Facebook po krijon 10.000 vende pune në BE, në kuadrin e përpjekjes së tij për të ndërtuar një botë virtuale për përdoruesit e tij. Kompania ka trumbetuar “metaverse”, si fazën tjetër të madhe të rritjes për kompanitë e mëdha të teknologjisë dhe kohët e fundit njoftoi një program investimi, prej 50 milionë dollarësh për të siguruar që kjo “përtej universit”, “përtej botës” të ndërtohet “me përgjegjësi”.
Facebook dhe firmat e tjera të teknologjisë, e imagjinojnë metaverse si një botë ku njerëzit bëjnë jetën e tyre shoqërore dhe profesionale në mënyrë virtuale, përmes kufjeve të realitetit virtual siç është “Oculus Rift” i Facebook dhe përmes realitetit të shtuar ku një shtresë dixhitale vendoset në krye të jetës reale, si në lojën popullore “Pokemon Go”. Kompania parashikon një rrjet të ndërlidhur të “metaverse”, pasi përdoruesit largohen nga fusha e Facebook pa probleme, për në një botë fqinje të krijuar nga firma të tjera të teknologjisë si Google, Apple ose një prodhues i madh i lojërave video.
Çfarë do të thotë “metaverse”?
“Meta-verse” është një term i përdorur për të përshkruar një hapësirë virtuale brenda mjediseve dixhitale siç janë lojërat në internet, mediat sociale dhe realiteti virtual, është një kombinim i parashtesës “meta” që do të thotë përtej dhe shkurtesës se “univers”. E shpikur nga Neal Stephenson, “metaverse” është, në fakt, term i trillimeve shkencore
Në një postim në blog që njofton dëshirën për punësim, Nick Clegg, nënkryetari i Facebook për çështjet globale, tha se evropianët do të luajnë një rol të rëndësishëm në formësimin e “metaverse”. Clegg tha se zhvillimi i një bote të banueshme VR dhe AR do të kërkonte investime të vazhdueshme në talente në të gjithë biznesin.
Njoftimi për vendet e punës nuk mbulon Mbretërinë e Bashkuar, ku Facebook punëson rreth 4,000 njerëz, megjithëse kompania tha se do të vazhdojë të zgjerohet në Britani. Puna e rekrutimit në BE pritet të përqëndrohet në Gjermani, Francë, Itali, Spanjë, Poloni, Hollandë dhe Irlandë. Deklarata gjithashtu iu referua statusit të BE-së si një rregullator me ndikim në sipërmarrjet e reja të internetit. Këtë muaj, Komisionerja e BE-së për konkurrencën, Margrethe Vestager, tha se ndërprerja masive në platformat e Facebook, e cila preku miliarda përdorues në të gjithë botën, tregoi rreziqet e mbështetjes tek vetëm disa lojtarë të mëdhenj të teknologjisë.
