Enkelejd Alibeaj shpall zyrtarisht kandidatin e parë për Bashki ( EMRI )

0
699
Zjarr Televizion Ad This is a sample article. ...

Partia Demokratike e përfaqësuar nga Enkelejd Alibeaj ka zyrtarizuar kandidatin e parë për zgjedhjet vendore 2023, Agron Kapllanaj për Bashkinë e Mallakastrës. Lajmin e ka konfirmuar vetë Kapllanaj në një intervistë në “Ora News”, duke thënë se ky vendim është detyrim ndaj qytetarëve që e kanë votuar.

“Vendimi për të kandiduar nuk është ambicie as ofiqe personale, por detyrim ndaj qytetarëve që më kanë besuar ndër vite dhe fatkeqësisht i braktisëm në vitin 2019”, u shpreh Kapllanaj.

Teksa u pyet për përçarjen brenda PD-së, Agron Kapllanaj, i largohet gjuhës akuzuese, ndërsa deklaron se emri i tij në Mallakastër bashkon demokratët.

“Demokratët do të dinë të zgjedhin. Unë e kam dëshmuar në ditë të vështira se ju kam shërbyer atyre. Ju kam shërbyer demokratëve dhe socialistëve pa dallime. E kur nuk kam bërë këto dallime, nuk mund të shoh dallime brenda familjes time politike”, tha ai.

Por a ka negociuar apo do të negociojë me “Rithemelimin”? Kapllanaj shprehet i qartë:

“Unë do të jem kandidat. Partia ime, siç e thashë dhe e kam thënë, janë qytetarët mallakastriot. Atyre u detyrohem dhe do jem aty për ta”.

Zjarr Tv Ad