gardhe dhe tani po luftojm\u00eb me qeverin\u00eb q\u00eb t\u00eb ndryshoj\u00eb ligjin, n\u00eb m\u00ebnyr\u00eb q\u00eb kjo zon\u00eb t\u00eb mbetet e mbrojtur p\u00ebrgjithmon\u00eb.\u201d<\/p>\n\n\n\n D\u00ebshira e PPNEA-s \u00ebsht\u00eb q\u00eb plazhi dhe pjesa tjet\u00ebr e bregdetit t\u00eb mbeten tok\u00eb publike, si\u00e7 kan\u00eb qen\u00eb q\u00eb n\u00eb Mbret\u00ebrin\u00eb Shqiptare t\u00eb Mbretit Zog. Por \u00ebsht\u00eb nj\u00eb mall me vler\u00eb t\u00eb madhe tregtare, si p\u00ebr ata q\u00eb e kan\u00eb punuar prej brezash, ashtu edhe p\u00ebr Kushner\u00ebt. Dhe nuk \u00ebsht\u00eb e qart\u00eb n\u00ebse vet\u00eb banor\u00ebt duan q\u00eb zona t\u00eb mbetet e pazhvilluar apo t\u00eb p\u00ebrfitojn\u00eb nga bumi turistik q\u00eb besojn\u00eb se Shehu ua ka vjedhur.<\/p>\n\n\n\n N\u00eb Vlor\u00ebn e af\u00ebrt, opinioni vendas \u00ebsht\u00eb duksh\u00ebm m\u00eb pozitiv ndaj projektit t\u00eb Kushner\u00ebve. <\/p>\n\n\n\n \u201cK\u00ebta njer\u00ebz [n\u00eb Zv\u00ebrnec] jan\u00eb budallenj,\u201d m\u00eb tha nj\u00eb shofer taksie n\u00eb Vlor\u00eb.<\/p>\n\n\n\n \u201cNuk duan t\u00eb ecin p\u00ebrpara, por \u00ebsht\u00eb nj\u00eb nga investimet m\u00eb t\u00eb m\u00ebdha n\u00eb Evrop\u00eb. Do t\u00eb jet\u00eb shum\u00eb mir\u00eb p\u00ebr qytetin ton\u00eb. Thjesht shpresoj t\u00eb jet\u00eb ashtu si\u00e7 thon\u00eb dhe q\u00eb Izraeli t\u00eb mos nd\u00ebrtoj\u00eb nj\u00eb baz\u00eb atje,\u201d shtoi ai.<\/p>\n\n\n\n Megjithat\u00eb, ai m\u00eb tha se i mb\u00ebshteste protestat n\u00eb Tiran\u00eb \u201csepse jan\u00eb p\u00ebr \u00e7mimet e larta. Shqip\u00ebria \u00ebsht\u00eb ende nj\u00eb vend shum\u00eb i varf\u00ebr dhe shum\u00eb i korruptuar.\u201d E pyeta k\u00eb kishte votuar. \u201cRam\u00ebn, sigurisht,\u201d tha ai, duke m\u00eb par\u00eb sikur t\u2019i kisha b\u00ebr\u00eb nj\u00eb pyetje idiote. \u201c\u00c7do her\u00eb Edi Ram\u00ebn.\u201d<\/p>\n\n\n\n P\u00ebr Ram\u00ebn, i rizgjedhur pak m\u00eb shum\u00eb se nj\u00eb vit m\u00eb par\u00eb p\u00ebr nj\u00eb mandat t\u00eb kat\u00ebrt, protestat kan\u00eb ardhur si nj\u00eb reagim q\u00eb e ka shokuar.<\/p>\n\n\n\n N\u00eb dokumentin strategjik \u201cBesa\u201d, t\u00eb publikuar s\u00eb fundmi, emri i t\u00eb cilit i referohet betimit t\u00eb pathyesh\u00ebm q\u00ebndror n\u00eb kultur\u00ebn tradicionale shqiptare, qeveria e Ram\u00ebs deklaroi se \u201cbulevardi i flamingove\u201d paraqiste \u201cnj\u00eb pasqyr\u00eb q\u00eb shoq\u00ebria ia vuri p\u00ebrpara qeveris\u00eb p\u00ebr ta detyruar