Ditën e djeshme Sekretari i Përgjithshëm i Partisë Demokratike, Gazment Bardhi, akuzoi se simbolet e PD-së po përdoren nga persona të paautorizuar, duke iu referuar “bexhave” që janë shpërndarë te delegatët për mbledhjen e Kuvendit në datën 11 Dhjetor.
Ndërkohë, ditën e sotme ka reaguar edhe “Foltorja”, e cila shprehet se simbolet, vula, selia dhe vetë Partia Demokratike u përkasin demokratëve, ndaj ïsh-ministri i Ramës nuk mund të pengojë misionin e delegatëve”.
Reagimi i plotë:
Një përgjigje për “kryetarin” pa parti!
Të vënë përballë faktit të kryer se shumica e delegatëve të kuvendit dhe anëtarëve të PD i kanë përcaktuar tashmë de facto si pakicë uzurpuese të Partisë Demokratike ashtu siç pritej, peng – kryetari në largim dhe ai që ka poshtë, do të zvarriteshin pas logove e pas vulave duke u bërë më qesharakë seç janë.
Simbolet, vula, selia dhe vetë Partia Demokratike u përkasin demokratëve të cilët kanë deleguar vullnetin e tyre tek delegatët e Kuvendit Kombëtar që është dhe organi më i lartë i Partisë Demokratike. Mbi 5000 mijë delegatë që përbëjnë dhe mbi 65% të këtij Kuvendi kanë firmosur ta thërrasin atë në 11 Dhjetor në përputhje të plotë me statutin e PD!
Askush dhe aq më pak ish ministri Edi Ramës nuk mund t’i pengoje ata të realizojnë misionin e tyre nën flamurin, siglën dhe simbolet e Partisë Demokratike. Shoqata Basha – Bardhi le të tundë dhe për pak ditë letrat se partia dhe demokratët i kanë braktisur me kohë.
Përballe mijëra firmave që mbështesin Kuvendin Rithemelimit të 11 Dhjetorit ankesat dhe të qarat për letra e shkresa dëshmojnë fundin pa lavdi të nje grupi njerëzish të cilëve as dorëheqja nuk ua shpëton dot më nderin që në fakt nuk e patën kurrë!
