Analisti Frrok Çupi, ka ironizuar thellë PD-në dhe liderin e saj Lulzim Basha, por dhe Sali Berishën sa kohë u kthye në retrospektivë.
Ai tha se ne (populli) nuk duhet t’i kërkojmë PD-së që të fitojë me patjetër, pasi nuk është se më herët ka pasur histori të suksesshme fitoreje.
Të njejtën gjë tha dhe Mark Marku në disa shënime të tija në Facebook, por ai nuk harronte të përmendte 1992, ndërsa Çupi e “harroi” fitoren e thellë të PD në vitin 1992, pas fitores po në rezultate të thella të Partisë Komuniste në 1991.
Frrok Çupi: Pse i kërkojmë PD-së fitoren ne? Pse i kërkojmë diçka të pamundur? Sikur PD ka fituar gjithnjë, jo. PD nuk i ka fituar kurrë zgjedhjet, kurrë nuk ka dalë forcë e parë. Çfarë i kërkojmë PD ne? Që të fitojë patjetër? Ata të PD dhe militantët e saj kanë të drejtë, por ne këtu pse i kërkojmë kështu në qiell të pastër që të fitojë? Nuk fiton dot. Është parti pa karakter, sidomos me këtë lider. Të gjitha partitë kanë një fund. Një fillim, një rrugëtim dhe një fund.