t\u00eb shoh\u00eb vetveten\u201d, dhe d\u00ebshmi se \u201cgjithnj\u00eb e m\u00eb shum\u00eb shqiptar\u00eb, p\u00ebrfshir\u00eb edhe m\u00eb t\u00eb moshuarit, nuk e krahasojn\u00eb m\u00eb Shqip\u00ebrin\u00eb q\u00eb kemi me at\u00eb q\u00eb kishim n\u00eb vitin 2013, por vet\u00ebm me at\u00eb q\u00eb ata vet\u00eb besojn\u00eb se Shqip\u00ebria mund dhe duhet t\u00eb jet\u00eb\u201d.<\/p>\n\n\n\n Nj\u00eb pjes\u00eb e madhe e dokumentit Besa duket se bazohet n\u00eb v\u00ebzhgimin e de Tocqueville se momenti m\u00eb i rreziksh\u00ebm p\u00ebr \u00e7do regjim \u00ebsht\u00eb kur pritshm\u00ebrit\u00eb n\u00eb rritje, t\u00eb krijuara nga reformat e nd\u00ebrmarra tashm\u00eb, b\u00ebjn\u00eb q\u00eb padrejt\u00ebsit\u00eb e mbetura t\u00eb duken t\u00eb patolerueshme.<\/p>\n\n\n\n \u201cQytetari q\u00eb ka m\u00eb shum\u00eb se dje,\u201d shkruajn\u00eb autor\u00ebt e strategjis\u00eb, \u201c\u00ebsht\u00eb nj\u00eb qytetar m\u00eb i pak\u00ebnaqur. Pik\u00ebrisht sepse sot jeton m\u00eb mir\u00eb se dje, ai beson gjithashtu se vendi i tij \u00ebsht\u00eb n\u00eb gjendje t\u00eb b\u00ebj\u00eb shum\u00eb m\u00eb tep\u00ebr nga sa b\u00ebn sot.\u201d<\/p>\n\n\n\n N\u00eb nj\u00eb let\u00ebr t\u00eb hapur t\u00eb koh\u00ebve t\u00eb fundit, zyrtarja e Partis\u00eb Socialiste dhe besnikja e Ram\u00ebs, Elisa Spiropali, e larguar s\u00eb fundmi nga posti i ministres p\u00ebr Evrop\u00ebn, deklaroi se protestat p\u00ebrfaq\u00ebsojn\u00eb nj\u00eb \u201cmobilizim politik dhe social, ve\u00e7an\u00ebrisht t\u00eb brezit t\u00eb ri, q\u00eb nuk mund t\u00eb injorohet pa pasoja\u201d.<\/p>\n\n\n\n N\u00eb at\u00eb q\u00eb mund t\u00eb lexohet vet\u00ebm si nj\u00eb kritik\u00eb ndaj stilit t\u00eb qeverisjes s\u00eb Ram\u00ebs, Spiropali deklaroi se Shqip\u00ebria ka nevoj\u00eb p\u00ebr \u201cjo m\u00eb shum\u00eb personalizim t\u00eb pushtetit, por institucione m\u00eb t\u00eb forta se individ\u00ebt\u201d, \u201cm\u00eb shum\u00eb p\u00ebrul\u00ebsi, m\u00eb pak arroganc\u00eb\u201d, \u201cm\u00eb shum\u00eb p\u00ebrfaq\u00ebsim dhe m\u00eb pak p\u00ebrqendrim t\u00eb vendimmarrjes\u201d, p\u00ebr t\u00eb nd\u00ebrtuar \u201cnj\u00eb shtet ku ligji q\u00ebndron mbi pushtetin dhe ku pushteti nuk identifikohet me nj\u00eb person t\u00eb vet\u00ebm\u201d.<\/p>\n\n\n\n Kur e pyeta Edi Ram\u00ebn n\u00ebse letra e hapur e Spiropalit n\u00ebnvizonte p\u00ebr\u00e7arje t\u00eb brendshme n\u00eb Partin\u00eb Socialiste, ai e mbylli pyetjen. \u201cKjo \u00ebsht\u00eb nj\u00eb gj\u00eb shum\u00eb e brendshme, e vendit,\u201d tha ai.