Presidenti Erdogan, ka urdhëruar forcimin e të gjitha pikave kufitare në Turqi, pas hyrjes së talebanëve në Afganistan. Ai pati një bisedë telefonike me Ministrin e Mbrojtjes Kombëtare Hulusi Akar, i cili po kryen inspektime në vijën kufitare me Iranin, pas vendimit të djeshëm për të forcuar masat.
Duke iu drejtuar komandantëve të trupave kufitare më pas, Erdogan tha:
“Ne po kalojmë një periudhë shumë të vështirë, nga njëra anë përmbytje, nga ana tjetër zjarre. Ndërsa të gjitha këto po ndodhin, ekziston edhe një problem i bazuar në thashethemet. Unë besoj se ju do t’i eliminoni problemet bazuar në thashetheme. Ne gjithashtu, duhet t’i kapërcejmë këto, sepse një terror gënjeshtrash po përhapet në Turqi.
Ne do ta kapërcejmë këtë terror së bashku me ju. Sidomos me muret që kemi ndërtuar në kufij, do të bllokojmë plotësisht hyrjet dhe daljet. Sepse muret tona në këto kufij janë muret tona të sigurisë. Nëse keni sukses në këtë aspekt, barra e forcave tona të armatosura do të jetë edhe më e lehtë”, tha Erdogan.
