Ish-ministri i Mbrojtjes, Fatmir Mediu, u ka dërguar një mesazh mbrëmjen e djeshme familjeve të viktimave të Gërdecit. Duke komentuar vendimin e Gjykatës së Apelit për marrjen e tij të pandehur, Mediu tha se ai nuk ka lidhje me atë tragjedi.
Në studion e emisionit “Të Paekspozuarit”, Mediu tha se familjarët e viktimave kanë të drejtë ta urrejnë, sepse dhimbja është e madhe, por “unë nuk kam gisht”, theksoi ai.
“Nuk e kam as me drejtësinë as me palët e tjera. Ndihem shumë keq në raport me familjarët e Gërdecit. Ajo më dhemb. Ajo ka qenë arsyeja që kam marrë qëndrimin tim. Vetëm ajo më vjen keq. Nuk di sesi mundet në jetën time, pavarësisht si do të shkojnë gjërat, ti bëjë ata të jenë të bindur, që Fatmir Mediu nuk ka gisht në atë që ka ndodhur në Gërdec.
Nuk kam marrëdhënie me atë që ka ndodhur në Gërdec. Kur shoh Zamirën, djalin, familjarë të tjerë që flasin. Nuk kam tentuar t’ju afrohem, sepse atakjanë në të drejtë të urrejnë dhe të thonë çfarë u vjen në mendje, sepse dhimbja e tyre është shumë herë më e madhe, sesa çdo lloj arsyetimi dhe ballafaqimi që mund të bëj për këtë çështje“, tha Mediu.
“Avokati më kanë thënë në këtë vend mund të ndodhë çdo cudi. Mund të jesh i pafajshëm, por të ndodhë si në kohën e Hoxhës. Kur prokuroria është më e fuqishme se gjykata, sistemi i drejtësisë nuk funskionon. Jam në këtë betejë për t’u përballur edhe me padrejtësinë. Mund të ketë cdo gjë në përballje.
