Deputetët e PS kanë braktisur sot Komisionin Hetimor për Inceneratorët. Kjo pas marrjes në pyetje të dëshmitarit Jetmir Olldashi. Ata kanë kërkuar që të ndalohej marrja në pyetje e gazetarit, kërkesë që u rrëzua.
Deputetët e mazhorancës kanë kërkuar që Olldashi të mos merret në pyetje pasi sipas tyre rezulton një person i dënuar nga gjykata për çështjen që po shqyrtohet në komision.
DEBATET
Arben Pëllumbi: Jeni thirrur gjë nga SPAK? Nga Pokuroria? Jeni gjë pjesë e hetimit?
Jetmir Olldashi: Jo
Jorida Tabaku: I njhni shtetasit Mirel Mërtiri dhe Stela Gugalli.
Jetmir Olldashi: I njoh në rrethana zyrtare, më kanë paditur për shpifje për shkak të disa artikujve që unë kam publikuar në median time.
Jorida Tabaku: Keni folur me ta
Jetmir Olldashi: Jo asnjëherë, në momentin që ka qenë procesi gjyqësor përmes avokatit, jam dënuar nga një gjyqtar kacurrels, me një letër paçavure që po të doni jua vë në dispozicion.
Jorida Tabaku: Zoti Olldashi, ju siguroj që këtu nuk ju intimidon dot askush, do ta thoni fjalën tuaj deri në fund.
Arben Pëllumbi: Nuk bën dot dëshmitarin sepse është i dënuar për këtë çështje, ka papajtueshmëri për rolin e dëshmitarit. Ky ka dënim të formës së prerë e kanë bërë fajtor.
Jorida Tabaku: Ka një keqkuptim, nuk është dënuar për këtë çështje
Arben Pëllumbi: Po s’mund të dëshmojë pra për këtë çështje.
Jorida Tabaku: Po për atë punë, Gugallja e Mërtiri më kanë paditur mua
Arben Pëllumbi: Po nëse jeni fajtore edhe ju, s’mund të dëshmoni…
Jorida Tabaku: Përderisa çështja është në shkallën e parë dhe vendimi i Apelit nuk ka dalë akoma,
(Maxhoranca braktis sallën)
Jorida Tabaku: Ju lutem mos e bojkotoni seancën, mos bojkotoni, mos bojkotoni, e kuptoj shumë mirë se çfarë po kërkoni të bëni, nuk doni që qytetarët të dëgjojnë faktet, por mos ikni.
