Fluturimi Milano-Tiranë ishte parashikuar në orën 08:30 të mëngjesit të datës 4 janar, ndërkohë që pa asnjë njoftim dhe asnjë arsye është shtyrë për në orën 16:45 të ditës së sotme (5 janar).
Një javë më parë Enti Nacional i Italisë për Aviacionin Civil i pezulloi licencën e kompanisë së fluturimeve ‘Fly Ernest’.
Prej 29 dhjetorit kësaj kompanie, e cila operon edhe në Shqipëri, nuk i lejohet shitja e biletave.
Por ‘Fly Ernest’ do vijojë aktivitetin deri më 13 janar 2020 për shkak të biletave tashmë të shitura.
Pezullimi erdhi si pasojë e mosrespektimit të normativave evropiane nga kompania e fluturimeve.
‘Fly Ernest’ do të mbahet nën vëzhgim dhe do të monitorohet ENAC.
Në rast se realizon kërkesat dhe normativat europiane pezullimi mund të hiqet.
