Një zhvendosje në zemër të Europës pritet të ndodhë. Zhvendosje kjo që nuk është politike, por gjeografike.
Që prej përfshirjes së Kroacisë në BE në vitin 2013, qendra e BE-së ka qenë një qytet i bogël në Bavari, i quajtur Westerngrund.
Por gjithçka mund të ndryshojë me daljen e Britanisë së Madhe. Qendra e re e BE pritet të zhvendoset nga Westerngrund në Gadheim
Udhëtimi nga Westerngrund për në lokacionin tjetër bavarez Gadheim zgjat rreth një orë. Qendra gjeografike e BE-së përcaktohet nga Instituti Gjeografik Francez (IGN). Megjithëse ka ndryshuar disa herë pas zgjerimeve të herëpashershme, qendra e BE ka mbetur në Gjermani që prej zgjerimit me 10 vende të reja në vitin 2004.
Në Gadheim gjithçka është gati. Një shtizë pret të valëvisë flamurin e BE, në atë që do të jetë qendra e re gjeografike e Bashkimit Europian.
Zyrtarët lokalë presin që fshati të vizitohet nga më shumë turistë, çka lumturon më tepër rezidentët.