<\/p>\n\n\n\n \u201cDhe ne duhet ta mbajm\u00eb p\u00ebr vete, sepse nuk mendoj se duhet t\u2019i eksportojm\u00eb gj\u00ebrat tona t\u00eb brendshme jasht\u00eb p\u00ebr audienc\u00ebn, sepse pastaj b\u00ebhet si ushqim p\u00ebr kureshtjen, duke ushqyer me gj\u00ebra kurioze nj\u00eb audienc\u00eb q\u00eb nuk \u00ebsht\u00eb aspak brenda historis\u00eb, q\u00eb nuk \u00ebsht\u00eb e informuar apo asgj\u00eb.\u201d<\/em><\/p>\n\n\n\n Por opozita nuk kishte t\u00eb nj\u00ebjtat skrupuj, iu p\u00ebrgjigja un\u00eb, duke shtuar se Berisha kishte b\u00ebr\u00eb akuza konkrete se figura politike brenda rrethit t\u00eb ngusht\u00eb t\u00eb Ram\u00ebs kishin marr\u00eb pjes\u00eb n\u00eb takimin n\u00eb Aruba me t\u00eb dyshuarin p\u00ebr trafik droge Artur Shehu dhe se qeveria kishte lidhje t\u00eb pak\u00ebndshme me bos\u00ebt e krimit t\u00eb organizuar.<\/p>\n\n\n\n \u201cKu \u00ebsht\u00eb? Kush, ku? Ku? Ku \u00ebsht\u00eb fotografia? Ku \u00ebsht\u00eb dokumenti? Ku jan\u00eb biletat? Ku, ku?\u201d u p\u00ebrgjigj ai.<\/p>\n\n\n\n \u201cPra, si do t\u00eb p\u00ebrgjigjeshe ti,\u201d shtoi ai, duke m\u00eb treguar me gisht, \u201cp\u00ebr shembull, ndaj nj\u00eb pretendimi se dje ke qen\u00eb me disa trafikant\u00eb droge n\u00eb hotelin ku po fle? Si p\u00ebrgjigjesh?\u201d<\/p>\n\n\n\n Ai vazhdoi: \u201cPo, figurat e opozit\u00ebs mund t\u00eb t\u00eb thon\u00eb shum\u00eb gj\u00ebra, por nuk jam un\u00eb ai q\u00eb duhet t\u00eb t\u00eb them n\u00ebse jemi t\u00eb lidhur apo jo; \u00ebsht\u00eb detyr\u00eb e tyre t\u00eb provojn\u00eb n\u00ebse jemi t\u00eb lidhur apo jo, sepse jam v\u00ebrtet i neveritur prej vitesh nga fakti q\u00eb n\u00eb k\u00ebt\u00eb vend\u2026 barra e prov\u00ebs u ka kaluar atyre q\u00eb akuzohen.\u201d<\/p>\n\n\n\n I pyetur p\u00ebr p\u00ebrshkrimin e Shqip\u00ebris\u00eb nga opozita si nj\u00eb \u201cnarco-shtet\u201d, Rama e hodhi posht\u00eb plot\u00ebsisht iden\u00eb.<\/p>\n\n\n\n \u201cMund t\u00eb thuash \u00e7far\u00eb t\u00eb duash. Por \u2018narco-shtet\u2019, nj\u00eb narco-shtet q\u00eb ka nisur t\u00eb mbyll\u00eb kapitujt e negociatave me BE-n\u00eb? Nuk p\u00ebrputhet n\u00eb asnj\u00eb m\u00ebnyr\u00eb. N\u00ebse Shqip\u00ebria ka probleme me korrupsionin, Shqip\u00ebria nuk e ka luftuar kurr\u00eb korrupsionin si\u00e7 e ka luftuar k\u00ebto vite. N\u00ebse Shqip\u00ebria ka probleme me krimin, Shqip\u00ebria nuk e ka luftuar kurr\u00eb krimin si\u00e7 e ka luftuar k\u00ebto vite.