Drejtoresha e Komunikimit në Grupin e Rithemelimit të PD, Floriana Garo me një deklaratë për mediat ka kërkuar që të mos bëhen cilësime të gabuara për sa i takon pozicionit që mbajnë Enkelejd Alibeaj, Gazment Bardhi dhe Jorida Tabaku.
Garo sqaron gjithashtu se sipas vendimit të gjykatës për njohjen e kuvendit të 11 dhjetorit, Alibeaj nuk është kryetar i komanduar i PD, por kryetar i grupit parlamentar ndërsa Bardhi dhe Tabaku janë vetëm deputetë.
Njoftimi i Plotë i bërë nga Floriana Garo:
“Te dashur kolegë,
Regjistrimi nga gjykata i statutit të 11 Dhjetorit te Partisë Demokratike, (të premten- 25 Mars) konfirmon se:
-Z. Alibejaj është vetëm Kryetar i Grupit Parlamentar, jo Kryetar i komanduar i PD.
-Z. Gazment Bardhi eshte vetem Deputet, jo Sekretar i Pergjithshem i PD.
-Znj. Jorida Tabaku eshte vetem deputete, jo Nen Kryetare e PD.
Ju lutem kijeni këtë parasysh kur i cilësoni neper lajme ne TV, gazeta e portale.”-shprehet Garo.
