Turqia ka kërcënuar një sulm ndaj Manbij për të përzënë milicinë kurde të YPG, të cilën e konsideron si një grup terrorist. Erdogan sinjalizoi të premten se Turqia nuk kishte nxitim për të kryer operacionin.
“Në situatën aktuale, ne ende po mbështesim integritetin e tokës siriane. Këto zona i përkasin Sirisë. Sapo organizatat terroriste të largohen nga zona, nuk do të kemi asgjë për të bërë atje”, u tha Erdogan gazetarëve të premten në Stamboll.
Më parë të premten, ushtria siriane tha se kishte hyrë në Manbij për herë të parë pas disa vitesh, pasi YPG i kërkoi Damaskut të mbronte qytetin nga kërcënimi i sulmeve turke.
“Nuk është vetëm për Manbij, po synojmë të zhdukim të gjitha organizatat terroriste në rajon. Objektivi ynë kryesor është që YPG të marrë mësimin e nevojshëm këtu”, tha Erdogan.