\u00a0Dhe kur vjen puna te krimi, po t\u00eb them, ne paguajm\u00eb nj\u00eb \u00e7mim t\u00eb madh n\u00eb Ballkan p\u00ebr faktin se njer\u00ebzit nga Ballkani jan\u00eb shum\u00eb aktiv\u00eb n\u00eb krimin e organizuar. Jasht\u00eb. Por industria e krimit nuk \u00ebsht\u00eb k\u00ebtu. \u00cbsht\u00eb atje.\u201d<\/em><\/p>\n\n\n\n Duke iu referuar faktit se un\u00eb jam gazetar, ai shtoi: \u201cTi e njeh narco-shtetin, besoj, e di se si ndihen, e di se si ndihen vendet e varfra dhe t\u00eb korruptuara, e di se si ndihen vendet me t\u00eb ardhura t\u00eb mesme. Nuk mendoj se ke nevoj\u00eb p\u00ebr mua apo p\u00ebr dik\u00eb tjet\u00ebr q\u00eb t\u00eb t\u00eb tregoj\u00eb se n\u00eb \u00e7far\u00eb lloj vendi je, me t\u00eb gjitha t\u00eb mirat dhe t\u00eb k\u00ebqijat\u2026 K\u00ebtu nuk ndihesh i pasigurt, nuk ndihesh si n\u00eb nj\u00eb vend i varf\u00ebr, nuk i ndien t\u00eb gjitha k\u00ebto gj\u00ebra.\u201d<\/p>\n\n\n\n E pyeta Ram\u00ebn n\u00ebse, pasi kishte siguruar vendin e tij si nj\u00eb prej figurave m\u00eb t\u00eb r\u00ebnd\u00ebsishme n\u00eb historin\u00eb e Shqip\u00ebris\u00eb, shqet\u00ebsohej se p\u00ebrshkall\u00ebzimi i protestave mund t\u00eb d\u00ebmtonte trash\u00ebgimin\u00eb e tij.<\/p>\n\n\n\n \u201cJo, si mund ta k\u00ebrc\u00ebnojn\u00eb protestat trash\u00ebgimin\u00eb?\u201d, tha ai. \u201cM\u00eb p\u00eblqen presioni.\u201d<\/p>\n\n\n\n Ai kishte kaluar edhe dy val\u00eb t\u00eb m\u00ebparshme protestash, m\u00eb tha, ndoshta m\u00eb t\u00eb m\u00ebdha se ato t\u00eb sotmet: n\u00eb vitin 2013, pak pasi kishte ardhur n\u00eb pushtet, dhe n\u00eb vitin 2018.<\/p>\n\n\n\n \u201cKur erdhi e para, u t\u00ebrhoqa sepse kishin t\u00eb drejt\u00eb. Kishin nj\u00eb argument shum\u00eb t\u00eb fort\u00eb. Thash\u00eb, keni t\u00eb drejt\u00eb, do ta ndalojm\u00eb. Dhe mbaroi, ata mor\u00ebn at\u00eb q\u00eb donin. Her\u00ebn e dyt\u00eb, nuk u t\u00ebrhoqa. Por nisa nj\u00eb dialog me ta dhe b\u00ebm\u00eb gj\u00ebra t\u00eb mira. K\u00ebt\u00eb her\u00eb, kam m\u00ebsuar gj\u00ebra, k\u00ebshtu q\u00eb nuk do t\u00eb t\u00ebrhiqemi nga projekti [i Zv\u00ebrnecit], me siguri. Por do t\u00eb b\u00ebjm\u00eb nj\u00eb proces [konsultimi].\u201d<\/p>\n\n\n\n N\u00eb fund shtoi: \u201cUn\u00eb besoj fort se projekti do ta mbyll\u00eb plot\u00ebsisht k\u00ebt\u00eb kapitull, sepse do t\u00eb jet\u00eb i bukur.