Deputeti demokrat Flamur Noka nuk e njeh kryetarin e përkohshëm të PD-së, Enkelejd Alibeajn, pas dorëheqjes së Lulzim Bashës, duke thënë se PD-ja përfaqësohet vetëm nga Komisioni i Rithemelimit.
Noka tha se vendimi i Gazment Bardhit për kryetarin e ri dhe deklarata e Alibeajt me katër pika drejtuar mbështetësve të Berishës, janë të pavlefshme.
Në emisionin “5 Pyetje”, Noka i tha gazetarit Babaramo se Basha dërgoi te Berisha ish-eurodeputetin Elmar Brok, përmes të cilit i kërkoi të ishte kreu i Komisionit të Integrimit në Parlament.
“Lulzim Brava dërgoi një negociator te Sali Berisha, që quhet Elmar Brok. Negociatori kërkonte që Lulzim Basha të pranojë të zbatojë vendimin e 11 dhjetorit me kushtin që Lulzim Basha të jetë bashkëkryetar i komisionit të integrimit me Ballën”, tha Noka.