\u201d<\/p>\n\n\n\n Shum\u00eb shqiptar\u00eb me t\u00eb cil\u00ebt fola, p\u00ebrfshir\u00eb edhe ata q\u00eb n\u00eb p\u00ebrgjith\u00ebsi e mb\u00ebshtesnin Ram\u00ebn, e krahasuan situat\u00ebn e tij me at\u00eb t\u00eb njeriut t\u00eb fort\u00eb t\u00eb Serbis\u00eb, Aleksandar Vu\u00e7i\u00e7 \u2014 jo nj\u00eb krahasim aspak p\u00ebr t’u lavd\u00ebruar n\u00eb Shqip\u00ebri \u2014 i cili gjithashtu ka fituar favorin e BE-s\u00eb nd\u00ebrsa p\u00ebrballet me muaj t\u00eb t\u00ebr\u00eb protestash n\u00eb rrug\u00eb.<\/p>\n\n\n\n Edhe pse nuk ka gjasa q\u00eb protestat, vet\u00ebm, ta rr\u00ebzojn\u00eb Ram\u00ebn, ato nxjerrin qart\u00eb n\u00eb pah nj\u00eb pak\u00ebnaq\u00ebsi n\u00eb rritje ndaj sistemit dypartiak dhe politik\u00ebs aktuale t\u00eb patronazhit.<\/p>\n\n\n\n Kryesisht t\u00eb rinj, liberal\u00eb dhe shum\u00eb t\u00eb arsimuar, protestuesit jan\u00eb, n\u00eb nj\u00eb mas\u00eb t\u00eb madhe, f\u00ebmij\u00ebt politik\u00eb t\u00eb Edi Ram\u00ebs.<\/p>\n\n\n\n P\u00ebr gati nj\u00eb brez, modeli i Ram\u00ebs i zhvillimit t\u00eb shpejt\u00eb, paternalizmit dashamir\u00ebs ka transformuar vendin n\u00eb nj\u00eb ekonomi realisht dinamike dhe n\u00eb lul\u00ebzim, me nj\u00eb rit\u00ebm marramend\u00ebs.<\/p>\n\n\n\n Por, si banor\u00ebt e Zv\u00ebrnecit, edhe shtresat e mesme t\u00eb Tiran\u00ebs ndihen m\u00eb t\u00eb varfra, jo m\u00eb t\u00eb pasura, p\u00ebrball\u00eb rritjes s\u00eb dukshme dhe pasuris\u00eb q\u00eb po mbin p\u00ebrreth tyre.<\/p>\n\n\n\n P\u00ebr v\u00ebzhguesit per\u00ebndimor\u00eb, tashm\u00eb t\u00eb m\u00ebsuar me pagat e ndenjura dhe kufizimet e sistemeve dypartiake, kriza politike e Shqip\u00ebris\u00eb tregon, n\u00eb m\u00ebnyr\u00eb ironike, se sa evropian \u00ebsht\u00eb b\u00ebr\u00eb vendi, edhe pse mbetet n\u00eb dhom\u00ebn e pritjes ballkanike t\u00eb BE-s\u00eb.<\/p>\n\n\n\n Me protestat q\u00eb vazhdojn\u00eb, n\u00eb kund\u00ebrshtim me pritshm\u00ebrit\u00eb e para, edhe gjat\u00eb gushtit, mund\u00ebsia e p\u00ebrshkall\u00ebzimit t\u00eb tyre n\u00eb motin m\u00eb t\u00eb fresk\u00ebt t\u00eb vjesht\u00ebs, kur pushuesit t\u00eb jen\u00eb kthyer n\u00eb sht\u00ebpi dhe student\u00ebt t\u00eb jen\u00eb kthyer n\u00eb m\u00ebsime, duket se po rritet.<\/p>\n\n\n\n Por duke balancuar p\u00ebrpjekjet p\u00ebr miratimin e v\u00ebzhguesve t\u00eb BE-s\u00eb, me ato t\u00eb administrat\u00ebs s\u00eb paparashikueshme dhe lakmitare Trump, me ato t\u00eb partis\u00eb s\u00eb nd\u00ebrtuar sipas imazhit t\u00eb tij dhe ato t\u00eb votuesve t\u00eb tij gjithnj\u00eb e m\u00eb t\u00eb shqet\u00ebsuar, Rama projektonte vet\u00ebm qet\u00ebsi.<\/p>\n\n\n\n I mb\u00ebshtetur n\u00eb kolltukun e tij n\u00eb fund t\u00eb takimit, ai m\u00eb tha:<\/p>\n\n\n\n \u201cD\u00ebgjo, un\u00eb jam k\u00ebtu prej 13 vitesh. Pra, kam edhe tre vite. Nuk kam asgj\u00eb p\u00ebr t\u2019i provuar vetes. Sepse n\u00eb fillim, e di, ka shum\u00eb gj\u00ebra q\u00eb duhet t\u2019ia provosh vetes. Si\u00e7 the ti, un\u00eb e kam vendin tim n\u00eb historin\u00eb e k\u00ebtij vendi. Pastaj, se n\u00eb \u00e7far\u00eb drite do t\u00eb shihet kjo, do ta vendos\u00eb populli.\u201d<\/p>\n\n\n\n Por manovrimi n\u00eb rrethanat e paparashikueshme t\u00eb administrat\u00ebs s\u00eb dyt\u00eb Trump ka shtuar presionin mbi Edi Ram\u00ebn, p\u00ebrpjekjet e t\u00eb cilit p\u00ebr t\u00eb fituar favorin e presidentit amerikan \u2014 qoft\u00eb duke e futur Shqip\u00ebrin\u00eb n\u00eb skem\u00ebn e diskutueshme t\u00eb Trumpit p\u00ebr Bordin e Paqes, qoft\u00eb duke shtyr\u00eb p\u00ebrpara projektin e diskutuesh\u00ebm imobiliar t\u00eb familjes Kushner \u2014 kan\u00eb nxjerr\u00eb n\u00eb pah \u00e7arje m\u00eb par\u00eb t\u00eb fshehura brenda baz\u00ebs s\u00eb tij elektorale.<\/p>\n\n\n\n Shp\u00ebrblimi i vet\u00ebm i Ram\u00ebs deri tani ka qen\u00eb rehabilitimi i papritur nga Uashingtoni i rivalit t\u00eb tij m\u00eb t\u00eb madh politik, Sali Berish\u00ebs, n\u00eb at\u00eb q\u00eb mund t\u00eb lexohet vet\u00ebm si nj\u00eb m\u00ebnyr\u00eb p\u00ebr t\u00eb ushtruar presion amerikan.<\/p>\n\n\n\n \u201cShum\u00eb gj\u00ebra do t\u00eb varen nga shtatori,\u201d m\u00eb tha Sali Berisha. \u201cA do t\u2019i rigjall\u00ebrojn\u00eb, do t\u2019i rimobilizojn\u00eb? A do t\u00eb arrijn\u00eb partit\u00eb opozitare t\u00eb bashkohen n\u00eb nj\u00eb front t\u00eb madh? T\u00eb k\u00ebmb\u00ebngulin p\u00ebr nj\u00eb qeveri kujdestare dhe zgjedhje t\u00eb reja apo jo, nuk mund ta parashikoj. \u00cbsht\u00eb e v\u00ebshtir\u00eb, por mendoj se \u00ebsht\u00eb jetike.\u201d<\/p>\n\n\n\n Por shanset e Partis\u00eb Demokratike p\u00ebr ta kthyer pak\u00ebnaq\u00ebsin\u00eb popullore n\u00eb pushtet duken t\u00eb dyshimta, duke pasur parasysh natyr\u00ebn e gjer\u00eb dhe antisistem t\u00eb protestave. N\u00eb rrug\u00ebn direkt p\u00ebrpara zyr\u00ebs s\u00eb Berish\u00ebs, nd\u00ebrsa ndalova p\u00ebr t\u00eb kontrolluar telefonin, vura re nj\u00eb slogan t\u00eb shkruar duksh\u00ebm mbi nj\u00eb kosh t\u00eb madh metalik.<\/p>\n\n\n\n
Megjithat\u00eb, n\u00eb pamje t\u00eb par\u00eb, protestat, t\u00eb mb\u00ebshtetura nga \u00e7do shqiptar me t\u00eb cilin fola dhe q\u00eb nuk ishte pjes\u00eb e qeveris\u00eb, duket sikur po ndodhin n\u00eb nj\u00eb koh\u00eb paksa t\u00eb \u00e7uditshme.<\/p>\n\n\n\n